السلام عليكم و رحمة الله و بركاته ..
بسم الله الرحمن الرحيم ..
أردت طرح مشكلتي لأنها وصلت للخط الأحمر، انا عمري 14 سنة .. ابوي كرهني و كره امي و اخواني، و خصوصا اختي ..
أختي هي أكثر وحدة متضررة منه .. هو لازم يفرض سلطته، و شايف انه هو دائما الصح و باقي الناس غلط ..
يحب يطلع مشاكل من مافي .. يعني في بعض الأحيان يكون يبي يجرح مشاعر أحد، بأن يطلع مشكلة من ولا شي .. يعني مرة اتصل بأمي و قال لها " احنا عندنا كوفي ماكر (الي هي الي تسوي القهوة) شوفيها و طلعيها" ، هي قالت له ما عندنا، البيت كلو يدري انو ما عندنا!!
و قام يقول لها طلعيها و الا بسويلك مشكلة و قام يهدد فيها، و بالأخير لما رجع البيت قال لها اصلا انا اختلط علي، هذي الي في المكتب ..
و قبل أسبوع اختي كانت تشتغل في المطبخ مع ابوي، كرهها حياتها ذاك اليوم بس عشان شوربة و لا شو كان هو .. قام يرمي عليها كلام فارغ، يقول لها انتي لا تستعملين طرق امك في الطبخ لانها طرق فاشلة .. و يقولها في وايد ناس يطبخون احسن منج. و جرح مشاعرها !
و بالأخير طلعت برة المطبخ و قامت اتصيح من قلب.
متسلط واايد!! لا يحتمل، و ما يخلينا نطلع اي مكان، لا ويا رفيجاتي و لا شي. و ما نطلع معاه هو الا نادراً، و لما ابي اشتري اشيائ خصوصية مع امي ما يرضى يودينا المول و خلينا يروح و نتصل له تالي و يجينا ..مافي عنده هالسوالف.
و انا من ما المدرسة خلصت الحين يمكن 3 شهور و انا ما طلعت من البيت ابدا … الواحد يحس خنقة!!!
احسه ما يثق في أحد!!!! ما حد و لا حتى امي!!! شايف روحه احسن واحد، و هو الصح و احنا زبالة!! نحاول في مواضيع نثبت وجهة نظرنا بس هو لازم يروينا انا احنا مالنا حق نتكلم، و بس هو الصح.
يعني لازم احد فينا يشرد من البيت و يطيح في مخدرات عشان يفتح عيونه ..
ما يصير جذي!!!
حياتي مثل السجن، مافي فرق، آكل أشرب و انام …
بنات بس دعواتكم لأبوي انه يتغير و يصير احين و يفتح عيونه للي قاعد يسوي ..
وانت كمان ادعيله ليل نهار
ولكن الان نجي للحل السريع
حبيبتي حاولوا تتجنوه قدر الامكان
انا اعرف رجال كثير بهذه الصفات
والله قضوا حياتهم وعمرهم ماجلسوا في الصاله مع اولادهم
من يوصل الاب للبيت الاولاد كل واحد على غرفته طيران
هذه احسن حاله عشان تقللوا المشاكل والاحتكاك بوالدك
وشوي شوي حاولوا تستغلون المناسبات الدينيه مثلا او الاعياد وتحاولوا تتقربوا منه
ربي يصلح الحال
امين
حبيبتي مشكلتك صعبة
بس رح قلك عا كم طريقة
اهم شي وقت بيك يصرخ عليكي نزلي راسك وما تردي بولا كلمة
حاولي تعملي شي او اشياء مستحيلة الانتقاد يعني بريفيكت من كل النواحي
مثلا شي طبخة وقوليله شوف هي انا عملتها بايديي كرمالك بعرفك بتحبها كتير .. وانتي سايريه على مزاجك
وقت بدك تطلبي منه شي خليه بوقت يكون رايق كتير مثلا بعد الغدا وهو قاعد
او وهو بيشوف التلفزيون
او بعد ما يخلص حمام بيكون رايق
او مثلا وقت بيكون صاير شي بيخليه مبسوط بمحل شغله
وفرصتك هلا اذا بدك شي قومي بعد ما يخلص اكل جيبي له المنشفة والمي يغسل ايديه بمحله ما يقوم يعني وساليه بيي بدك شي ؟ بتحب سيعدك عا شي ؟ وهيك وحسبي حالك خدامة عنده واطلبي بعد ما ياخد ويعطي معك
بايام المدرسة حاولي تجيبي علامات منيحة كرمال تبسطيه وتقدري تطلبي منه الي بدك اياه
انتي على طبيعة ابوكي بتمشي
مثلا وعذرا على هالكلمة
اذا كان نسونجي حتى بنته لازم تدلـله بس بدها تطلب منه
اذا كان عصبي حاولي ما تغلطي بحرف قدامه وتوضحي كلامك بالمختصر
اذا كان هادي ودمه بارد حاولي تطولي بكلامك
وانتي لازم تاخدي كل شي بوضعه
وان شاء الله كون افدتك
ولو في شي مو مفهوم باللهجة قولي لي
ورمضان كريم
الله يفرج همكم ادعوا لو بالهدايه وحاولو تتفهمو ظروفو احتمال عندو شي مضايقو او قاهروا وبيطلع حرته فيكم الله يريح قلوبكم 