ارغب في العلاقه مجابة 2024.

الدعاااااااااء ثم الدعاء ثم الدعااااااااااااااء

و نويت أقرأ معاكم سورة البقرة كل يوووم يا بنات هنا بالمنتدى بنفس اللحظه و دق الجرس و طلعت ..
و جات عندنا حرمه ( راعيه بقشه ) تبيع ملابس دائما تجي عندنا و استقبلها و ادخلها عندها اطفال صغار و تجي شايله البقشه كبيره على ظهرها مشي بالشمس و تمر على بيتنا دائما حتى لو ما بشتري منها أدخلها و اعطيها عصير و أسولف معاها ..

المهم ذاك اليوم جلست هذي الحرمه مع امي ( أمي بالشرقيه و انا بجده يعني أشوفها الإجازات) ..
و قالت والله بنتك طيبه دائما اجي و تدخلني مو زي باقي البنات لو دقيت الباب ما يفتحوا من ورا الباب يقولو ما نبغى ورفعت الحرمه أيدينها و قالت يارب ترزقها بالزوج يااارب إللي يتمناه قلبها

و تخيلوا ماما امنت و قالت ياارب و يكون أبيض و طويل و شعرو ناعم هههههههههه

قمت أنا قلت ماامااا و من قالك أني أبغى أتزوج أبيض ..
قلت أبغى أسمر و قصير و أصلع و عندو كرشه << أمزح معاها ههههههههه و أعد بأصابيعي
يا ماما الله يسامحك الأنسان مو بشكلو الانسان باخلاقه ..

بس و جلست ماما تشتري من الحرمه وانا رجعت جلست المنتدى ..
إلا رن جرس التلفون و ردت ماما .. حزرو طلعو ميييين …؟

طلعت وحدت تبغى تخطبني

لسا حتى راعيه البقشه ماراحت تخيلو …؟؟؟

ماما جاتني تقلي عرررريس عررريس ههههههههه
قلت لها من وييين .. من راعيه البقشه ..؟
قالت لاء … دقوا على التلفون ..

حسيت أني في مسلسل عايزه أتجوز هههههههه

يا سبحان الله كانت ساعه أستجابه لما رفعت الحرمه أيدينها و دعت لي ..

حبايبي ما قصدي بالموضوع أرائي أو شي ولكن يا بنات الصدقه و معامله الناس بالحسنى مافي زيها ..

و احنا مقصرين كثييييير .. حتى والله أخلاقنا أحيان تصير مو حلوه نشوف حالنا أو نتكبر ..

أدعوولي يااا بنات ربي يتمم لي على خير و يهديني و يرزقني و أياكم بالزوج الصالح