بسم الله الرحمن الرحيم
والسلام عليكم ورحمة الله وبركاته
يعيش بيننا نساء ورجال كبار وصغار موضوع في خانة مسمياتهم بالحياة
( مجهول الأبوين ) !
لا اريد الخوض في هذا المضمون كثيرا
فقط اسألكم ..
لو تقدم شخص صالح مشهود له بالتقى والاخلاق الحميدة لكن عيبه الذي ليس له اي ذنب به
أنه ( مجهول الأبوين ) هل تزوجه لأختك او ابنتك او انتي هل توفقين على الزواج منه؟
وهل تقبل أنت ان تتزوج من انسانة مجهولة الأبوين ؟
ان كانت الاجابة بنعم فاتمنى معرفة الاسباب
وان كانت الاجابة بلا ايضا أَبحث عن الاسباب
وأنتِ يا فاضلتي
لو تقدم لكِ شخص مجهول الأبوين خلوق ومحترم ترفضين ام توافقين ولمَ ؟
قبل ان اغادر هذه الصفحة أترككم مع هذه الابيات
أنا شسويت يايمه أنا شذنبي أنا شفيني
أنا غلطان يايمه أنا ياكيف بعتيني ؟؟
ياليتك جاهله يمه وبإيدك وأدتيــني؟؟
ياليتك قبل ما أحيى أنابجوفك قتلتينــي
أنا شسويت يايمه أنا شذنبي أنا شفيني
يايمه أحلف بربـي دعاء منك يحمينـي
يايمه ياترى وحشتك مثل ماأنتي وحشتيني
يايمه وينها عيونك من دموعي تواسيني
يهون عليك يايمه بلا أسم تخلينـــــي
أنا ساره أنا نوره؟؟ أنا كيف بتنادينـــي
أحس ببرد يايمه أبي صدرك يدفينــي
أحس بخوف يايمه أبي قلبك يغطينـــي
أنا شسويت يايمه أنا شذنبي أنا شفيني
حملتيني وسط جوفك وللوحدة رميتينــي
وكنت أسمع صدى نوحك يوم أنك ولدتيني
أبد ماهانت دموعك يوم أنك بكيتيـــني
يايمه أسألي سجودي بأعلى الصوت يدعيني
يايمه أسألي ركوعي من حالي بيرثينـــي
يايمه أسألك أنتــي الى يومك تحبينـــي
يهون عليك يايمــه بثوب العار تكسينــي
يهون عليك هالعالم لقيط الدار يسمينــي
____________________________________
ابيات اخرى اعجبتني …
قال اللقيط وقلت أنـا مثلـك انسـان = أعيـش بالدنيـا كـريـمٍ بديـنـي
صحيح أنا أمي وابوي بخبـر كـان = هذا نصيبي بالـزمـان الحزيـنـي
أم اتركتنـي بالخـلا دون تحـنـان = ماهي كفـو أصـلاً تصافـح يمينـي
والا ابوي اللي اختفى وسـط كتمـان =ماهـو كفـو يحـط عينـه بعينـي
ماهو بذنبي ماجـرى ذيـك الازمـان = وانـا معـي ربٍّ علـيـمٍ معيـنـي
الله يحكـم بيننـا عـالـم الـشـان = بالعـدل حكمـه والمـلا شاهدينـي
بعيش فيمن عشـت معهـم بعرفـان = أوفي بحـق اللـي رعانـي جنينـي
واسايـر الدنيـا وأرضـى بإيمـان = دايـم بذكـر الله فــؤادي يليـنـي
واشري السعاده في رضى رب الاكوان = من قبل يوم الحشر ينـدى الجبينـي
أختم واسلّم عالنبـي سيـد عدنـان أكمـل صـلاةٍ عالرسـول الأمينـي
ابحثو باليوتوب عن القصيده اسمها ( قال اللقيط ,, وقلت انا مثلك انسان )
والي يقول تزوجت واحد ما عند ام بالنسبة لي اوفق اذ كان يحبني وش ذنبه اذ كان لقيط
بطبع اوافق
مو اتزوجه مشان والديه