مسيّت بالخير
مسيّت بالخير .. يوم الخير .. مسّى بك
ياللى .. عليك المسا .. بالصبح يجمعني
هذي حقيقة .. كشفها الوقت .. بأسبابك
يامن على وصلك .. الأقدار .. تدفعني
أبطيت . في جيّك .. وأسرفت .. ب غيابك
وعلّقتني .. بين .. تاصلني .. وتقطعني
أعوام متناحره .. وأعوام تتشابك
والحظ .. يقطع كلامي .. قبل يسمعني
لين إعترف .. بالخطا .. يوم الهوى جابك
وقبلت عذره .. قبل بالعذر .. يقنعني
مانيب .. فاضي .. ياكود ل هوسة أهدابك
دعني … فديتك أحلّل هوسته .. دعني
طابت .. ليالي هدبك .. ب ريق عنّابك
قدام لا أجوع له … مفروض يشبعني
يا عين جِدي .. عسى ما صابني .. صابك ؟؟
قول (إيه) لو كذب. .. منك الكذب .. ينفعني
راضي .. وأحبك .. وأشيل .. الحب .. لأحبابك
وأنت .. إخذني .. فوق قاع العشق .. وإزرعني
يمكن ..تماديت ؟؟ لكن راجع حسابك
وتشووف كيف أنت ؟؟ تنزل بي .. وترفعني
أوّّّآآآه .. يوم أسمع الونّة ورا بابك
أحس فيها هنيّا .. حيل … توجعني
حالة لها وقت .. تذبحني .. وتحيا بك
وأنا .. ولا أدري .. من المقصود .. والمعني
بس أنت ..تدري وش اللى سبّب إعجابك
وتدري وش اللى عن .. التلميح .. يمنعني
كان .. السبب .. يوم أشوف الوصل .. ب غيابك
يوم إن .. خيالك .. يفرّقني .. ويجمعني
للشاعر مطلق النومسي
أبطيت . في جيّك .. وأسرفت .. ب غيابك
وعلّقتني .. بين .. تاصلني .. وتقطعني
/
أوّّّآآآه .. يوم أسمع الونّة ورا بابك
أحس فيها هنيّا .. حيل … توجعني
يَاا هلااا وسهلااا
صَح لسَان النومسي ، ولاااا هانت يَمينك شموُخ
الله يمسيكي بنور النبي
كلمات ولا اروع
وتنقايه حلوه من اخت كريمه
يسلمووووو في غاية الروعه
——————————————————–
صح لسان قائلها وسلمت أنامل ناقلتها
بقايا روح