اقتراح ونداء لكل المتزوجات ويدرسن -لحياة سعيدة 2024.

اقتراح ونداء لكل المتزوجات ويدرسن

عندي اقتراح لكن اخواتي ان نعمل تجمع للاخوات اللي يدرسن ومتزوجات وندعم فيه بعض ونتزود بافكار تعيننا على الحياه ونرفع معنويات بعض لاني تعبت وحابه الاقي حد مثلي
انا ببلش
انا سنه 3 نظم معلومات اداريه جامعة اليرموك متزوجه من سنتين وخطبت وانا لسا ما داومت اول اسبوع سنه اولى وعندي بنت عمرها سنه واشك اني حامل وتعبانه نفسيا كثير من وضعي ماقي استقرار بحياتي ويلي دراستي الصعبه ويلي زوجي وبنتي بيتي ودار حمايي ومسؤؤليات الحياه والله ماني ملحقه على شي

اهلين حبيبتي ام رهف انا كمان بدرس في الجامعه الهاشميه فيزيا انا سنه رابعه صارلي سنه متزوجه ولهلا ما صار حمل الحمدلله على كل شي زي ما حكيتي اكبر غلطة انو الوحده تدرس وتتزوج بنفس الوقت انو مش مستقره بحياتي غير هيك عمتي الله يسامحها تتدخل بكل شي الحمدددددددددددددددلله على كل حال

ههههههههههههههه الله يعينكم يا رب
انا متجوزة صارلي 3 سنوات وعندي بنتين بس خلصت دراستي قبل ما انخطب بكم شهر
يعني الحمد لله هم وراح عني
بس حبيت اشاركم ببعض الكلمات الي تخفف عنكم بعض من الحمل
وكله كوم وتدخل الحمايه كوم تاني الله يكون بالعون انا خريجه الجامعه الاردنيه

اهلين يا عمري ترى والله الحال من بعضه الله يسامح ابوي هو اللي جبرني عالجيزه من ابن عمي وعمتي كمان مش كاينه بدها اياني لابنها وزوجي لما يزعل يدعي عابوه اللي جبره وابوه لما صارت مشاكل قال انا اصلا ما كنت بدي اياها من الاخر جيزه ولا حدا راضي فيها ورضينا بالهم والهم مارضي فينا

اهلين والله يخلي لك بناتك هنيالك ارتحتي ادعي ارتاح من هالهم والله مليت من كل الحياه وكل الحياه كوم وعمتي كوم لحالها الله يهدي البال

يالله وين الصبايا ان الحين بسنه 4 والحمد لله بالرغم من كل التعب الا انه حضن جوزي بينسي كل التعب والهم مجرد مااشوفه واسمع صوته برتاح الله لا يحرمني منه