السلام عليكم
ممكن بكون افضفض لاني من جد مقهوره 
وحاسه حموت قهر,انا متزوجه واحب زوجي وهو يحبني لكن المشكله الوحيده والتي مازالت من يوم مااتزوجت وهي انو زوجي مومستوعب انو متزوج حياتو كلها امو وابو من جد طفشت ,احنا ساكنين في نفس العماره,كل يوم زوجي عندهم ,تخيلوا زوجي يدرس الصباح للظهر يجي يتغدى عند اهلوا ويلبس ويروح العمل يجي الساعه 10الليل يتعشى عندهم ويقعد معاهم للساعه12واحيانا1بعدين يطلع عندي ويسلم عليا وع ولدو وينام وانا اقعد الساعات كلها لحالي احيانا احس يمل يقعد معايا ,مع اني والله احاول كل يوم اغير الروتين ماخليت ليالي رومنسيه والعاب زوجيه وفرفشه ونكت والله حتى سويتلو عرض عن ايام الملكه والفرح قلت ممكن يحن لكن لاحياة لمن تنادي ,اقلكم لدرجة انو حتى اهلوا بدى يحسو انو مايبغا يجلس معايا ,فدحين اهلو كل ماخرجوا مكان اخدوا معاهم وانا كاني مو موجوده ,تخيلوا مره كان عازمني ع العشاء اول يوم العيد فاتصل ابوه قالوا تعال اتعشى معانا ع طول غير الطريق ورجعنا البيت ولاحتى قالي معليش حتى السفريات ناطين معانا في كل مكان والله سرت ادعي عليهم بالموووت,حتقولوا صارحي زوجك ,اتناقشوا ,اكتبي رساله,والله كلها سويتها يتاسفلي ويوعدني وبعدين ولا كانو سار شي ,اقلكم لدرجه مره سافرت مع اهلي حوالي اسبوعين كان يكلمني كل يوم ويقولي وحشتيني مشتاقلك بعدك عني عداب ,فرحت قلت اكييييييد اتغير تخيلوا رجعت من السفر والله سلم عليا كاني اختو ونزل وقعد عند اهلو ,قلت في نفسي ممكن يبغاتي اتجهز وبعدين يطلع اتجهزت ولبست واتمكيجت ,طلع متاخر قدي نمت وقضى حاجتو ونااااااااااااااام بالله موشي يقهر ,انا تعبت نفسيا وجسديا بدات اضعف بشكل مو طبيعي ,ارجوكم اددا عندكم حل افيدوني ,آآآسفه ع الاطاله
تحياتي
ادعي ربي انه يهديه
بالتوفيييييق
انا ماشايفه ناس قليلين ذوق مثل اهل زوجك
اعذريني على التعبير ولكن هذه الحقيقه
طيب من يعزموا زوجك على العشا مو كان المفروض يعزموك انت كمان؟
طيب مادام جربتي كل الطرق خليني اقول لك على اخر طريقه واجرك على الله واستحملي اقتراحي
حبيبتي كل ما يروح زوجك عند اهله روحي انت كمان معاه
مافيها شيء بحجة انهم اهل زوجك وهم الان صاروا اهلك وانت كمان تحبي تكوني وياهم
جائز اهل زوجك متحسسين منك وصار عندهم احساس انك ماتحبيهم وراح تاخذي ابنهم منهم
فصاروا هم يتصرفوا هذه التصرفات عشان يثبتوا ليك انهم اقوى منك وانهم انتصروا عليك
خلينا نشوف اخرتها مع هالراجل واهله
وطمنينا عنك الله يطمنك
تحياتيييييييييييييي
من لما يعزمو زوجي اقوله ابي اروح معاك
واروح واسولف واستانس
وكل مرة يعزمونه اكون ناطه معه
لما يطفشوا مني ويقولوا مارح نعزمه لان زوجته بتجي معاه
ويبطلوا منهم فيهم
وانتي اكسبيهم وحبيهم عشان هم يحبونك
وهم بعد راح يساعدونك ويقولون لزوجك انت بس جالس عندنا رح لزوجتك
انتي حبيهم يحبونك
حتى زوجك بينبسط منك
لانهم هم يحسون انك ماتحبيهم يسوو كذا
لكن انتي اكسبيهم والله يهدي زوجك ويوفقكم لما يحبه ويرضاه
اذا ماصار شي قولي لنا عشان نشوف أخرتها ويا أهله
الله يهديه لكي يارب ويحنن قلب أهله عليكي يارب
انت حاولى تكسبى اهله وانت معاهم فى بيت واحد يعنى عامليهم مثل اهلك وخليك معاهم طوالى انت وابنك حتى لما يكون هو مو موجود حايتعودو عليك ودائما الازواج بحبو انو نسوانهم تكون علاقتهم حلوة مع اهلهم حتى شاركيهم بالاكل واطبخى طبخة مميزة وزوقيهم ليها. حاولى تتاقلمى معاهم حتى لو ما لقيتى تجاوب منهم تكونى عملتى العليك وزيادة.
وربنا يعينك.
لا حول ولا قوة إلا بالله العظيم
حسبي الله ونعم الوكيل
ادعي ربك كتتتتتير حبيبتي مالك غير الدعاء ومتل ما حكولك الصبايا انزلي ع طول معو لا تخلي لحالو انتي بتعبي وقت الفراغ يلي عندك كمان ومابتملي
بيعين الله
الله يهديه ويسخرلك اياه