مرحبا بنات ومبروك عليكم الشهر–
بكتب لكم قصه ولادتي
طبعن من دخلت الشهر الثامن وانا اقرا في قصص الي ولدو ف هذا المنتدى ..وكنت اقول اكيييييييييييييييد انى الولادة سهله مجرد الم وبينزل دم او ماء وبعدها بولد,,طبعن على الي كنت اقراه من سوالف البنات انى الالم يجي في الظهر والبطن ,,وكنت استغرب من شنهو الوالد تصرخ في وقت الولادة وليش توقعت انه مجرد تقليد المسلسلات بس قلت انا مارح اصرخ لان اكيد الالم بسيط واقدر اتحمل الم الظهر المهم دخلت الشهر التاسع——-ولكم السالفه
من بدايه الشهر اتفقت مع زوجي اني اكثر مشي الين اتعب عشان بسرعه اولد
وصار من بعد صلاة العشاء اطلع امشي ساعة ونص الين تتكسر رجولي واطلع الدرج بكثرة ينقال اني بولد بسرعه..مر علي اسبوع وبعدها رحت اراجع في المستشفى اسطوون وكشفت علي الدكتورة قالت وضع الجنين كويس وكشفت علي من تحت
وربي بس دخلت اصبعها وانقز اببببببببكي وامسك زوجي واقول لا لا خايفه طلعي اصبعك والدكتورة تقول لزوجي الله يعينك هذا باقي ماجات لحظه الولاده وش بتسوي اذا هي ماتحملت الكشف؟؟؟ المهم قالت خلاص وضعك كويس وتعالي راجعي الاسبوع الجاي ,,ومن طلعت من غرفه الكشف وانا افكر بكلام الدكتورة وش قصدها باقي لحظه الولادة وشلون بتتحمل .. وركبت السيارة وانا اضحك مع زوجي يعني اني بعد البكاء.نصحني زوجي اني اتحمل ومن هلكلام ,,وقلت له اسمع انا اخاف اني وقت الولادة اطلب ابرة الظهر بس اذا طلبتها انت ارفض ناااائيا لاتخليهم يعطونياها قال اووووووكيييه وصلنا البيت العصر بضبط الساعه 4.وحسيت بالم في ظري والرحم ,,قلت يله خلنا نتغدا ونطلع نمشي يمكن يجي الطلق الي اسمع فيه ووالله تغدينا وطلعنا نمشي الى والالم كله يزيد الين خلاص ماعد اتحمل قال زوجي بنرجع المستشفى ورحت وسوو كشف من تحت ونفس الحاله قعدت اصييييح وقالو مووو مفتوح الرحم قالو روحي امشي ورحت والله وامشي والالم يزيد يزيد وبقوووووووة تخيلو خمس مرات ارجع بيتنا لدمام واروح المستشفى بلخبر وكل من رحت قالو مو مفتوح واخرتها قالو واحد سانتي بس ماتتنوم عندنا لازم اثنين سانتي ,,وانا بموووت من الالم ورجعت البيت وقلت خلاص بنام ماقدر اتحمل الالم شديييييد يعني من الساااعه 4 العصر الييييين الساعه 3 الفجر وانا اطلق والرحم واحد سانتي والساعه3 ونص نزل علي المويه وقعدت زوجي من النوم وبسرعه رحنا المستشففى وقالو تنويم وانا قلبي يرقع من الخوف وكل من كشفو اصييييييييح والام فضيييييييع بمعنى الكلمه المهم الساعه 9 الصبح انفتح 4سانتي وانا بموت ماعد اقدر احرك ساكن وطلبت ابرة الظهر وقالو لازم زوجك يوافق عليها واكلم زوجي 
بس انا وصيته والحين احتجتها طبعن رفض وانا اترجااااااااااااااااااااااه وكل شوي اتصل واترجى فيه وهوو يرفض وكلمته وقلت شوف انا بموووت خلاص حاسه بهشي وانت ترفض تخليهم يعطوني الابرة بكون في ذمتك وقاال لاااااا خلاص الحين بوقع عليها وبيعطونك الابرة…وشرايكم ذكيه
…..ووالله وتجي متخصصه وتعطيني الابرة ومن لحظتها ماحسيت بشي من الالم وهم يكشفو ويترقبو وانا اشوف الييييييييييييين طلعووو البيبي وانا قاعده اقول الحمدالله ان اخذت الابرة الى وشلون بتحمل كل هذا–طلع البيبي وبكيت من الفرح حسيت انه جبل في بطني وانزاح والحمدالله على كل حال ولددت وجبت ريوووووني الله يخليه لنا يااارب ويحفظه انشاء الله واسفه طولت عليكم بس اتمنى عجبتكم قصتي
والله انك خوافه اكثر مني
هههههههه
،،بس يقولون ان الابرة اللي في الظهر ماتنفع مدري ليه
دخلت الابرة ولا حسييييييت ولابشي … بس انا كنت خايفه من اضرارها بعدين بس شسوي ارحم من الالم الي شفته…
وقلت اذا حملت ثااني مجرد يفتح الرحم واحد سانتي بااااخذ الابرة
وفعلا ابره الظهر نعمه من الله انا كنت راح اموت من الالم ف الظهر والرحم لين اخذتها وسبحان اختفى الالم على طوووول
ومبروك ما جاكم يتربى في عزكم ان شا الله وعقبال ما تشوفيه عريس ياااارب