مساء/ صباح الورد كيفك احوالكم
بنات انا عمري 19 سنة باولى جامعة عندي اختي الصغيرة عمرها 11 سنة تعرفون كيف
كرهتني بنفسي كل شوي ناشبة فيني تقلدني باي شي اسويه تفتح كبت ملابسي وتطلعها
وتلبسهم كعبي ومكياجي تستخدمهم حتى ملابسي الداخلية تستخدمها و تقول ابي مثلهم
واهي بعدها صغيرة على هالسوالف حتى ماتنام الا بحضني طفشت مننها المشكلة ماتروح عند
ماما تروح لي انا ودايم تقعد عندي بغرفتي واذا صرخت عليها تقول ليه ماتحبيني انا
اختج حرام عليج واتصيح
آآآآ طفشتني وربيي ايش اسوي معاها انا مو فاضية لها عندي دراسة واحب اقعد بغرفتي
ادرس عشان هدوء وهي كل شوي ناطة لي تلملم فيني وتبوسني واذا قعدت بالصالة تقعد يمي
وتلمس شعري أحيانا اكون قاعدة اتفرج على مسلسل تركي او فيلم واهي معاي تتحمس معاهم
وتقول يابختهم يحبون بعض وتموت على قصص الحب والرومانسية
واذا بغيت انام اتييب مخدتها عندي وتنام بحضني والله كل ليلة وانا ماارتاح بسريري 
وتقعد تسولف عن مدرساتها وايش صارلها بالمدرسة لما اصدع وانام انا
على فكرة مافيه بنات الا انا واياها بالبيت وباجي اخواني اولاد وماما موظفة وما توصل البيت الا متأخر انا ماابي اعطيها ويه زيادة ع اللزوم لو انها بنتي ماسويت لها جذي
قولي لي اختي طبيعية او لا ؟؟ علمووني كيف اخليها تبعد عني شوي و تنشغل بنفسها ؟
انا ما اكرهها بالعكس اهي اختي الوحيدة لاكن اسلوبها طفشني وتصرفاتها تصرفات يهال
قولي لي الله يخليكم كيف اتصرف واياها انا ماابي اجرحها خاصة انو ماما الله يسامحها بعيدة عني وعنها 
لان امك مشغوله ولاهي بالوظيفه وماعندها الا انتي تحس معاها بهالعاطفه المفقوده
انتبهي لها من المسلسلات التركيه ترها مرض وانحراف
واذا شفتيها كذا غيري القناه وشوهي صورتهم وحذريها قوليلها هذول
ما يخافون الله ومن هالكلام حتى تتركهم وتصحى من الخيال
حاولي انك تشغليها بأي شي تعمل حلا او تنظف غرفتها او تشترك بدورة انجليزي
المهم يتقسم وقتها في اشياء متنوعه
بس انتي لا تصديها مره وحده حتى البنت ماتروح تدور عليه برا
او تتعرف على بنات منحرفات
وراقبيها وشوفيها ليكون تعرفت على صديقات جدد منحرفات
او سامعه منهم قصص حب وهالشغلات
انتبهي لها
لو لها اخت اصغر او اكبر ممكن تلهى معهم
بعدين مدري ليش احس انك قاسيه معها مو معطيتها حنان
طيب خلي امك اخوانك ابوك يسوولفون معها انتي سولفي معها بعد
مو معقوله 24 ساعه دراسه سولفي معها عن دراستها شي اشترو لها العاب ايبود
عموما اذا ماتبينها تكون دايم معك عطيها الجهاز تدخل العاب تلعب بعيد عنك
والله اذا بعدت عنك رح تتحسري ورح تقولي ياريت لو أختي تجلس عندي وياريت
لو نسولف مع بعض وياريت تحكيلي الي بقلبها أو و و و
عآمليها زين واذا ازعجتك شوي من تصرفاتها نبهيها وأنصحيها او اشغليها بأي شي
فرق السن بينك وبين أختك نفس فرق السن بيني وبين أختي
بس نحنا شوي أصغر منكم هههههههه
الله يخليكم لبعض يارررب
بس بصراحه وانا اول مابديت اقرأ مشكلتك أختي نايمه بجنبي ومدمرتني 
قلت معقول يعني بعد سنتين ولا ثلاثه أصير بعمرك وأختي تنشبلي هالنشبه ههههههههههههههه
الله يعييييين
والله يحفظكم يارب ويسعدكم
طيب خلي امك اخوانك ابوك يسوولفون معها انتي سولفي معها بعد
^^^^^^^^^^^^^^^^^^^^^^^^
انا مو قاسية بالعكس بس انا مو متربية على جذي ماما ماحسستني بهالشي وانا بعمرها عشان كذا انا مستغربة تصرفاتها كيف اعطي غيري حب وحنان وانا ماجربت هالاحساس اصلا
اقولك ماما اذا شفناها ماتسولف وايانا تقعد تسوي العشا وتنادي اخواني ونتعشى واهي بس ساكتة ماتسولف
وبابا داايم مسافر والا عند زوجته الثانية
بعض الامهات ياويلهم من الله يضيعون عيالهم والله حرام انتم مسؤوليتها
حتى انتي يننخاف عليك انتي بعدك بسن خطر الله يستر عليك
انتبهي لاتخسري اختك والله محتاجة لك ع الاقل تروح عندك انتي بنت احسن من انها تروح عند اخوانها الاولاد والا عند الخدامة
واذا جت امك البيت وجلست معاكم عالعشا قولي لها عنك وعن اختك
الله يهديها امك والله تذكرني بناس كثييير كذا يرمون عيالهم ولايدرون عنهم