ياجماعه كل انسان عنده همومه ومشاكله
بس ياجماعه انا تعبت وانا احاول اذاكر وانجح
دائماً التفكير يطاردني والمحاتاة يعني ماادري كيف اوصف لكم
يجيني خوف على امي وابوي واحيانا اخواني وخواتي
مااتحمل اشوف احد منهم يشتكي من شي
عندي اخت كبيره دائماً تقسى علي بس وربي مااتحمل اشوفها متضايقه ينكسر خاطري
وتحبطني دايما واحباطها يطاردني
واذا جا وقت المذاكره وربي مو قادره اركز احس نفسي محبطه واحبط نفسي
ماادري يعني اقدر اقول تجيني حاجه زي الإكتئاب والم نفسي خصوصاً وقت الدراسه
اشيل هم عايلتنا كل ابوها وقت الدراسه بالذات
والحمد لله مافيهم الا العافيه بس ماادري مادري وش يجيني
دايماً احس بخوف عليهم
شايله همومي وهموم غيري
ياجماعه وربي تعبت مع اني ذكية حيل
وعلى فكرة انا تطلقت من زوجي ماقدرت اعيش معاه
واحس ان زواجي وطلاقي كسر ظهر اهلي
وكثير يقولون تعبنا موضوع طلاقك يالغصب طلقك الحمد لله ما علقك زي مايسوون بعضهم
لأنه انا الي طلبت الطلاق وطولنا معهم وانذلينا بسببهم
وهذا غير نظرة الناس للمطلقه تقدمو لي
في فترة العده مايدرون اني مطلقة
لما قلنا لهم مطلقه الأم قالت اسمحو لنا صعب ازوج ولدي
مطلقه قالت ان شاء الله يجيها نصيبها
مع اني مظلومه والكل عارف
وانا الي رفضته وفيه من صديقاتي ثنتين للأسف ضيقو علي وقت الضيق
وطلعت وجوههم الحقيقيه
انا ابغى اركز بالدراسه جعلني افرح امي وابوي بعد هالمر
اللي لقوه من وراي
حااااسه بالذنب مع ان مالي ذنب
والتفكير موب مفارقني
كيف يكون لك بعد بكره مستقبل؟ ..حاولي توازني بين الامور..وقت الدراسه خلاص يكون وقت دراسه..وزي ماقلتي تبغي تفرحي اهلك..لازم كمان تشدي حيلك ويكون لك مستقبل حلو وناجح
مقدره الظروف اللي مريتي فيها مو شوي..لازم يكون تفكيرك حق هدف معين..والله يوفقك
دمتي بود.ツ