——————————————————————————–
مفهوم الريجيم تغير السنة دي "كلي أكتر تخسي" أفضل!! ازاي ناكل ونخس؟؟؟
فعلا الفكر تغير كتير في 2024.. كنا في السابق نعتمد على سياسة التجويع والتخلص من المياه والملح الزائد في الجسم دون الاهتمام بصحة وشكل وجه المريض، فيفقد من وزنه ويحقق على الميزان رقما هائلا لكن وجهه يظل شاحبا وفاقدا للحيوية والقدرة على مواصلة النشاط..
أمريكا أكتر مكان في العالم مهووس بالريجيم ارتفعت فيه معدلات السمنة لنسبة تصل إلى 70% والسبب الأنظمة الخاطئة.. في الريجيم المريض يأكل كميات غير محددة يعني يأكل موز مثلا طول النهار لحد الامتلاء وأكتر.. الطريقة دي بتوسع المعدة جدا عشان كده بمجرد ما المريض يتوقف عن الريجيم ويرجع يعيش عادي يتخن أكتر من الأول وهي دي المشكلة فقدان الوزن بسرعة والعودة بسرعة وبوزن هائل..
هل ريجيم 2024 نظام غذائي مثالي ولا يشعرنا بالجوع؟
ريجيم 2024 يعتمد في الأساس على أسلوب الحرق الداخلي وده من خلال إعطاء الجسم وجبات صغيرة فيها كل العناصر الغذائية حتى الكربوهيدرات، ولكن الكربوهيدرات المركبة زي البليلة والفريك والأرز البسمتي أو البني أو المكرونة، وبنبعد عن النشا الصريح –العيش الأبيض والأرز المصري- وكمان بنستخدم بدائل السكر. وبنهتم جدا بشرب المية بكميات وخاصة قبل الأكل.. في الطريقة الجديدة لازم على الأقل تناول خمس وجبات في اليوم بين كل وجبة ساعتان ولا يزيد الفرق بين كل وجبة وأخرى عن خمس ساعات. وعلى فكرة كل واحد فينا له نظام للحرق خاص به؛ الطفل غير الشاب غير الرياضي.. الرجل غير الست.. كل واحد له نظام بيتفصل عليه.. غلط جدا نجرب ريجيم حد كان متبعه وخس عليه بدون أن نعرف طبيعه الحرق في جسمنا ماشية ازاي.
بالطريقة دي الجسم بيحرق بانتظام فيتخلص من الدهون اللي مشوهة شكل الجسم وبنرفع نسبة السوائل فيه عشان نحافظ على بشرتنا نضرة وجميلة… احنا بنخس عشان شكلنا يبقى حلو وصحتنا كمان تكون أفضل.
إيه رأيك في إهمال وجبة الإفطار؟ بعضنا بيفطر الساعة 3 ظهرا وساعات كتير بيقعد طول النهار من غير أكل ورغم كده بنتخن!!!
ده أكبر غلط ممكن نقع فيه.. أكيد اللي مش هيفطر هيتخن.. كل كتب الطب بتقول كده وكمان قلة الأكل وسياسة التجويع كمان بتتخن جدا.
الفطار أهم وجبة لازم نحرص عليها لأن من غير ما نفطر مش هنقدر نستمر في نشاطنا وحيويتنا وكمان بيدخل الجسم في مود التجويع، يعني الجسم لا يحصل على طعام لساعات طويلة فيضطر للتخلص من السوائل والأملاح ولا يقوم بعملية حرق الدهون بصورتها الصحيحة، وحتى لو أخد كميات قليلة لا يحرقها كلها، ويلجأ إلى مقاومة حرق الدهون والاحتيال على عملية الحرق حتى لو بيأكل أكل صحي بيتخن.. كمان بيخلي عند الجسم رغبة قوية في أكل النشويات والسكريات بكميات كبيرة..
يعني فيه ناس تبطل أكل طول النهار وفجأة تأكل شيكولاتات وحلويات بشراهة، والحجة: "أنا مافطرتش النهاردة" والحقيقة إن جسمه بسبب التجويع محتاج لكربوهيدرات عالية جدا عشان يقدر يحرق أجهزته، وممكن بعد فترة الإنسان يتحول إلى مدمن للسكر.
الأسوأ أن الإهمال في الفطار بيعطل عمل أجهزة الجسم بفعالية لأن الأكل زي البنزين.. الفطار بيضبط السكر في الدم وبيعدل الحالة المزاجية.
هل فيه وقت محدد للفطار؟
طبعا نصف ساعة بعد الصحيان من النوم مباشرة لأن اللي بيصحى الساعة سبعة وبيفطر الساعة 12 ده مش فطار أبدا.
ليه بنتخن بعد ما نتوقف عن الريجيم بسرعة وممكن نبقى أكتر من الأول؟
المشكلة إننا بنقلل من وزننا عشان نحقق حاجة محددة، بمعنى إن البنت بتخس عشان تلبس فستان ضاق عليها أو الولد هيقدّم في كلية عسكرية أو عشان عنده مقابلة شغل وهكذا وبمجرد ما القصة بتخلص بـ"ترجع ريما لعادتها القديمة"..
النزول على الميزان مش شطارة لازم قبل ما نفكر نعمل ريجيم نستعد إن ده هيكون نظام غذائي لحياتنا…معالم النظام الغذائي الصحي؟
من الأساسيات الفطار صباحا وأكل خمس وجبات يوميا بين كل وجبة والتانية ساعتين وشرب المية قبل الأكل.. الوجبات تكون فيها كل العناصر الغذائية.. نبعد عن الوجبات الجاهزة.. ممكن ناكلها مرة في الأسبوع وكفاية ونكتر من الخضار والفاكهة.. ولو احنا في الجامعة طول النهار نحرص على أكل وجبة.. مش عيب لو أخدنا معانا تفاحة أو برتقالة، أعتقد إنها هتكون أحسن من الشيبسي والسناكس المملحة واللي مليانة مواد حافظة.
لازم نصغر وجباتنا شوية.. حكاية ناكل وقدامنا "السرفيس" كل ما نخلص ناخد تاني دي غلط جدا..
كيف نتخلص من عادة ربط حالتنا المزاجية بالأكل؟[/size]
[size="3"]المسألة محتاجة نغير من أسلوبنا في الحياة ومن عاداتنا السيئة؛ بنفرح بناكل، بنزعل بناكل، حتى مناسباتنا الدينية سواء مسلمين أو مسيحيين مرتبطة بالأكل.. والرياضة غايبة عن نظام حياتنا خالص وأقصد الرياضة البسيطة؛ المشي.. نصيحتي لو حد متضايق يمشي، يحط همه في الرياضة ويمارس هواية تتطلب مجهود. الحاجات اللى بتزعل حولنا وفى حياتنا لا تنتهي!!! وبلاش نعود أولادنا إن المكافآت أكل.. لو عاوزة تكافئي ابنك اشتري له لعبة، قصص.. كمان لو رايحين زيارة بدل من الشيكولاتة والتورتة هاتي ورد، أو حاجة للبيت.
إيه رايك في أعشاب التخسيس وأدوية حرق الدهون وتقليل الشهية؟
كل ده غلط جدا وضار بالصحة وحكاية إن الأعشاب لو مانفعتش مش هتضر فكرة غلط جدا.. السمنة مرض بحكم تصنيف منظمة الصحة العالمية، والأعشاب لا تعالج الأمراض وتصريح وزارة الصحة ووزارة التموين لا يدخلها ضمن الدواء.
الأعشاب ممكن تنزل المية من الجسم وتسبب في حدوث الفشل الكلوي وأمراض احنا في غنى عنها.. كمان أدوية التخسيس لازم تكون تحت إشراف الطبيب لأن لها نظام خاص في الأكل والجرعات.
منقول من مجلة لكِ سيدتي
حيث تناول كميات قليله تحوي جميع العناصر الغذائيه الكربوهيدرات وغيره
تسلم الايادي ثلوج الشتاء
دائما متميزه باختيارك
وانا بقرا اللهجه مصريه استغربت
لانك مش مصريه صح؟
وبعدين عرفت انه منقول من مجله ففهمت
بس مشكورة علي النقل ومعلومات قيمه