اختي و مكالمات اخر الليل الطبيب يجيب 2024.

السلام عليكم و رحمة الله وباركاته

ياابنات طلبتكم الى تقراء موضوعي تنصحني كأخت له قبل كل شي

بدخل في الموضوع على طول
انا لي اخت اتكلم شباب يعني مو شخص واحد اشخاص هي حاليا مخلصه ثانوي وجالسه في البيت ما كملت تعليم عمرها 20 سنه وانا عمري 24سنه
انا اكتشفت الموضوع من زمان من يوم ما كانت في المتوسطة لكن كانت لما بتكلمهم اتكلمهم بالخفى من ورانا يعني الله يكرمكم تدخل الحمام بالجوال واطول في الكلام معاهم
ولما جيت انصحها زمان لما كانت في المتوسط دخلت عليها وكلمتها بهدوء اتفجئة انها رفعت صوتها ومو فارق معاها احد وجلست تقول انا محد لو دخل فيني انا حره ومن دا الكلام و في وقتها هي الي كبرت الموضوع وامي واخواتي سمعه الي دار بينا وادخلت امي و عصبت عليها لكن مافاد معاها شي , وللاسف كل ما لها تتماده ومرات السنين وكل مالها اتزيد تصرفتها وطيشها وحتى اخت الى اكبر منى كلمتها اكثر من مره لكن مافاد معاها شي
وتتماده يعني مثلا لما نخرج لمكان عام لسوق مثلا تكون عادية لكن بمجرد ما نمر بمجموعة شباب تبدء في المياعه و احيانا تتعمد ترفع صوتها وكأنها تقولها (تعاله انا هنا رقمني )
المهم امي عارفه بتصرفتها واكثر من مره هزئتها واخواتي كلهم حتى الصغار عرفين هي ايش اتسوي
ويعني تخيله انها مره فترة كنت امفكره انها عقلت قالت بدخل تحفيظ قران وفعلا دخلت لكن اكتشفت ان دخولها اتحفيظ ستاره او غط اداري وراها مصايبها وتقنعنا انها اتغيرت
المهم امي وصلت لمرحله خلاص اقتعت انها مستحيل تتغير فصارت تركتها على راحتها وهذا الى قهرني بجد.
الىي استجد في الموضوع انها زمان كانت تكلم الشباب بدس يعني الله يكرمكم تخذ الجوال معاها للحمام و تسولف معاهم , الى اتغير واستجد اني اليوم صحيت من النوم اخر الليل ولا اسمع صوتها تكلم واحد و ماكان احد صاحي غيرها دخلت عليها شافتني وطلت فيني بنظرت غريبه وما قفلت الجوال جلست تكلمه عيني عينك وعينها تجي في عيني وعااادي ماكني موجودة انا هنا انقهرت فعلا ان لم تستحي فصنع ما شئت
المهم قفلت الجوال ومشيت عصبت عليها لكن كالعادة جالست ترددني بقوة عين وتقوول لي انت مالك شغل فيني
المهم البنت كل مالها وتتمادة ومثل ماذكرت لكم من قبل امي عارفه واخواتي عارفين و انا قرار اوصل الموضوع لابوي علما اني كنت اتجنب ان الوالد يدرى بشي لانها من النوع العصبي واذا عصب احتمال يسوى فيها شي وتروح في يده
لكن ماعاد في يدي شي ثاني لاني خايفه انها اتجيب لنا مصيبة من ورى تصرفتنا
اخووواتي بالله عليكم انصحوني كيف اتصرف معاها اتشجع وقول للوالد علما اني هددتها بكذا وكان ردها انه ماهمها اقوله ورادها انه اخر همها و للمعلومية هي كذا شخصيتها ما يهمها احد يعني اذا امي او احنا هزانها تدخل غرفتا شوي وترجع وتسولف عادي ما كان صار شي (عندها تبلد موطبيعي )