السلام عليكم ورحمة الله وبركاته..
اخواتي في الله حبيت اطرح موضوع اليوم وأتكلم فيه من وجهه نظري الخاصة
حتى وأنا قاعدة أكبته ماطرأ في بالي شخص معين..
أحب أقول اني لاحظت على بعض الأخوات انهم يكتبون مثلا اني اقوم الليل تعالي اهمس بأذنك غاليتي أتنتي لما تقومين الليل لرب العالمين مو لازم أحد يعرف عنه شئ أو حتى مثلا الاستغفار أو قراءة القران.. الخ من العبادات للتقرب من الله عز وجل .. لأنني والله ياأخواتي ماقلت لكم هالملاحظة الا لأني أخاف عليكم مما يقع به أمة محمد ألا وهو الشرك الخفي ( الرياء)
أنا ماقصد أخواتي اللي حصل لهم مايتمنون من بعد ماأدوا عبادة معينة
وحبوا يكتبون لنا تجربتهم لا طبعا.. قصدت اللي الحين مداومات على عبادة معينة ترى والله الأفضل لك انه تخلينها بينك وبين ربك حتى لو تقدرين انه حتى أهل بيتك مايدرون عنها يكون أفضل..
بالأخير أعتذر للاطالة وأتمنى اني اشوف ردودكم المتميزة كالعادة على موضوعي ..
( تراي أتقبل وجهات النظر المعاكسة وأرحب بالمناقشة )
انا مثلا احب ان اعرف اساليب متنوعة جديدة في العبادة على سبيل المثال انا كنت اقوم الليل بالصلاة واقرا سورة البقرة وادعي واستغفر قرات مشاركة لاحدى الاخوات انها تقوم الليل بسورة البقرة تصلي وتقرا في كل ركعة 10 صفحات من سورة البقرة اعجبتني طريقتها فغيرت اسلوبي وطورته وصرت اقوم الليل واصلي كل ركعة صفحة…….. فقط للاقتداء والاستفادة وليس للرياء لانه الكل يشارك باسماء مستعارة وشخصيا لا نعرف بعضنا
ولتشجيع بعضنا البعض على التقرب الى الله والالتجاء له ودعوه للغافلين وتنبيههم بالالتجاء الى الله بالسراء والضراء
على العكس اانا احب ان اطلع على تجارب الاخرين وطريقتهم حتى اطور علاقتي بالله لاني افعل شئ احبه واقبل عليه
استغفر الله العظيم لي ولوالدي وللمؤمنين والمؤمنات
رب اغفر لي وارحمني
اشكرك عالموضوع الجميل ..
.
كلامكك صحيح ميه بالميه