يالتني وووووووولد 2024.

بسم الله الرحمن الرحيم
لا تستغربون من الموضوع من جد يالتيني ولد ااااه الحمد لله ع كل حال انا قلبي مليان احسه بينفجر ليه الولد احسن من البنت ليه البيت هي المصيبة في كل بيت احنا كلنا بنات وماعندنا ولد وامي قلبها يتقطع ودها تجيب ولد بس مابيدها شي احس لو يقولولها سوي اي شي عشان تجيبي الولد والله ماتتردد لحظة هي ودها تحمل بس كل الدكاترة مقفلين بوجها يقولون فوق 42الحمل صعب وهي عمرها 45والله انها قاعده تتعذب قدام عيني مانعينها من الاكل كله عشان بس احتمال يصير الحمل ماتكل غير الارز الاسمر وخبز الشعير وخضار حتى الفواكة ممنوعة بالله من يصبر ع الحال ولا شهر ولاشهرين حتكمل سنه وهي ع ذا الحال غير المستشفيات والروحات والابر والله كل يوم تطلع اوقات احسها خلاص تفقد الامل واوقات احس تجيها عزيمة انا الثانية بين اخواتي واختي الكبيرة تحب تعاند امي في كل شي حتى في الاشياء التافه وتنقهر لما تسمع انو امي تبغى الحمل وتجرحها بالكلام وتقلها لما تتلخبط عندها الدورة انو خلاص الدورة راح توقف وانتي كبيرة ومستحيل تحملين وريحي نفسك احسلك بس اناحلمت انو امي جابتتوام ولد وبنت ولما فسرتها قالو رويا حق وان شاء الله بتجيب ولد وبنت بس امي واختي يقولون مجرد حلم ويمكن يتحقق ويمكن لا وامي تقول انتي تقولين ذا الكلام عشان مااياس بس حلفتلها اني صادقه وماكذبت عليها وهي تقول لو ماحملت لازم ابوك يتزوج يمكن ربي كاتبله الولد من غيري غير انو الناس بيقولون نفسه في ولد بس خايفة من زوجته ماتزوج ومصره ع هالكلام انا مااتخيل وحدة تشاركنا في ابويا احس مجرد الفكرة تذبحني امي تقول انا لو بمنعه واوقف بوجه ربي بيعذبني بالدنيا قبل الاخره وفعلا حسينا بمكان الولد لما ابويا تع ب من غير شر عليه كناجالسين انا واخواتي حولينه مالنا غير الدموع لا حول لنا ولا قوة ولا قدرت وحده فينا ترفعه وتوديه المستشفى وماوداه الا ولد عمي وبالقوة ولا هو حب فيه بس عشان كلام الناس وهم قاطعين علاقتهم فينا ولا يحبونا اعمامي كلهم واتنوم بالمستشفى واحنا نحتاج اغراض مانقدر نجيبها مدارسنا ماعندنا مين يودينا صرنا نروح مع بنات الجيران ونتقطع نبغى نزوره بس كيف نروح حزنت علينا جارتنا ورحنا احنا وامي مع بنتها وولدها للمستشفى عشان نشوفه لو كان عندنا اخ مااحتجنا للناس وابويا بدا يلمح انه بيتزوج يعني راح يصير امر واقع لا محاله والمشكلة امي دايما تشكيلي ماتتكلم مع اختي الكبيرة لانها ماتعطيها وجه وكل مره تبكي عندي وتحكيني عن الكلام الناس اللي زي السم غير معاناتها مع ابويا باول حياتها غير طفولتها اللي ذاقت منها المر امها وابوها انفصلو وتعذبت مع ابوها ويهددها انه بيذبحها من دون ماتسوي جرم وتزوجت وهي صغيرة وماتبغى ابويا بس عشان تفتك من العذاب ولحد الان وهي ماتبغاه ولا هي مرتاحه معه وحاسه بالنقص معه من كل النواحي اقلها الكلمه الحلوه ودايما تقلي ذا الكلام مو لانو ابويا شرير او مايحبها لا طبعه كذا يحب العزله مايحب يكلم احد ماعنده اصحاب خجول اتكالي وهي عارفه ذا الشي فيه من هو صغير لانه ولد خالتها تقول حتى وهو صغير مع اهل مايجلس معاهم كلهم بالبيت وهو يطلع يجلس برى طول الوقت بمكان فاضي لوحده جنب بيتهم بس احس قلبه طيب ويحبنا بس لو جاء احد ياثر عليه بيتغير علينا اختي الكبيرة مخطوبة وقريب بتتزوج ان شاء الله وبيفتكون من وحده بس لسا فيه علل ع قلبهم دايما امي البنات والبنات والبنات خلاص كرهت نفسي واخواتي والبنات كلهم بس امي ماتقول ذا الكلام لانها تكرهنا امي لو وحدة فينا تقول اه تنجن انا مقهورة ع امي وع التعب اللي هي فيه عمري 21بس من الهم احس اكبر من عمري بعشرين سنه
كرهت حياتي ودراستي دايما يجي بالي اترك الجامعة واوقات كثير اتمنى الموت والله دموعي على خدي وانا اكتب ولا قادرة اجمع تركيزي صرت اخاف اتزوج عشان لا اصير نسخه ثانية من امي واعيش معاناتها واقول مستحيل اتزوج واتذكر اني بصير عله ع قلوبهم ويمكن اضيع من بعدهم من غير شر عليهم واني بكسر قلوبهم اقول خلاص مو مشكلة اتعذب واعاني مو لازم اكون سعيدة بزواجي اخرتنا موت خصوصا ان امي صارت تلمحلي تبغاني اتزوج ولما مره قلتلها عذر اني ماابغى اتزوج عشان الدراسة قالتلي ماتدلع الا بحضن ام واب واخوانها حواليها انتم مالكم احد لو يصير بابوكم شي لا سمح الله بتضيعون ويتولون عليكم الناس وبيفرقونا ويبعدوكم عني خصوصا انو اهلنا مايحبونا انتم مالحم حق تتشرطون ونبغى هذا ونرفض هذا اي شي يجيكم تسكتون وتروحون حتى لو شايب اهم شي تستغنون عن الناس واقدر اشوفكم وتشوفوني صح كلامها لي قاسي وماتحمله قلبي وكل مااتذكرة انهار وابكي واحس بنقص عن باقي البنات بس هي صادقه في كل كلمه قالتها
اااه يارب رحمتك احس بالضغوط من كل جهه امي وهمها وضغوط الجامعة والدراسة وهم مرضي يقولون عندك تكيسات بالمبيض وانتبهي لاكلك احتمال لا قدر الله يجيلك سكر صرت اطالع باللقمة مية مره قبل لا ادخلها واوقات اتقطع من الجوع اخاف اكل خصوصا اني مااحب البر ولا الخضار الله يفرجها عليا
معليش انا اسفه طولت عليكم بس قلبي تعبان وماقدرت اتكلم غير هنا ..انا محتاجه دعاكم بظهر الغيب ليا ولامي الله يبعد عنكم كل مكروه ويارب ماتشوف ولا بنت الي انا شفته وعانيت منه

اخر كلمة بقولها للي خلفتها بنات حرام عليكي تعيشي بناتك بهالحياة الكئيبة شوووووووو ذنبهم اذا لهدرجة بتكرهي البنات وبتحبي الاولاد روحي اعملي تلقيح صناعي وجيبي ولاد قد مابدك وماتجيبي على الحياة ضحايا جديدة ضحايا كره وتخلف وعادات جاهلية

المشاركة الأصلية كتبت بواسطة suzan 1 بصراحة كلامك حسسني انه البنات عار ووجودهم زائد بهاالحياة شو ه التفكير الرجعي ؟؟؟حبيبتي وين عايشة انتي بأي عصر؟؟ حبيبتي كتير فيه عيل كلها بنات بدون اولاد وعايشين حياة طبيعية جدا مشكلتك من داخلك انتي ووالدتك عندكم نظرة دونية للبنات عملتلكم كابه وحسستكم انه البيت بدون ولد ناقص هاد الحكي مش صح وجعتي قلبي من كلامك علل على قلوبهم ؟؟؟؟؟؟ البنت علة لييييييييييييييييش؟؟؟؟؟؟؟ اصحو من هالتخلف ياعاااااااااااااااااااااااااااااااااااالم البنت وردة ياسمينة بتفوح بالبيت انا عندي بنت بموت فيها ومستحيل اتخيل بيتي بدونها وعندي ولد كمان غالي علي اي ام بتفضل يكون عندها اولاد ذكور حتى يتحملو مسؤولية البيت ويكونو سند لامهم وابوهم لانه البنت ضعيفة بس هاد الحكي مش معناته كره للبنات اما انتي كل كلامك فيه اساءة وكره للبنات طبعا هالكره نتيجة الافكار الغبية والمتحجرة الي بتنتقل من جيل لجيل الي المفروض الاسلام حررنا منها بس للاسف مازال الى يومنا هذا يوجد وأد للبنات وأد نفسي وليس جسدي وهو أشد وطأة افرضي امي جابت ولد حيكون فرق بينك وبينه 21 سنة شوووووو رح تستفيدي منه؟؟ مارح يكون سند الك ولا لامك ولا لوالدك لانه بده فترة طويلة حتى يكبر ويتحمل مسؤولية اخر كلمة بقولها للي خلفتها بنات حرام عليكي تعيشي بناتك بهالحياة الكئيبة شوووووووو ذنبهم اذا لهدرجة بتكرهي البنات وبتحبي الاولاد روحي اعملي تلقيح صناعي وجيبي ولاد قد مابدك وماتجيبي على الحياة ضحايا جديدة ضحايا كره وتخلف وعادات جاهلية

انتي فهمتيني خطا انا بتكلم عن ضعععععععععععععععععف البنت في مجتمعنا بالذات وبعدين من قلك انو امي تكرهنا امي تموووت ع الارض اللي نمشي عليها ولو سمحتي لا تغلطي عليها العالم كلهم بكفه وامي بكفه لوحدها ليه تقولي عليها متخلفه والله مااسامحك ع هالكلمه انتي لو عشتي شعوري او شعور امي ونظرات الناس التافهه وكلامهم الزفت وقد ايش حسسوها انها ناقصه ماكان هذا كلامك واذا بيدك تغير المجتمع اللي احنا فيه ورينا شطارتك ولا تجرحين في الناس

والله ييسرلكم امركم ويفرج همكم ياارب ويسخر ابوك لامك ويفرحهاا ياارب