السلام عليكم
انا حامل صار لي 5 شهور معلقه عند اهلي من 5 شهور من اول ماحملت لا سؤال لارساله لامصروف ولا شي اهلي قايمين بكل شي
لي 3 سنوات متزوجه كل الحياة الزوجيه فيها مشاكل وهم وتعب لكن زوجي من النوع اللي يرفض المشاكل من كثر ما انا حريصه على اني ما أغلط ومن النوع اذا زعلوه اهله او انا زعلته او هو زعلني لازم اراضيه غصب طيب يعني اجلس ساعه ارضي فيه ابوس من راسه الى رجلينه وهو مثل الصنم يطنشني الى يطيح مافي راسه اتخذت معه الطريقتين التطنيش والاهتمام ولانفع لاتقولون انتي عودتيه لا اكتشفت هالشي ثاني ايام زواجي وقال لي بالحرف الواحذ تراضيني بكل الاحوال وتتوسلين لي الى ان ارضى
انسان يفهمني غلط مرررره يعني صرت ما احب اتكلم كلمتي لها عشرين تفسير دلع ممنوع اتدلع واتغلى ممنوع اتعب صح انا اعترف اني بالبدايه كأي بنت ما تأقلمت بس حاولت افهمه واسايسه واخدمه مع ذلك يقول ماسويتي شي طيب وش تبين اسوي يقول سوي كذا وكذا اقول هذا اللي سويته يقول ايه بس مو المطلوب مع اني حلوه وجسم وطول ومن عايله راقيه جدا لبس اناقه نظافه خفت دم واهله يففتخرون فيني لاني جميله دائما يظهروني للمجتمع ويكشخون فيني وقالوها لي قالوا انتي ترفعين روسنا دائما يسب نفسه يشك فيه انا مو حلو انا وانا وانا اهاوش واتحمس وامدح فيه اقول لاتسب نفسك فيه غيره من ناحية جمالي واسم ابوي
كل حياة الزوجيه تتخللها مشاكل وتنازل وتضحيات وهذا امر طبيعي لا هو رافض هالمبدأ نهائيا عشنا 3 سنوات مد وجزر احاول اغيره ماقدرت دايم حزين اهله يقولون ليش حزين مع انه يحبني مو يحبني يعشقني جتني فتره تعبت فيها كرهت بيتي وزوجي وكله ابكي تضايق مني كرهني قلت خلاص دامك مو متحمل طلقني انا عندي حسد لازم اتعالج وتتحمل صار يطفش مني اروح لاهلي لايسأل ولايصرف ولاشي ارجع نفسي انا كذا مره وكنت ابكي اقول لاهلي طلقوني منه تعبت معه مافهمته يقولون اصبري اذا حملتي بيتغير ومره كنت تعبانه حيل عندي حسد والجن تناظرني بس مادخلت فيني الحمدلله ماقدر هالشي ارسلت لاختي خلاص ما ابيه مايهتم وبس زعلان مايتحمل ودعيت عليه وطاح الجوال بيده وقرا كلامي واصلا انا تعبانه مو بعقلي
المهم دريت انه قراها تعذرت وتأسفت قلت تعبانه جلست 5 شهور على هالحال تعبانه مررررره اشق جيبي من الضيقه
المهم رجعت له بس ما كان الاول كان فيه نفور تحملت قلت بحمل عالجت وتجيه مسجات من ارقام مجهوله عني ويصدق فيني صار مافيه ثقه مافيه تفاهم يمسك علي كل صغيره وكبيره حملت ولله الحمد ورحت لاهلي وتركني عندهم 5 شهور ولا يسأل ولاشي كلمني قبل شهرين المغرب يبيني اجي قلت خلاص بكرا عشان اجهز وكذا لانه يبي لي شغل التنظيف والحلاوه
زعل حاولت اراضيه سفهني بكرا كلمت السواق يجيني قال طردني زوجك ارسل له في العيد وبرمضان وادق سافهني مطنش صار بينا نقاش قال انتي ماتستاهليني وانا بايعك قلت والبيبي قال ماراح يضيع حاولت بكيت ترجيت قلبه حجر يقول انتي ماتفهمين ما ابيك وصار لي شهرين كل جمعه يرسل تعالي شيلي اغراضك الا ان كلم امي وقال شيلوا اغراض بنتكم قالت امي بجي اشيلها بس ورقتها اول قال بتجيها ورقتها وانا الان اتحسر ليل نهار نفسيتي دمار صرت ألوم نفسي ليه ماحافظت على بيتي ليه اسبب مشاكل ليش تعبت ايه ونسيت شي طلبت بيت لحالي لاني بشقه مع اهله ورفض وزعل اكثر ويقول خذي لك واحد يجيب لك بيت ويدلعك انا ما احبك مع انه يحبني بس يكابر او كرهني بسبب تعبي وطلبي للبيت والاشياء اللي سويتها
انا تعبانه حيل على طول باعني رغم كل شي سويته له اخرتها يعاقبني كذا ولايقدر فترة الوحم ولافرح بطفله ليش ليش يخليني احمل دام هذي نوايه يارب ارحمني وألطف بي قولوا الغلط من مين ريحوني ذبحني اللوم
اما اذا انتي واهله في شقه وحده من حقك تتطلبي اذا رفض مالك غيرالصبر يمكن يتغير بعد ماتولدي
وان شاء الله ربي يكتب لك الخير
انا دايم أفضل في مثل هالامور الرجال يتدخلون
يعني ابوووك او اخوك الكبير
ويتفاهمون معه
و انتي ارضي بحكمهم و تفسيرهم لامور
لاني احس من كلامك انه يتغلى كثير كثير
و طبعه زعووول
وصعب الاستمرار مع هالوضع لو تحملتي اليوم
ما راح تتحملين مع بكره
و احتمال اهله يحرشونه عليك
بكل الاحوال
انا لو منك
مثل ما هو ساحب عليك انتي اسحبي بعد
و خلي ابوك يتفاهم معه
اذا يبيك مع الرجال بيلزم حده
و اذا ما يبيك احس الرجال بهالامور افهم
يا اختي كبيه طنشيه ما تسالي عنوو والله غير يجيكي ويراضيكي
بس انتي راميه حالك عليه
انتي معطيته وجه زيادة عن اللزووووووووووووووووووووووووم
المفروض العكس انتي اذا زعلتي يتعب لحتى يرضيك
انتي الحين جربتي اسلووب التنازل والخدمه ومانفع معاه وبس يزعل صح !!
جربي الحين العكس .. و لازم تكون لك شخصيه ولك كلمتك مو ع كل شي يزعل واذا انتي مو غلطانه عليه يطق راسه بالجدار ويرضى لحاله
اعرف مثل قدييييم وينطبق ع زوجك عزيزتي
اذا انت اكرمت الكريم ملكته وان اكرمت اللئيم تمردا !!
هاذي نقطه فاصله بحياتك وخمسة شهور كفيله بانها تعطيك درس تتعلمين منه خطاك
وينك والدعاء :
اكثري من الاية الكريمة ( اللهم آتنا في الدنيا حسنة وفي الاخرة حسنة وقنا عذاب النار )
سوف تنقلب حياتك الى الاحسن .
مجّربة
الرجوع بهالوضع مره غلط بالذات للبيبي اذا اهلك ماعندهم مشكله اقعدي معاهم وخليه يدوخ حتى ترجعيله
لا تتصلي لاتواصلي ولاتذكريه بالمره ولا تجبي طاريه لاحد
خليه يعرف انه ماعاد يلزمك وانك بايعته والا غير مايجيكي يزحف
وانتي لا تشغلي بالك وريحي نفسيتك عشان البيبي
وربي كاتب لك كل شي لاتستعجلي فرج ربي قريب باذن الله
الله يحفظك ويقويك ويقومك بالسلامه يااااااااااااارب
وطمنينا عليكي