السلام عليكم ورحمة الله وبركاته
ودي اشرح لكم مشكلتي وياليت تساعدوني فيهاا**
مشكلتي اني تزوجت وقعدت جم شهر ويا زوجي وتطلقت زواج كان اجباري وانا ماابي ولاتفاهمنا وبعدها صار الطلاق وقعدت فتره وبعد هالفتره تعرفت علي شخص وكانت بينا علاقه جدا محترمه ولاصار شي بينا غلط وتطورت للحب والاحترام وقعدنا ويا بعض اكثر من 6 سنوات كان اي شخص يتقدم لي ارفضه لان انا من تجربتي الاولي صار فيني خوف ورهبه والكل كان يخانقني لازم تفكرين بحياتج وعمرج صار ثلاثين اللي لي علاقه وياه ظروفه صعبه ولايقدر يفتح بيت وانا تعبت من الحنه اللي فوق راسي فوافقت علي واحد اكبر مني وعمره 40 ومتزوج 2 بس الكل مدحه وخطبتني زوجته وقالت ان زوجي يبي وحده بالحلال ولايبي يطالع برا وانا مريضه ويبيله وحده تونسه تلبس تكشخ تكون حلوه وتمدح فيه وبطريقته واسلوبه وان يدللج ولايحرمج من شي المهم صليت وارتحت ووافقت عليه وعقب ماملجت وباقي لعرسي يومين قلت للي كنت اكلمه جن جنونه ودخل المستشفي وتعب وانا تزوجت وليلة العرس كان ودي اطمن عليه فقلت لوحده من رفيجاتي ابيها تتطمن عليه كلمني وهو منهار ويبجي وسكرت وانا ابجي ورحت لبيتي وبعدها سافرت انصدمت بالواقع المر الرجال بالاول غير وبعدها باسبوع تغير كل شي انقلب عصبي مزاجي مايبي اي شي بس ينتقد قلت لازم اتحمل مع اني وربي ابلع المر وانا ساكته قلت لغاية ماارد واشوف لما رديت الكويت وكلمت رفيجتي قالت لي عن حالة اللي كانت لي علاقه وياه ماقدرت امنع نفسي وانا من داخلي ولهه وشوق له وخصوصا اني ماارتحت ويا زوجي انا صح اعتبر خاينته بس بعد اهو خدعني والحجي اللي قبل الزواج راح وطلع شخص ثاني وربي حتي وياي بالفراش غير الشخص اللي باول اسبوع وربي من اول اسبوع اذكر باسني ولا قال لي كلام حلو من بعدها نسيت هالسوالف ولاعنده رومانسيه ولاشي بس يبي حاجته وبس وانا بعد تعبت من هالوضع رجال جاف بكل شي بمشاعره وبسؤاله عني ولايكلف نفسه والله حتي بمسج كله انا اللي اسأل واطرش له مسجات ورده علي يكون شكرا الاهم بالموضوع ان زوجي خلاني اكل حبوب من اول شهر زواجنا والحين يقول الا تاكلين ماابيج تقطعينهم لان ابي استانس وانا ابي عيال عمري 30 ودي بطفل افرح فيه اللي كنت اعرفه يقول ابيج بس تطلقي من ثاني يوم انا عند باب بيتكم اذا مومرتاحه خليه وربي انا اعوضج عن كل شي ومحتاره بين كلام الناس وبين قلبي لان وربي تعبت من هالحال ابي احد يساعدني بحل يريحني**
اصبري الخير جايك قدام بس انتي اصبري حبيبتي دلعي زوجك دلليه
وترا زوجك مو كبير توه بعز شبابه انا عمري 19 وزوجي عمره 40
ومااحسيت انه كبير ابدآ
بلعكسس شااب توه
اهتمي بشكلك ولبسك
وخلي اذا طلع من البيت يرجع ملهووف عليك لاا تقولي انا ما احبه وهو ما يعاملني زين لالا الرجال مجرد طفل اذا عاملتيه بطيبه وحب هو رح يره لك صدقيني
الله يسعدك يا رب
والله يحب يسمع عبده يناديه❤
سبحان الله وبحمده سبحان الله العظيم
طيب ليش تزوجتي اكثرنا تزوجوا عشان ييشوفوا عيالهم ومتشوقين يكونون امهات وانتي راح العمر كله بين خوف
طيب ليش ما سئلتوا عنهةقبل لاتوافقي هذا زواج لا يبنى بمشاعر الغير اذا زوجته خدعتكم فيه الله يعينها وهو كمان رجل يبي يعامل مثل الطفل ويبي يعامل كانه زوج لساته بالعشرين
نصيبك فكري بعقلك الايجابيات وين وادعي الله تعالى بان ييسر امورك انا انه زوجك وانه عليه حقوق عليكي وانتي كمان من حقك تشوفي الولد اذا هو رافض تماما فكره الاولاد وانتي مرره مشتاقه افرشي السجاده بالليل وادعي واستخيري وتوملي على الله واقنعي زوجك تبين اولاد متى يعني مو الحين اذا قصطه بعد سنه اييوه اصبري مو مشكله بس اخاف انه مخليكي البيت الي مافيه مشاكل وعوار الراس وتحمل مسؤليه اذا تراكمت عليه المسؤليات من ابناء زوجاته الاخرى جاء عندك حتى يرتاح ويحرمك منهم ومن شوفتهم
استخيييري قبل ان تتخذي قرار لا احد يعرف زوجك اكثر منكي وكل الي هينا راح يتوقعون على حسب واقعهم
والنقطه الاخرى هي ان تتركي الشاب الاخر لانك متزوجه
يارب يفرج همك وكربتك ويرشدك الى طريق الصحيح
لا مفر من الجلوس مع زوجك والتفاهم فى امر الانجاب والخروج بنتائج ايجابية فالعمر يمضى وانتى من حقك ان يكون لكى طفل