السلام عليكم ورحمة الله وبركاته
اخواتي انا ابي النصيحه منكم وابيكم تحللوا شخصية هذه الانسانه عشان اعرف كيف اتعامل معاها ارجوكم ساعدوني رح احط صفاتها في نقاط عشان ماادوخكم معايه ويكون كل شي مرتب يالله بسم الله…
1)دايما تحرجني قدام الناس وتتريق على كل شي بمعنى تستهزئ شايفه انه الناس اقل منها وانها هي احسن مننا كلنا واذا هي لبست شي موحلو ورجعنا احنا نعاملها نفس المعامله تقول هذا ماركه وماادري واذا مره ماعاد عندها رد قامت تتكلم بصوت عالي مره على قول المثل على مااظن خذوهم بالصوت غلبوهم دايما تحاول تبين انها عارفه كل شي واحنا عنده جهله مانعرف شي.
2)فتنت بيني وبين ناس كثييير لدرجه انه الناس صاروا مايعاملوني كويس والمصيبه انه انا ماقلت الكلام اللي افترت عليه فيه وكمان توصلي كلام تقول انهم هم قالوا فيه المهم صبرت فتره طويله وفي الاخير رحت لهم وحكيت لهم السالفه كامله وانصدموا مره طلعت موصله لهم كلام انه انا قلته فيهم وانا والله ماقلته اهم حاجه انه صفيت النفوس ورجعت المياه لمجاريها الحمد لله والله يستر عليهم ناس طيبين بس الفتانه هذيك دخلت بيننا حسبي الله عليها.
عارفين انا اش رايي انا اقول انه حتى لو احد تكلم فيني ليه توصلي خلاص تسكت كمان انا بشر ورح تحس في نفسي انه ناس مااذيتهم وقاعدين يؤذووني انتو معايه اش رايكم يعني مافيه احد كامل الا الله سبحانه.
3)ماتحب احد يمدح اي وحده غيرها واذا حست انه قاعدين يمدحوا احد تبدا تطلع عليها كلام لحد مايكروهها.
4)دايما تبين انها تخاف الله وانها ملتزمه والمسبحه في يدها ومع هذا لما اقولها يافلانه ترا النمص حرام لانها منمصه تقولي ياشيخه باستهتار فاهمين عليه غير النميمه والفتنه اللي فرقت بين ناس كثييير بذنب ماعملوه وكلام ماقالوه ودايما تضحك مع اي رجل سوى بائع او اي رجل ثاني ولما اقولها مايجوز تقولي لا عادي بس انا معقده الامور شفتوا كيف صار الادب والاحترام تعقيد للامور وكثيير انتقدوا تصرفاتها بس يقولوا مالنا شغل.
(واخيرا)
مارح اقولكم مافيها صفات كويسه فيها الانسان بشكل عام فيه الخير والشر بس الله يهديها صفاتها السيئه غطت على كل شي والله ياناس ماتكلمت الا بعد ماصبرت عليها فتره طويله قلت يمكن لما افرض عليها احترامي تحترمني بس مافاد بالعكس تمادت واعتبرت سكوتي ضعف طبعا في اشياء كثيره صارت وكلام يكسر النفس بس طويل وانا جبت لكم اكثر شي اثر على حياتي والله المستعان.
والحين انتهيت الله يخليكم ليه هي كذا وكيف اتعامل معاها والسؤال الاهم هل انا اخطات لما رحت للناس وقلت لهم على الكلام اللي قالتوه لاني بصراحه اخاف من الله ماادري تفكيري مشوش والله ماتمنيت الامور توصل لهذا الحد بس اش نسوي هذا اللي صار والحمد لله على كل حال. ردوا عليه الله يخليكم ولكم مني كل الموده والاحترام.
اختكم دمعة وداع
اختي ماابقولك قاطعيها ولا ابقولك انتي غلطانه او هي غلطانه
اقعدي بينك وبين نفسك وفكري هي ليش تسوي كذا
اعتبريه مرض فيها واتركيها بحالها واللي يجيب سيرتها عندك
قولي الله يستر عليه لان الناس تجيب وتودي
اختي .زعدوك ماهو من حكى فيك عدوك من حكى لك
فهمتي علي .يعني افضل علاج لها
هو الدعاء .اسال الله لنا ولها الهدايه
بس ممكن تكلمينها وتنصحينعها لو بطريقه غير مباشره
والله يرزقك الصحبه الطيبه
عزيزتي ,,دمعة وداع
الى الان لم نعرف من هي هذة الفتاه ؟؟
هل هي صديقتك ام اخت زوجك ام ماذا ؟؟
ياريت توضحي يا قلبي
تحيتـــــــــــــــي ,,
اختي (فدى روحك)قد كلمتها كذا مره وقلتلها انا مااحب الاسلوب هذا ومع هذا مازالت مستمره.
اختي(تمارا)اللي قاعده اتكلم عنها تصير سلفتي يعني انا وياها متزوجين اخوان.
والله يعطيكم العافيه حبيباتي.
حاولي قدر الامكان ان تكون علاقتك فيها رسميه والله اني تعرضت لمثل سلفتك بس سرنا اخوات والحمدلله
متى يوم جات سلفتنا الجديده وقلبت الدنيا علينا حست اني طيبه فسرنا من بعد العداوه محبه وانتي طنشي
واهم شي زوجك واخوه ماتتاثر علاقتهم ببعضهم والله الهادي لي ولك ولكل المسلمين