السلام عليكم ورحمة الله وبركاته
بنات راح اقول مشكله مضايقتني كثير
انا عندي اخو متخرج من برا وتوه ما توظف يوم كان يدرس شاف بنت بالسفاره سعوديه اعجبته وتعرف عليها وعلى اخوها وصار يكلمها من ثلاث سنين والحين يبغى يتزوج منها المشكله مو هينا المشكله البنت تدرس بامريكا ماجستير بجامعه مختلطه وغير منقبه وعمرها 30 وشوي واخوي عمره 26 اخوي جدا عصبي وجدا دكتاتوري علينا يشك فينا يغار او ينتقم بمعنى اصح لاننا انا واخواتي رافضين زواجه من هالبنت تخيلوا مانطلع السوق الا مره بالشهر وهو معنا مايتركنا لحظه يخاف نغيب عن عينه يفرض علينا عباية راس واسعه وفوقها غطا عيون يرفع صوته علينا بالسوق او بالمستشفى وبنفس الوقت رافض خواتي يتوظفون الا مدرسات فقط ابوي وامي مالهم كلمه عليه ابدا الصراحه يحرجنا قدام الكل ويطنز على اشكالنا قدام اهلنا !! والله اني ما صرت اتقبله وماودي اعاديه وهو اخوي كيف اتعامل معاه 
! شوفي حبيبتي من رأيي أنه يتزوجها أحسن، منها يتفتح عقله شويتين ومنها أنه ممكن يسافر معها للدراسة ويفككم! وترتاحووون 
كذا الأخوان عادة شديدين مع خواتهم ومع زوجاتهم لا! الله يهديه بس وانا عارفة انكم من اشرف البنات ..
بس طبعا اللي يسوي غلط يشوف كل الناس زيه ويخاف انكم تكونون مثلها .!
اخوك لا تدعين ولا تتحسبين عليه مو نافعك غير هو ..!
ادعي ان الله يهديه ويستر عليه ويفارق هالبنت ويكرهها ..!
الاولاد الحين مره فلته بذات اذا راحو لبرا وعاشوا هناك يبون مثل هناك ..!
الله يصلحه ويهديه ويبعد عنه بنات الحرام 
وكل ولد مسلم يارب ^^ ..!
+
ولا تزوجونه منها الا اذا كانت صالحة ..!
فقد جاء في الحديث عن سيد الكونين محمد صلى الله عليه وسلم: "ما استفاد المؤمن بعد تقوى الله عزّ وجلّ خيرا من زوجة صالحة".
الذي يبين فيه أن بعد المرأة الصالحة واثرها في حياة الزوج الصالح المؤمن كالتقوى التي تردع صاحبها عن الوقوع في مطبات الهوى واحابيل الشيطان، وهي تعتبر أيضاً كالتقوى الحصن الحصين والعز المنيع للزوج.
وكما انّ الإنسان يسعى لاهثاً في سبيل الحصول على سعادته لتحقيق امانيه، فكذلك عليه أن يسعى جاداً للظفر بامرأة صالحة تكون سندا وسنادا له كما جاء في الحديث عن رسول الله صلى الله عليه وسلم أيضاً قوله: "من سعادة المرء الزوجة الصالحة".
قال رسول الله صلى الله عليه وسلم : "الدنيا متاع وخير متاعها الزوجة الصالحة"
بس من رأئي لاتعاندينه كثير وقوي علاقتك فيه يعني سولفي معاه واجلسي معاه كثير اذا ماتقدرين حتى لو عالجوال او بالرسايل اكسبيه فصفك باي طريقه الاخ ذخر وسند
لاتخسرينه لاي سبب
وبعدين اغلب الاخوان كذا والله هو على حسب التربيه ودعيله كثيررر ان ربي يسخره
الله يهدييه ويصلحه
الله يهديه ويحنن قلبة عليكي انتي وخواتك يا رب