السلام عليكم ورحمة الله وبركاته
ماني عارفه من وين ولا كيف ابتدي مشكلتي
مشكلتي معقده وانا من نفسي ماعرف كيف اعبر عنها او احلها
انا تزوجت مرتين وفالحالتين تطلقت وفكل زواج يستمر 6 شهور
بستغربون لو قلت لكم ماعرف السبب بالضبط
انا نفسي ماعرف ناس كثير قالو عين وحسد او اني ملبوسه
انا شكيت في نفسي لانه وضعي تغير كثيرررر كنت انسانه احب الوناسه والفرفشه واضحك واحب البس واكشخ لكن من تزوجت الزواج الاول صرت اكره كل شي صرت منعزله بشكل ماهو طبيعي وهالشي استمر معي لهذا اليوم كارهه كل شي
زواجي الاول
كنت عادي جدا كنت احترم زوجي لكن ماكان فيه بوادر حب يمكن لاني كنت صغيره واجهل معناه
كان يكبرني ب 9 سنين ..
صديقاتي مش متزوجات كانو يقولون ماتحسين بخوف من ليلة الدخله
كنت اقولهم وشدعوه ليه الخوف يمكن انا ماكنت متفتحه نفسهم يعني ماكنت عندي خلفيه عن مووضوع ليلة الدخله وغيره كنت اعرف انه بصير شي بس كنت جاهله بالموضوع تماما
يوم زواجي اللي اهو ليلة الدخله
انصدمت كثيرر لدرجه كرهت زوجي وكرهت الزواج وتمنيت لو الارض تنشق وتبلعني كرهت كل شي كنت اتمنى اموت كنت كله ابكي وزوجي كرهني وزاد الطين بله لانه كان عصبي وماستحمل وضعي
اتوقع انها كانت صدمه نفسيه لانه ماكنت مثقفه بالموضوع
وللعلم ماتم الدخول ف ليلة الدخله .. واستمر الوضع شهور لين ماطلقني زوجي بعدها رفضت الزواج نهائيا
لكن بعد 6 سنوات وتخرجي تقدم لي الشخص المناسب من وجهه نظري ماشفت فيه عيب
وفي زواجي الثاني كنت انضج وقررت اني اكون اسره ..
للكن للاسف من اول يوم تذكرت كل الي صار بزواجي الاول وتكرر معي الشي نفسه بالضبط وكرهت برضو الزواج وزوجي وكل شي احس بضيق اذا صار جنبي واستانس اذا كان بعيد كانت حياتي جحيم
لين ماتطلقت وللعلم انا الى الان بنت صرت اكره الرجال بشكل فظيع
لا تعتقدون اني مستانسه بوضعي لا والله احس بضيق فضييع وبحزن مايعلمه الا الله
انا تايهه ولا اعرف وش اسوي احس ابي اقعد بروحي مابي حد يكلمني او اكلم حد
اذا كلموني بموضوع الزواج ابكي ابكي واحس بضيق 
امي كانت بتعرضني على طبيب نفسي لكن تراجعت فاللحظه الاخيره 
احس بضعف مب عارفه وش فيني
دوم يعايروني بنات اصغر مني تزوجو وخلفوو
انا سمعت عن وحده نفس وضعي وقالت انه قرينتها تكره الرجال هل ممكن هالشي صار معي ؟
الله ييسر امورك ويفرج لك
حبيبتي ضروري تروحي لطبيبه نفسيه وتحجين لها كل شيء وان شاءالله بترتاحي
والله يريح بالج ويسهل امرج يارب العالمين اللهم اااااااااااميييييييييين
كونك كنتي جاهله بـ هالامور
ومن حقك ما الومك
بس حاولي تراجعين مستشاره نفسيه
حتى تعيد تأهيلك للحياة من جديد
لازم امك لقت حل قبل الطلاق روحي لطبيبه نفسيه واسمعي قران