انا والله مرة مقهورة وانا اكتب مشكلتي لأنو انا مرة حارة في مسألة نظافة
غرفتي انا عندي ثلاث اخوات و عندي اخو اصغير مني بتسع سنين وشهوور
و هوا اللي اصغر مني على طول انا عمري 15 و لما اتزوجو اخواتي سار
يشاركني الغرفة والمصيبة انو ما يسمع الكلام ابداااااااااا حتى كلام ماما و بابا
مايسمعوا و اخواتي مررررررة مدلعينوو وشايفين دايما انو هوا الصح حتى لو
غلطو واااااضح وضوح الشمس و ماما دايما تشد عليه وتضربو لو زودها
لكن بابا مدلعو مررررررة ويجي فجاءة يصرخ عليه عشان كدا ياخذ صراخو
بمزح و انا في الغرفة ما احب شي يطيح في الارض ولا احب شي مكركب
ابداااااا لكن هواا متعادي مع النظافة يحب يرمي الاشياء في الارض يحب يعاند
و الله لدرجة انو سار قليل ادب و يصرخ عليا ولو اناديه ما يرد ولو اقولو
شيل الورقة من الارض ما يسمع كلامي ولو اقول لأختي الكبيرة تقول ترى في
شغالة و المصيبة انو ماما تقول لا تدققي !!!!!!!!
انا اللي قاهرني انو قليل ادب و مستعد يصرخ عليك في اي مكان وزمان ولا احد يفتح فمو
ولو اضربو ولا اهزأو قامت القيامة كل مين يخاصمني من جهة يشوفو ردة فعلي ما يشوفو ايش سوا
ومحتاج احد يعلمو الاعتماد على النفس مو الاتكالية
و يعلمو انو لازم يحافظ على النعمة اللي في ايدو لا تجي يوم وتروح
واحيانا بابا يفهموا دا الشي و يتأثر في اللحظة نفسها لكن ترجع حليمة لعادتها
القديمة واحيانا احاول انا افهموا دا الشي بهدوء و تسمعني اختي الكبيرة اني
اكلموا تصرخ عليا و تقولي لا اشوفك تكلمي الولد ولا تصرخي عليه مالك صلاح
فيه و احيانا تخاصمني قدام الناس عشان اقولو روح عند الرجال تقولي مالك
صلاح يقعد في المحل اللي يعجبو و بس تدلعو و تطغيي علينا و تروح بيت
زوجها حتى دخلت في راسو انو انا شريرة واكرهو مع انو والله لو انو طاح
قلبي يطيح ولو بكي عيوني تدمع و لو خاف اقعد اسمي و اقرا عليه يعني
احس انو انا لا ادلعوا ولا اشد عليه لكن اختي تشوف دايما لحظات تنظيف
الغرفة يعني تخيلو انو يطلع لبس يرمي باقي الملابس و الا ياخد جزمة يرمي
الباقي في الارض و لما اقولو بسرعة لمها يطالع فيا ويشمق و يمشي و مرة
صكيت الباب عليه عشان يلم سار يلم ويسبني و يقعد يقول الفاظ الله المستعان بس
و لما اقول لبابا يقولو عيب و بس وقسم بالله احيانا يطلعني من طوري
واجللللس ابكي من قلب انا احبو لكن معذبني يسوي كل الاشياء اللي تقهرني
واخواتي الباقين يقولو اصبري تراه لسى صغير اتوقع تاني ابتدائي ابدا مو صغير
والله اسفه لو طولت لكن و الله قلبي مقهههور احس اني بموت ناقصة عمر
بسبتو و لحد يقولي حاولو تشدو معاه لأنو كلهم واقفين ضدي مطلعيني انا الشريرة
و اخواني ترى معايا لكن ما يقدرو يسوو شي لأنو على طول يتصل بأختي الكبيرة
و يشتكي و هيا تجي و تقعد تخاااصم اللي ضربو لدرجة انها ضربتني مرة
عشان ضربتو ضربة خفيفة و بعدين ماما تقولها لا تكرهين البنت في الولد و
لاتكرهينو فيها و الله اني احب اختي الكبيرة مرة لكن من بعد تدلعيها لأخويا
سرررت اكررررررهها مرررررررة و اتمنى انها مي موجودة عشان الولد يكون بخير
وكم مرة اشتكي لبابا يوقفها لحدها مايقولها الا لا تدلعي الولد وتقول انا ما ادلعو
بس ذي البنت (عليا طبعا) قاااااسية
و الله اني تعبت نفسيا خصوصا بموضوع الغرفة انا ما استحمل شي في الارض
وهوا مو مقصر
الله يخليكم ساعدوني
و الله محتارة
ياعزيزتي
انت عمرك 15 سنه
واخوك اصغر منك بتسع سنوات وكم شهر صح؟
يعني الان يادوب عمره خمس سنوات اذا انا مو غلطانه
يقول الامام علي كرم الله وجهه في اصول تربية الابناء
اتركه سبعا
وعلمه سبعا
وصاحبه سبعا
يعني اخوك لسه صغير على موضوع التربيه والتعليم
الان محتاج حب وحنان وبس وتعلم امور بسيطه جدا
حبي وتحيتي
لكن هوا دخل مدرسة اهلية بدري ودحين
هوا طالع على تاني ابتدائي و ماشاء الله
فهمو يتعدى سنو لكن هوا يحب يعاند لأنو الكل
مرررررة مدلعينو …….
و اتوقع انو اللي يقدر يدرس و ماشاء الله
اجتاز مرحلة تعليمية قبل السن المحدد
قادر كفاية انو يفهم انو الغرفة لازم يشارك بتنظيفها
لأنو الطفل لازم يتربى من الثلاث سنين او قبلها حتى
انو يهتم وينظف لأنو هيا مو مسألة في الدين تحتاج
عقل فاهم جداا و واعي
هيا مسألة مبدأ النظافة بالله الولد يكون بيكمل 6 سنين تقريبا
و يكون غير مبالي !!!!!!
وعموما مشكورة جدا على ردك واهتمامك بالموضوع
وش تحسين فيه.. عيب عليك عمرك 15 سنه يعني بنت عآقله وبآلغه!!
قسم بالله موضوعك تآفه وآتفه منه مآشفت!!
شي طبيعي بيدلوعنه صغير وورع بزر!! مآيفهم شي بدنيآ
استغفر الله
واخوج طفل لازم تكسبيه وتحملي بالبداية يعني لو كسبتيه راح يحبج كثير واذا حبج بيسمع كلامج وبتشوفيه هو يساعدج بترتيب العرفه حته لو خرب قوليله حبيبي نريد غرفتنا احلى غرفه
وش تحسين فيه.. عيب عليك عمرك 15 سنه يعني بنت عآقله وبآلغه!!
قسم بالله موضوعك تآفه وآتفه منه مآشفت!!
شي طبيعي بيدلوعنه صغير وورع بزر!! مآيفهم شي بدنيآ
استغفر الله[/quote
ماعليش اخالفك مو شي طيب احد يدلع والثاني يادب ومن شب ع شي شب عليه قد تكون السالفه ماتستاهل عندك لكن عند الاخت مسببه لها قلق
نهايه التربيه تبدا من ميلاد الطفل تدرين لو مرت 15 يوم الاولي من 40 راحت اهم نقطه بتعويد الطفل المولود كيف اذن بطفل بثاني ابتدائي
التربيه لاتفسد لحب الابناء او الاخوه مشاعرا او احاسيس لكن المسأله تريد حكمه واتفاق
ولو ع فرضك لازال صغيرا كيف تعلم الالفاظ السئه هناك من هم اصغر ويحترمون من اهم اكبر منهم ويعطونهم دروسا بالاخلاق
هذا رائي واما اخوك ياصاحبه المشكله صاحبيه وصادقيه ولا تركزي ع كل شي فهو يستمتع بمضايقتك لذا خففي ع الملاحضه ومره اصحبيه في مشوار ومره اتفقي معه لاقامه حفل ومره اهدا منكما لوالديكما وهكدا حتي تكسبي ثقته وصداقته
اتمني اني افدتك