السلام عليكم ورحمة الله وبركاته
كيفكم بنات ان شاءالله بخير .
بنات ابي مساعدتكم انا متعقده من مادة الرياضيات
لدرجةة كبيييرهه لان لما كنت ثاني ابتدائي الاستاذه الي
تدرسنا رياضيات كانت تضرب وتسب وتلعن طول الحصه
وانا كنت اخاف منها وكرهت مادة الرياضيات من ذاك اليوم
وللحييين مهما حاولت مقدر اجيب فيه كامل اببد
اليوم كان عندنا اختبار رياضيات اوكيهه .
وامس طول الوقت كنت اذاكر ولما اختبرت حسيته سهل
بس طلعت درجتي نازلهه حييل وانصدمت والله .
جبت 2 من 10 وقسم بالله للحين مو مستوعبه
تعبت امس واول مره اذاكر كذا ابي اجيب درجة كاملة
اخر شيء كذا ؟ بنات بليز ابي حل تعبت كذا
وامي طول اليوم جالسه تعاتبني ع درجاتي
طيب والله مو بيدي كل المواد لو اذاكرها زي مذاكرتي امس للرياضيات كان وقسم بالله اجيب كامل
بس مدري والله شفيني كذا ف اختبارات الرياضيات دايك درجاتي نازلةة ؛ وغير كذا الطامه الكبرى امي ومعلمة الرياضيات صحبات من الثنوي عشان كذا امي مره متفشله من درجاتي ؛ وصارت كل ماشافتني رمت علي كم كلمةة .
بنات والله ماني عارفه شسوي احس ببكي من القهر ليه كذا ؟
والله اني ذاكرت زيين وفاهمه الدروس كلهاا للحين
بس مدري ليه لما اختبر اجيب العيد
والحين بما ان درجاتي نازله اخاف ارسب فذي الماده
بنات بليز اعطوني حل تعبت والله ؛ مايقهرني الا امي طول اليوم ترمي علي كلمات تقول : فشلتيني – مابتفلحين " مابتنجحين " – اخر السنه شوفي درجاتك كف تجلسين تبكين .
بنات وقسمم بالله هذي الماده مهما فهمتها ف الاختبار معرف اجاوب والله مدري ليه :((
ومره نمت بحصة هالمعلمه لاني كنت تعبانه حييل وفيه بنت قالت للمعلمه ياابله ندى تشخر ، المعلمه ما سمعتها وهي عادت وقالت نايممه ياابله لما صحيت نفس البنت قالت لي ترا شخرتي وصوتك وصل اخر الفصل وسألت وحده ثانيه قالت تمزح صوتك كان واطي .
والمعلمه ماتصدق راحت قالت لخالتي " خالتي تدرس بنفس المدرسة " وخالتي علمت امي وطبعا فيهه زياادة من عند المعلمه اني كل حصه انام ودايما اشخر وازعجهم ومااشارك .
صح مااشارك بس الباقي كلها غلط اول مره انام بحصتها تقول كذا . استغفرالله بس الكذب صار عندهم عادي
بنات بليز ابي حل امي زعلانه مني عشان الدرجات تقول تفشليني دايما
الله يسعدها ويوفقها ويحقق لها كل الي تتمناه الي تساعدني او تدعي لي 😢💔
حاولي الحل مهما كان خطأ
في شؤح في الانترنات في دورات لتعلم مدة رياضيات يعني تشارطي في حصة بفلوس فايا ويكند
وربي يوفقك
6 اولاختبار الثاني 6مع النهائي امممممم مقبول ماشي حاله اهم شي تنجحين
يعني فكري تعدينها احسبي كم محتاجه اللحين درجات وعوضيها بالاختبار الثاني والاختبار الثاني احسبي كم محتاجه درجات وعوضيها بالنهائي وحطي المقبول بجيبك
+ تنصحوني بكره اروح احاول
بالاستاذه تعيد لي الاختبار ؟