كيفكم يالغوالي انا اليوم منزله كذا طبخه من مطبخي اتمني تعجبكم
**كبسةحااااااشي**
كبسة الحاشي لحمه حاشي ويفضل صغير وطازج يعني توه مذبوح طعمه غير
نكشن البصل مع التوم المفروم وكمان معاه جزر مبشور
واحط كمان كلا من التوابل التاليه(كزبره ناشفه مطحونه كمون مطحون وفلفل اسود مطحون وكلها ملعقه صغيره ..وكمان قرنفل ورق غاروشيبه المهم كلها اسبكها مع بعض وبعدين ارمي اللحمه واحركها تمام واغطي عليها..وبعدين افرم طمام وعليها معجون الطمام وملح واحركها تمام واخليها تتسبك واغطي عليها؟
المهم احط عليها ماء حار واضغطها لمده 30 دوافتح علي اللحمه طبعا ماازيد من كميه الماء لين احط الرز اقوم اغسل الرز وارميه علي اللحمه واحط فلفل حارواضغط عليه الرز اخليه5 دقايق وبالعافيه
**الخبزه بالسمن والسكر الناعم**
اربع اكواب طحين اسمرومعاه كوبين دقيق اربع ملاعق حليب بودره شوي زيت ملح ملعقه كبيره خميره فوريه حبه بيضه واعجنها بماء دافي واغطي عليها لا تخلين العجينه تطول لانها بتتخمر بسرعه بس خليها ربع ساعه واحطها بالصينيه وادخلها بالفرن لين تستوي وبالعافيه
**معجناتي بالزعتروالكروم والجنبه**
عجينتي 3 اكواب دقيق 3 ملاعق حليب بودره ملعقه كبيره خميره وملعقه كبيره بكنج بودر شوي زيت واعجنها بماء دافي واحطها علي جنب؟
انا سويت عجينه الزعترفردت العجينه وحطيت شوي مايونيز وكمان جبنه سايله وزعتر وشكلتها
اما الكروم جزر مبشور بصل وكروم
نكشن البصل ونحط عليه الجزر وبعده الكروم وملح وفلفل اسود مطحون بس
وابدي اشكل العجينه بالشكل اللي يعجبني وبالعافيه
**مبشورالطائف هذا جاهزبس حبيت تشوفونه كتير طيب**
**رزابيض مع ايدام مشكل وبطاطس وسلطة لبن**
اتمني تعجبكم واي استفسار انا جاهزه
رز ابيض انا بصراحه اكشن بصل وتوم واخليه يذبل شوي واغسل الرز زين واحطه علي البصل واحركه واملح وكمان مااكثر الماء واضغط الرز لمده5 دقايق
واحطه علي جنب واقلي جزر وبصل وازينه فوق الرز
الايدام المشكل تكشين بالبصل والتوم واحط اللحمه واحركها شوى واحط بهارتي (كمون كزبره فلفل)وبعدين طماطم مفرومه وصلصله ومرقه ماجي واحركها شوي واخليها علي نار هاديه تتسبك وبعدين احط الماء واخلي لين اللحم او الدجاج يستوى اقوم احط الخضره اللي تعجبني ولما يستوي الايدام افرم كزبره وازينها بها من فوق؟
البطاطس اقطعه حلقات واقليه وكمان بصل اقطعه حلقات واحطه بالصينينه وكمان توم مفروم كركم وشوي زيت كزبره ناشفه مطحونه وفلفل اسود مطحون اذا ذبل البصل والبهارات احط عليه البطاطس وعليها شوي ملح واحركها واخليها علي نار هاديهلين تتسبك وتاخذالبطاطس ريحه البهارات وبالعافيه
ما شاء الله وتبارك الرحمن
سحور مرةروعةربي يسلم يمناك على فكرة ههههههههههههه كبسة الحاشي ما نشف مايها (شايف خويتك )
أما الخبز بالسكر ذي خيال خبز أهل الجنوب مرة روعة ربي يسلم يمناك ماأحبها بالسمنة بطريقتك كذا روعة
ربي يحفظك ولا يحرمنا أطباقك الروعة والجميلة .. وأحلى تقيم لمجهودك يالغلا
فعلا الكبسه ذي مانشف الما مزبوط ويسلموا يالغلا
نورتيني بجد ياقمر المنتدي
ابنك او بنتك شكلهم جوعانين مادين ايدهم على الصحن هههههههه
ما عرفت مبشور الطائف ممكن تحكيلي شو هو؟
مبشور الطائف مكون من رز ابيض وعليه قطع من اللحمه تشبه للكباب
وكمان معاه دجاج علي شكل دوائر نسميه كفته له نكه خاصه بصراحه كتير طيب
وكمان يجي معه سلطه لبن وطحينيه بس سلطه اللبن تجي حاره فيها فلفل اسود عجزت اعرف كيف مسوينها
ماااشااء الله