اجمل قصيدة عن العراق الجريح,,,,,,,
مل مني القلم ومن القلم مليت
عمت عينه الما نفع شعره قلمنه تعب حته الشعر ويه العراقيين بحال اهلنه وصار وبالعراق ادره رسمت حروف العراق برسم فنان وجمعت اربيل والانبار والبصره وگلت لازم حروفي توحد الخوان ما معقوله هيچ تصير فد مره ورديت ولگيت دموع عالوجنات حروف الي رسمتهه محافظات عدد اليوم متطشره كردستان تحچي بزودهه وتگول احنه العاصمه وبغداد متأخره والانبار شالت سيف عالخوان لو ليه الحكم لوفلش الاسره والبصره تگول احنه نريد اقليم ومن نفط العراق الكم فقط عشره وشفت للفتنه والله العراقيين دون حروف جر يا ناس منجرة مذبوحه المحبه وناس تكره ناس سويه الي يحب والقابض الجمره حته الورد ما يرضه بعد بالماي من دمنه تريد الورده والشجرهرقم جبنه قياسي بالقتل والموت وصرنه اول شعب نص اهله متهجره نهر دجلة يا ناس من الجثث غرگان خلي نمد ادينه لدجله وانجره علي جثثنه ادور هالفضائيات ياهو الي يصور ياخذ الاجره معصوبه العيون مچتفه الايدين وانواع الرصاص بصدره يچوب لأ اجوي اهله وچفنوا بچفان مجهولة الهوية ومن درة بأمره ، if أمة الحنونه الصايمه برمضان ما اكلت اكلهه وبقت تنتضره تنتضره يرد وتريد تحجي وياه اثاري العيد لازم ينگطع مهره لان باعت ذهبهه بشارع الصياغ حته تزوج ابنهه الما فرح عمره ما نامت بقت سهرانه كل اليل ، as ليل العراق الما بزغ فجره وما جاهه صبر طلعت تدور عليه و مثل حمامة طلعة بعينهه العبره وما شافت ابنهه وجاهه ملك الموت تعرف شنهي يعني تموت بالحسره؟ معناها الفرح صاير مثل رجال شايل ورده بيده وخنجر بضهره معناها عراقك كاتل ومكتول سوده گلوبهم وعقول مفتره وكل هذا احنه العراقيين ويگلي سنه وشيعه عشنه الحلوه والمره! لأ والله احنه العراقيين چذب سنه وشيعه مثل الضره عالضره ملينه الچذب وليمته وليا دوب واقع حال لازم نخضع لامره ملينه الچذب وليمته وليا دوب قصايدنه اجت للناس متأخره نعم خوان احنه نعم خوان احنه وياك انى بهاي بس مو من بعد تفجير سامره بعد تفجير سامره العراقيين مثل فلم الرعب ودمايته الحمره مو صحيح الصايره ابغداد فتنة سونامي الفتن بغداد منتشره اتقوا مو هواي متوهمين عالهويه صارت عالاسم گص راسه ويشمره واليگلي تبالغ انته حيل بهاي جبت حجة ودليل وياي هالمره اتحده بكر ابو الخطاب واتحده افن واحد البيهم يوصل الثوره علي واتحده واتحده هم حسين ، if فلوجه طبهه ومنكسر ضهره صفر كل النتايج للعراقيين بس بالفتنه جابوا عشره من عشره هذا يگول سني ناصبي اغتالوه وهذا يگول شيعي رافضي نكفره ضلوا بهالسوالف يا خزي ويا عار واسرائيل علگت نارهه الكبره يول وين الشرف گدامكم بغداد شگوا ثوبهه واخذوهه متأسره غتصبوهه الكفر. .. ما تسمعوهه تصيح آنه ام الشرف واليوم مو عذره بعد والله ما قيل ينفعنه وقال لات كلشي انتهه وانكسرت الجره مرحوم العراق استشهد من سنين يا وسفه صفت أشلائه متنثره متنثره بمزابل يمهه كوم چلاب اكلت من لحومه وما درت سره صير بس هالمره اترجاك وياي عيب من العراق محافظات عدد اليوم نتبره صعبه بمزبله جثة العراق تصير خلي نشيله منهه وندفنه بگبره اتمنى ان تنال اعجابكم
منقول للامانة
فديت العراق وترابها
فدييييييت العراآق . .
و اهلهاآ . .
راقي ومتميز ولاتأتي الا بما هو راقي ومميز
طرح يستحق الشكر