أول رواية صريحة ضد الليبرالية السعودية -روايات رائعة 2024.

بخفة أمسكت القلـــــــــــم….وبإبتسامة شخطت على الـــــــــــورق
☼ ☼ ☼
وصوت السيارات حين تمر بجانبي أوحت لي بفكرة على مـــــــــــضض.
☼ ☼ ☼
وذاك الرجل يصرخ بغـــــــــــضب….
فسيارته توقفت عن العمـــــــــــل.
☼ ☼ ☼
ولمحت ببصري لأرى عن يساري العجـــــــــــب.
☼ ☼ ☼
ورشة سيارات أكتظت بكومات حديد وآلآت وعمال تكتسيهم علامات ضجـــــــــــر
وفجأة ينسكب الشاي على أوراقي وأغراضي الجـــــــــــدد
لامشكلة فالحياة مليئة بالتنغيص وهذا أهونـــــــــــها
مسحته بمناديل ورقية بعدها
جاء إلي صاحب لي وعلى رأسه علامة التعجـــــــــــب.
جاء إلي مهرول واضعا يده على رأسه وحين وصل
قال بتعجب وتعب وهو يلهث: مابالك وضعت مكتبك هنا في وسط الشارع!!
رفعت رأسي ووقفت ممد يدي لأنبه بأن يصافحني
انتبه وصافحني على عجل وكأني لمحت منه يريد أن يعيد جملته
قاطعته فقلت له بإبتسامة: أراه مكانا مناسب ياحمد.
وضع يده على رأسه وكأنه سيجن
فقال: أأصابك الجنون؟ هل بلعت شيء كالحبوب ؟ أنمت جيدا.
قلت : لاااا…حمد مارأيك أن أعطيك خمس مائة ريال.
فمددت له ورقي المبلول

قبل ما نبدأ بالجزء الثاني أنا لازم أصفي حسابات هنا مع السبيكة البلشة أستاز روحي>>هييييييق أناسبيكة وبلشة ياخربوش>>لا وأزيد من الشعر بيت أنت تنكه و مفهي>>تفوو على وجهك ألحين أنا قاعد من صبح الله معك في النهاية تتلفظ علي بألفاظ حقيرة>>تفوو على وجهك أنت ياوصخ ياحقير ياوقح>>حدك حدك ترى من رشنا بالماء نرشه بالدم>>ههههاي ضحكتاني وأنا مالي خلق أضحك>>أقول تعوذ من إبليس ياخربوش لاتخلي بيننا حرب داحس والغبرا>>ههه حسبتها حرب البسوس ياعمي طير أنت وتهديداتك البايخة>>شكل الطق وحشك>>إيه بالحيل>>أوريك يالدلخ>>خلص تعوذ من إبليس وش رايك أكمل الجزء الثاني عشان صاحبنا محتري الجزء الثاني>>إيه خلص ابدأ عفا الله عما سلف>>عفيه عليك يله نبدأ بالجزء الثاني.

…***…..***…..***……***…

يوم الجمعة مافي حد ساق السيارة لأنو العالم متظاهرة حشود متجمعة من الرجال خاصة رجال القبايل الكبيرة والشيوخ رافضين فكرة سواقة المرأة السعوديه
استمرت المظاهرات حتى يوم السبت ومافي فايده ..القانون صرح به والقانون قانون
جلسوا على هالحالة أسبوع كامل وبعد كذا صار إلي صار..
أصبحت المرأة تسوق السيارة
وشوفوا إلي حاصل…في أول يوم..

.^’^..^’^..^’^..^’^..^’^..^’^..^’^..^’^..^’^..^’^. .^’^..^’^..^’^..^’^.

معارض السيارات امتلت حريم كل وحده تختار السيارة المفضلة لها ذي تبي لونها أحمر

والثانيه تبي لونها وردي عشانها بنوته كيوت

وذي تبي لونها أسود لأنها عربجيه

وذي تشتري هايلكس لأن الأخت تحب الكشتات

وهاي تشتري همر
وأختها شاص عشان يطعسون في البر

وذي الفاصخة تشتري لومينا عشان تعرف تفحط زين وإذا مرت من عند الشباب شهقوا وقالوا واو لاتلومينا

وذي تشتري لاند كروز عشان تكشخ فيها

أما ذي حاله ثانيه تبي أودي عشانه مقارب لدلع اسم خطيبها عبودي

أما هاذي اشترت ددسن عشان يقولون لها البنات بنت عبد المحسن راكبه ددسن

وذي أخذت نيساااان عشانها مشهور بنسيان

وذي سيارتها بوورش وأختها هوندا لأنهم أنيقات

وذي شارية في اكس آر لأنها معلمة هع

…..***…***….***….***….*

دحيم كان ماشي بسيارته ألا والعالم زحمة حاول دحيم يستفهم الموضوع نزل القزار(يبي يكلم إلي بجنبه)
دحيم :يالأخو حق ويش الزحمة ذي .
نزل راعي السيارة القزاز وكانت المفاجعة راعي السيارة حرمه…
ناظرت في دحيم وقالت: مادري ياخوي.
دحيم كان بينهبل ،بسرعة طلع القزاز وتعوذ من إبليس…
لف للجهه اليمين يمكن في رجال يسوق السيارة ..

دحيم مطير عيونه اكتشف أن الحريم من كل جانب ذي تسبل بعونها له(ترمش) والثانيه تضرب بوري الأخت معصبة بقووه والثانيه تحط مناكير على أظفارها تبي تستفيد من وقت الأنتظار

أما ذي قاعده تحط كحل وماسكارا وبلاشر وقلوز كان بودها تحط بعد شدو..

…***…***….***…***….***

أما البنقاله تسفروا بلادهم خلاص كل شغل ماعاد يسويه ألا السعودين
خاصة المحطات والورش صار إقبال عليها مو صاحي وصارت ماتخلي الواحد يشتغل ألا بفيتامين واو أو نسبته فوق ٩٥%

…***…***…***…***…***..

مضت الأيام وزادت المشاكل وانقلبت الدنيا راس على عقب
المخافر والمحاكم تعبت ملفات قضايا وشكاوي…ذي قضيتها انسرقت سيارتها والثانيه صدمت واحد ماشافته وذي تشتكي بسبب التحرشات ومضايقات من قبل الجنس الآخر..وياليل مطولك.
أما نفلا كان بودها يكون عندها سيارة بس ماتقدر عايلتها واقفه في حلقها مثل الشوكه.
أما بنت عمها الجوزا اشترت كامري وصارت تلف وتدوركل الرياض.
مره من المرات مسكتها الشرطة وأعطتها قسيمة لأن الأخت قطعت الإشارة ومره مسكتها عشانها تجاوزت السرعة القانونيه.
كان مايمر عليها يومين ألا
ومعها قسيمة .

…***…***…***…****….***

نفلا حلمها أنها تصير أكبر مفحطة بس ماتعرف وشلون تصير كذا..فكرت وفكرت وفي النهاية دبرت..أنتم زي ماتعرفون الله يسلمكم أن المدرسة كلها مشاكل وبعض البنات<<(حطو تحت كلمة بعض ستين خط هاااه ) الله يصلحهن هناك تسوي أشياء أهلها مايدروا عنها يعني تلقاها تتضارب مع البنات ولا مع المعلمات ولايكون لها حبيبه ولابوي فرند ولاتنحاش..طبعا نفلا استغلت دوامها في المدرسة وتأكدها أنو أهلها مابيشوفوها ومادرت أن خالقها يشوفها..طبعا اتفقت مع الخبله العربجيه جوزا ومع رزان وبتول فجمعتهم وقالت لهم..
نفلا:ياحلوات قربوا شوي بعد قربوا شوي..إيوه..شاطرات.
رزان تهز أكتوفها : وش بغيتي ياأحلا نفوووله
نفلا بدلع: مرسيه يارزونه ..
رزان بمياعة: يله يانفووله قولي.
نفلا مصدقه روحها: لا لا قولي أنت..
أمابتول وجوزا يناظروا فيهم ساكتات يبغون يشوفون أش آخر كلامهم..
رزان:شالدعوه يانفوول أنت قولي..
نفلا تضحك بدلع: ههه لاقولي أنت .
عصبت جوزا وشدت بشوشة كل وحده فيهم وقالت
هيه سلامات قاعدة كل وحده تستهبل..قولي السالفه يانفلا لاتخليني ألحين اتوطا في بطنك.
نفلا: بس بس بقوول السالفه..شوفوا أنت وياها إحنا لازم نتعلم التفحيط زين
جوزا:وبعدين.
نفلا:وأكيد ولا وحده فينا تعرف بس أنالا ..أناعندي موهبه<<لاياشيخه.
بتول:احلفي عاد .
نفلا حقرتها وتابعت كلامها:وبما أنا عندي موهبه في التفحيط لازم أنميها..تعرفون حرام ندفن المواهب..
الكل يهز راسه:إيه
نفلا تتصنع الحزن:وأنتم تعرفون أبوي ودحيم مايخلوني أسوق..وأنا أبي أمسك الدركسون وأدعس وأفحط..تكفون نخيتكم وافقوني
البنات: نوافقك في وشوو.
نفلا رجعت شوي على ورا وحطت يدها على قلبها وابتسمت وقالت:إيه عارفه ماراح ترفضوني بنات حموله وقبايل مااستغربها منكم.
الكل فك الخشه من المدح.
نفلا:شوفوا الله يسلمكم ويسمنكم..إحنا مو كل يوم نداوم المطرسة ولانستفيد شي.

الكل:إيه.

نفلا:طيب مو أزين لنا نستغل الوقت.

الكل هز راس.

نفلا:وأحسن لنا من قرقرة المعلمات فوق الراس.

جوزا:شوفي ياآدميه لو ماتقولي الزبدة إلحين أروح وأخليك ترى زهقت من اللف والدوران.

نفلا:يوووه خلاص لاتعصبين..بنات أنا ملزمه على التفحيط<<تكفين…

(الكل بق بق عيونه )_ وفي رواية فتح عيونه_

ناظرت فيهم نفلا وكملت كلامها

نفلا: وعشان أتعلم أبيكم تساعدوني في النحشه من المطرسة..وأسوق بسيارة وحده فيكم.

الكل: بس كذا ..إلابنخليك أكبر مفحطه في العالم.

نفلا:شطورات..يله من بكره نبدأ تنفيذ الفكرة..أوكي.

الكل: أوكي..

بتول تذكرت شي وقالت:إلحين يوم خططتوا ماجاء على بالكم شي..

الكل ناظر في بعض وقلن:لاااا

بتول: عارفه شاطرات دايم..
أقوول ترا بذي الخطه بننفضح ..

الكل:ليش

بتول: الأبلات بيلاحظوا نحشتنا وفي النهاية بيقولوا لأهلنا..
وفي ذاك الوقت يصير راسك في مكان وجسمك في مكان يانفلا.

نفلا سكتت وفكرت فحكت راسها وجت الفكره..

نفلا: أمممم ..طيب أنا جبت الحل..

الكل اقترب منها: وشهووو

نفلا: بسم الله علي ..مابقى إلا شوي وتخشوا في عيني..أبعدوا شوي عشان أقدر أتكلم..

بعدوا عنها ..أخذت نفلا نفس وقالت:كل وحده منا تحول منازل ..

البنات: وشهوو..مستحيل.

نفلا:طيب أفهموا السالفه وبعدين أرفضوا..

نفلا بدت تقنعهم وخبرتهم كيف يسوون ..كل وحده تحول منازل بحجة..وشوفوا الأعذار الواهيه.

نفلا: تحول منازل عشان عندها صرع ومس جن<<بسم الله عليكم.

بتول: بتتزوج عن قريب فما تقدر تكمل الدراسه..

أما رزان: مسافره لندن لمدة ثلاث أسابيع.

أما جوزا: أمها تعبانه عندها سرطان<<ياحرام تبلت على أمها..

ومشت الحيله على الأبلات وبالتالي تخطت نفلا المرحلة الأولى من الخطة..

بدأوا بتنفيذ المرحلة٢ من الخطة..
وهي…

ركبت السيارة وراحت للمدرسة ولما وصلت نزلت وتأكدت أن دحيم راح وخلاص مب يرجع ..قابلت رفيقاتها وراحوا يلفلفوا في الشوارع..

وهم في الطريق قرروا البنات يشتروا تسالي ويكملوا طريقهم..

وقفت جوزا السيارة عند المحطة عشان تعبي بنزين وتاخذ تسالي من السوبر..

نزلت القزاز وقالت:هيه محمد عبي فل ..(ألتفت لرزان) جيبي شي ناكله بسرعه..

(انتبهت جوزا بسرعه لما سمعت….)

…..:هلا والله مو بس أعبي فل ألا أعبي ياسمين وجوري ياآنسه..

جوزا : حدك حدك مابقى ألا البنقاله يعاكسون..

……:لأ لأ ..ماعاد في بنقاله أنا سعودي أصل وفصل..

جوزا : شف لو ماتعبي وتبقى ساكت ..لأوريك نجوم النهار..

……..: بس بس ألا زعلك مانقوى عليه شوفي هه بسكت..

طالعت جوزا في البنات وقالت: والله حاله..ماصدقوا خبر..يلاقو بنت توقف عند محطه على طول يعاكسون.. انزلي يارزان اشتري تسالي بسرعه..

نزلت رزان اشترت الأغراض ورجعت بسرعة..

كانت جوزا بتحرك السيارة..

جات سيارة مسرعة ووقفت حووووووح<<صوت السيارة لما تلف وتوقف^_~

كانت سيارة جوزا بتروح في خبر كان..

ارتفع ضغط جوزا ونزلت من السيارة .. يدهااليسار تهدد بها واليمين ماسكه بها البيبسي وصارت تصارخ:هيه أنت مهبووول كنت بتفعص السيارة..

سكتت على طووول لماشافت السيارة كشخه..وراعيها أكشخ
نزل راعي السيارة القزاز..رفع نظارته فوق راسه..ناظر في جوزا مستفهم يبي يعرف وش تقول..

راعي السيارة: ضايع لك شي في وجهي..

انتبهت جوزا وقالت:هاه..لا لا بس كنت بتصدم في السيارة.

الولد:وبعدين…حصل لسيارتك شي؟

جوزا:لا

الولد:طيب ؟

جوزا:وش إلي طيب…كنت بتفعص السيارة..

الولد:طيب مافعصتها؟أقوول شكلك تبين أوقعلك..هات دفترك<<واثق

جوزا:هههه أسمعوا ياعالم وش يقول.. ليش لايمكن تحسب نفسك نجم من نجوم الأوسكار .

راعي السيارة رفع حاجبه مستغرب ..وناظر فيها بحتقار وقال: ناس غشيمه.

عصبت جوزا عليه وقالت: أنا منيب غشيمه …الظاهر أنت ماتعرف مع مين تتكلم..أنا جوزا حمد آل*** من قبيلة***

ابتسم الولد وقال: هلا والله ببنت العم..تشرفنا ياحلوه.

جوزا: هيه احترم نفسك أنا بنت حموله وبنت قبيله مانيب من البنات الضايعه..لاتتقعد تتغزل فيني ياولد الحرااام.

قطب الولد جبينه ونزل من السيارة..وقال:شكلك ناويه الطقاق..

نزلن البنات من السيارة بسرعة ووقفوا بجنبها..

الولد: ماشاء الله…ذولي المدد ..

رزان: هيه حدك لاتقعد تتمصخر…إحنا بنات والنعم فينا.

الولد بعد ماهدى قال ببرود العالم:متأكده؟

رزان:إيه متأكده ميه بالميه..

الولد:لالالا حسبت تسع وتسعين..على العموم مبروك
ورا ماعطوك شهادة شكر وتقدير على حسن السيرة

رزان: يووووه وبعدين معاك يله بنات لاتضيعوا الوقت مع واحد تافه.

جوزا: استني خلني أعلمه وأدرسه كيف يتعامل مع بنات القبايل.

الولد: ههه ياابله اجيب سبوره أم طباشير ولا بأقلام خطاط عشان تدرسيني.

جوزا تصغر عيونها :ها ها ها ضحكتاني وأنا مالي خلق.

الولد:أقول ماودكن تعطوني أرقامكن ترى عند إخوياء.

البنات: يا قليل الحيا..

الولد بدلع:وبعد قليل الأدب.

نفلا:أسمع ترى عطيناك وجه.

الولد: وينه ماأشوفه..

جوزا: أووووه ا لظاهر يبغى كذا.
(رشت البيبسي عليه)

الولد: هييييق يابنت الكلب…
عصب الولد وبدا يقرب منهم
البنات حسوا أن قلوبهم طاحت في جوفهم من الخوف وبدوا يرجعوا على ورا وهو كل شوي يقرب .. رجعوا على ورا حتى لصقت ظهورهن بسيارتهن..

وأقترب أكثر خاصة من جوزا رفع يده …على طول جوزا غمضت عينها وحطت يدها على وجهها متوقعة كف بيجيها..

فتحت عيونها ببطء ..لقته يفتح باب سيارتها ويقول لها:ركبي السيارة لأقص رجلك قص.

طبعا جوزا سمعا وطاعة..

ركبوا البنات السيارة ولا نطقت وحده منهم بكلمه..

وقبل ماتروح قال لها :هالمره عدت على خير..بس لو تقابلنا مره ثانيه وتكرر نفس الفعل صدقيني بتشوفي شي عمرك ماراح تنسيه..يله تحركي<<والله الأخو كريم ومسامح.

.^’^..^’^..^’^..^’^..^’^..^’^.

قرب نهاية الدوام رجعوا المدرسة ومن عقبها ردوا البيت..
كان ذا اليوم درس لهن بس البنات ماراجعوه وذاكروه << خخخ.

(يعني بالعربي << ليش لايمكن تحكي الرواية بالعنقليزي،مااعتبروا ولا اتعظوا ولاتابوا).
مرت الأيام وبدت نفلا تتعلم السواقة وبعد كذا صارت تعرف تفحط..
طبعا تعلمت وتعلمت حتى أتقنت*
التفحيط..
وأهلها مايدروا عنها شي..
آه كنت بأنسى شي مهم طبعا البنات يلبسوا عبايات راس ملزومات بالمدرسة وأهلهم لكن تدروا وش يسوو لما ينحاشوا ،،يلبسوا عبايات كتف ويتحجبون يعني غطوه ماغطوه مافيه،،ويلبسوا نظارات
..أنا عارفه ألحين حتفكروا كيف يفصخوا عبايات الراس ويلبسوا ا لكتف<<أصلا قبل مايرحوا ويلبسوا عبايات راس بيلبسوا الكتف بعدين فوقها الراس ..هاه إلحين عرفتم وأكيد مايحتاج أفهم أكثر من كذا..و ماعلموا أن الله حسيبهم.

جاااااات أيام الأختبارات وبدأوا البنات يستعدوا لها وبطلوا حركاتهم الماصخه…

.^’^..^’^..^’^..^’^..^’^..^’^.

(أول يوم في الأختبار_اختبار تاريخ)..

نفلا قاعده تفطر..وهي ماسكه
الكوب وبمجرد خذت رشفه منه
ضرب دحيم بوري ..

نفلا اغتصت بالحليب

نفلا:كح كح يمه لحقي علي كح كح..

الأم:اسم الله عليك بنيتي.
أمها صارت تضرب بكل قوتها في ظهر بنتها حتى ان نفلا خبطت بوجهها في صحن اللبنه..
رفعت نفلا راسها كل وجهها أبيض..

نفلا تصيح:يمه شوفي وش سويتي.

الأم:هيييييق…هههه مو مشكله يابنيتي قومي غسلي وجهك.
قامت نفلا تبغى تغسل وجهها ألا دحيم ضرب بوري مرة ثانيه..

نطت ذيك النطه من الخوف وصرخت: الله ياخذك يادحيم قطعت قلبي من الخوف..

وبعد ماغسلت وجهها راحت لبست عباتها والثانية في الشنطة..وركبت السيارة.

دحيم مسكها بحلقها وقال:أنت وبعدين معاك..تراني زهقت من تصارفاتك الغبيه..تأخرنا.

نفلا بالغصب تتكلم: أي أي دحيم مقدر أتكلم بتموتني..شيل يدك.

شال دحيم يده وحط يدينه على الدركسون ودعس على البنزين ومشوا..
.^’^..^’^..^’^..^’^..^’^..^’^..^’^..^’^..^’^..^’^. .^’^..^’^..^’^..^’^..^’^..^’^.