انا عمري 19 سنه و احب ولد عمي واموت فيه الله يسامحه
وحده من بنات عمي كانت تكلم شباب و العائله درت بالموضوع و قررو يزوجوها ولد عمي اللي احبه
كلمته وقلت له مايصير جذي و احنا نحب بعض
قالي انا مظطر اخدها بس صدقيني وغلاتك ما اقرب منها و باقرب فرصه بطلقها
مر على زواجهم ثلاث شهور و قبل اسبوع رحت اوديله كيك من عيد ميلادي و ادري به يحب كيك الشوكولاته و سالت اخواته قالو مايدرون يمكن فوق بشقته
وتوقعت انها مو معاه و ودخلت ولما وصلت لغرفه النوم والله سمعت اصواتهم مع بعض وواضح انه قرب منها
انا اعرفها ذي البنت لما تبي توصل للشي توصل له و خصوصا قبل الزواج راحت معاها بنت خالتها وهي زميلتي ولما سالتها قالت انها شرت قطع نوم وفساتين يعني اكيد ماقدر يتحمل منظرها بهالملابس قدامه ولا هو يحبني
كلمته بالموضوع واني صدفه دخلت قالي انه خلاص هي زوجته و مايقدر يسوي شي وهي بنت عمه وهذا شرفها
شنو اسوي عشان اخليه يبتعد عنها هي ماتحبه بس هي صدقوني لانه جديد تسوي معاه جذي
اللي يشوفها الحين بلبسها المحتشم و هدوئها غير قبل مثلللل الحييييييييه الحين صايره
والله احبه واموت فيه وماقدر اشوفها معاها وقربه
لكن للاسف الشباب مستغلين البنات لانهم عارفين انه عاطفتنا تتحكم فينا مب عقلنا
حبيبتي خلي عندج كرامة شوية بدل ما تركضي وراه لانه هو تزوج وتركج
ومالج حكم عليه يسوي اللي يسويه مع زوجته
و ما راح تقدري تخليه يتركها … فلا تحاولي تخربي بينهم
الله يعينج
استغفر الله العظيم الذي لا إله إلا هو الحي القيوم و أتوب إليه 
لازم تكون عندك كرامه
خلاص وش تبين فيه
الولد شاف حياته وتزوج
مو حلوة تركضين وراه وتسالينه عن حياته الخاصه هو وزوجته
اتركيهم وعيشي لنفسك ولحياتكِ
ماتدرين متى يجيك نصيبك , وماتدرين يمكن تتزوجين واحد ينسيك كل هالتفاهات اسمحيلي
لانه شخص تزوج هذا مايحبك ولا كان مارضى يتزوج بغيرك
وعسى ان تكرهو شيئا وهو خيرا لكم
| مر على زواجهم ثلاث شهور و قبل اسبوع رحت اوديله كيك من عيد ميلادي و ادري به يحب كيك الشوكولاته و سالت اخواته قالو مايدرون يمكن فوق بشقته |
وعلى اي اساس تروحين تودين له كيك وتتقربين منة؟
انتي عارفه ايش معنى الولد تزوج ودخل حياة جديدة
يعني مالك اي حق تروحين عنده وتتقربين منة وهو متزوج
مهما صار
مو انتي ولا اخر وحدة تحبين
كثير بنات حبو ومصير هالعلاقه تنتهي
بس هو خلاص تزوج يعني مافي ولا ذرة امل يكون بينكم شيء او يتزوجك
اتركي حب المراهقات وانتبهي لنفسك عشان ربي يوفقك .
وربي إنقهرت عليكِ ، ألرجآل خونـه يَ ألغآليـه !
وإذآ يحبكِ مآ أحد يجبره يتزوج ، لأنه رجآل مش بنت ..
إنسيه وتقربي من ألله ، مثل مآيقولوآ ألطيور على أشكآلهآ تقع !
ربي يرزقكِ إللي أحسن منه يَ روحي ، إذآ هو نصيبكِ وخير لكِ بتأخذيه ..
تقربي من ألله كثيرآ ، إستفيدي من وقتكِ ، ولآتفكري فيه ولآ تذرفي من عينكِ عليه دمعه !
لأنكِ غآلية وهو مآيستآهلكِ ، هي ربي بيحآسبهآ ، سوآء كآنت محتشمة أو لآ !
لآتخربي بيتهم ، ولآتفرقي بينهم ، بتتحآسبي ..
صدقيني إذآ هو خير لكِ أخذتيه ، لكن ربي يحبكِ وصرفه عنكِ ..
بيجي إللي يعوضكِ عنه إن شآء ألله ، وبتتذكري وتضحكي على نفسكِ ^^
لآإله إلآ أنت سبحآنك إني كنت من ألظآلمين
انصح بالاستغفار وقيام الليل في الثلث الاخير من الليل والتذلل والانطراح بين يدي الله والدعاء والبكاء في السجود وقراءة سورة البقرة في كل يوم
وكثرة الصلاة على رسولنا محمد صل الله عليه وسلم
والله يا بنات ما استخدمت هذا الخطوات في هم وكرب الا فرجه الله
الله يرزقك بواحد احسن منه ..وانتي ابتعدي عنه وخلاص ..