(( مخـدوع ))
مـاقلتلـك حظـي مع النـاس مخـدوع
اضحـك دقيقـه لكـن اضيـق سـاعـه
واليـا ضحكـت امسيـت بالضحـك موجـوع
وكـن المواجـع اختنـا بالرضـاعـه
عـزاه يادنيـا بهـا الضحك ممنـوع
هـذي حيـاتي كلبوهـا فظـاعـه
صـارت محـاجـرنـا تـرحب بالـدموع
ترحيبـة اللي جـاي بعد القطـاعه
بسلـك طريـق الحق بسيـوف ودروع
متـوكلـن بالله وفينـي شجـاعـه
ولـو إني امسـي فـ الخـلا ميـت (ن) جـوع
مـاطق بيبـان الـردا وسط قـاعـه
للعـز ينبـوع (ن) … ولـذل ينبـوع
واخـذت من كنـز الحيـاه القنـاعـه
يـاكم نـاس (ن) بـاعـة اسلـوم وربـوع
بـاعـه ولا شـال الوفـى في ذراعـه
ويـاكم شخـص (ن) تـابـع لـ شخص متبـوع
راجـي ومرجـي ومرتجـي لـ طمـاعه
ويـاكم بيت (ن) نحسبـه بيت مـربـوع
واثـر العمـى بالعيـن سبب منـاعـه
ويـاكم زول (ن) ننصـدم فيـه بسبـوع
اليـا قضـا حاجتـه اعلـن وداعـه
يـاسيـدي من فعلهـم صـرت مفجـوع
برسـي على المينـى وبطـوي شراعـه
تعبـت من دنيـا بهـا الطيـب مقشـوع
ابحتمـي بعـز العـرب والجمـاعـه
مـاقلتلـك ياخـوي هالطـيب مخنـوع
ومـاقلتلـك ياخـوي سمـع (ن) وطـاعـه
ومـاقلتلـك ياحـظ بالنـاس مخـدوع
اضحـك دقيقـه لـكن اضيـق سـاعـه
وسـلامتـكم
لشاعر ..// محمد خلف البصيص
|
المشاركة الأصلية كتبت بواسطة ماينلآم من حبك
 رووووعه تسسلم ايدك
|
الاروع كونك هنا غاليتي 
|
المشاركة الأصلية كتبت بواسطة بان فيراس
روعة جدا راقي هذا الشعر يسلمو يداك
|
الاروع بلاشك تواجدك
كوني بخير غلاتي
|
المشاركة الأصلية كتبت بواسطة عزتي تسواك
شكرا لك يعطيك العافيه
|
الله يعافي قلبك
وشكر لتواجدك