صباح الخير
حبيباتي لكم الحق بحذف الموضوع إذا شفتوه غلط وممنوع 
أنا عندي كبت لعرض الذهب 6طوابق متحركه اللون ذهبي اللي حابه تاجره أنا مستعده
والموضوع حطيته لان بيوم من الايام حست بالمنتديات أدور كبت العرض وكان صعب القاه وبعد ما إفتريت بالكويت لقيته وقلت اكيد فيه بنات يدورون عليه خص العرايس ولازم افيدهم حتي لو كنت باجرهم لهم .
واعذروني على طرحي لكن والله مو القصد الكسب المادي لكن الكبت موجود عندي وبستفيد وافيد دامه مركون .
أختكم سدومه
معقوله اختي الغاليه اختك مهرها 25000
كيف بتلحق وتشتري وتحجز الله يعينها
طريقة العرض بتكون على ذوقك
يعني الرف الاول شبكه والثاني سبحه والثالث هم سبحه والرابع الأساور ((اسواره وخواتمها) والخامس ساعتين ماركه والأخير تحط صورها أو أكسسوار يعني مو شرط على قد الرفوف تحط الذهب
والله يعينكم على التجهيز خص لو كنتم حده حده
والذهب فيه ناس ماتهتم فيه لكن فيه عوائل ملتزمه بالسلم القديم واجباري تعرضين الذهب لهم علشان تترس عينهم