<div tag="11|80|” >كيفكن ياحلوين
بدي ادلكن على اكلة والله جربتها والحمدلله استفدت عليها كتير مع اني اكلتها بس 3 ايام(ملاحظة:وزني 62والي بطن)يعني يلي وزنها اكتر بظن بدها اكثر من 3 ايام
والاكلة هي محشي ورق الملفوف بس على طريقتي
المقدار حبتين كبار من الملفوف نشيل الورق ونسلقه ونقطه للف
ننقع كوبين رز(رز مصري او اذا بتحبي رزبسمتي لان النشاء فيه اخف)
وبعد مدة ساعة تقريبا نغسل الرز جيدا ونصفيه
نبرش فوقه حبتين طماطم حمراء وطرية
نرش فوقهم نص ملعقة شاي قلقل اسود مع ربع ملعقة شاي زنجبيل بودرة
(الزنجبيل معروف بإذابة الدهون)
ومعهم نص ملعقة شاي كمون مطحون ونص ملعقة بابريكا(فلفل احمر حلو)
مع ملعقتين طعام زيت نباتي ورشة خفيفة زعفران بودرة
وملعقة طعام ملح
نخلط المكونات مع بعض ونلف الورق في قعر الطنجرة بنحط عروق الملفوف عشان ما تلزق الاوراق اثناء الطبخ
نصف محشي الملفوف في الطنجرة ونضيف عليهم ماء حتى تغطيم مع نص ملعقة طعام (او حسب الرغبة بس ما نكتر احسن)
ووبعدها بنحط علة الوجه صحن او صينية صغيرة ستالس وفوقها وعاء فيه ماء عشان نرص الورق وما ينفتحوا اثناء الطبخ
وبس يستوي الورق نضيف الحمض ويلي هو حسب رغبتك اذا كان سماق او ماء التمر هندي او عصير الليمون انا بحط مرة تمر هندي ومرة عصير ليمون التنين طيبين
(التمر هندي ناخد كمية بحجم كف اليد وننقعه بكوبين ماء لتاني يوم نعصره جيدا باليد ونصفيه والماء يلي بيطلع منه منضيفه للملفوف لما بينضج
وبالهنا والشفا جربوها وان شاء الله بتستفادو متلي
لاتنسوني بردوكم
نزلت موضوع الاكلة بس مانزلت وجربت مرة تانية بس كمان ما نفع
يلي بتعرف ليش تساعدني
وكمان ياريت حدا يقلي كيف فيني امسحن لان ما عم يفتحوا ومافي فائدة منهم