بسم الله الرحمن الرحيم
بالبدايه هذا اول موضوع لي بالمنتدى واتمنى تخففون علي
انا متزوجه من 7 سنوات عمري 27 عندي ولله الحمد بنتين
واليوم خامس يوم لي بالجهاض الثالث 
وبصراحه نفسيتي تعبانه حيييل وماعندي احد اقدر افضفض له واتكلم بصراحه زوجي يتمنى اني احمل واما حملت طار من الفرحه وحسيت نفسي كاني عروس من كثر الدلع والحنان
والحين لما اجهضت حاسه انه متضايق لان الاجهاضات تكررت معاي وطبعا يحاول مايبين واذا تكلمت معاه يقول الحمدلله ع كل حال وان شاء الله خيره
وانا اقول اللهم لك الحمد وشكر لله ما اعطى ولله ما اخذ لكن اللي خايفه منه ان زوجي اكبر مني تقريبا بعشر سنوات وخايفه انه يتزوج علي عشان يبي حرمه تحمل وتجيب له عيال وبنات مو حرمه كل ماحملت سقطت!!!!
طبعا زوجي حيل يحبي ومو مقصر معاي لكن ما ادري ليش انا خايفه من هالشي
ادري طولت عليكم لكن انصحوني وادعولي الله يرزقني بالذريه الصالحه المتعافيه ويسخرلي زوجي الله لا يحرمني منه
حبيبتي ولا تزعلين حاالك كلهم طيووور بلجنه تستنى جيتك عشان يشفعون لك ويشفعون لابوووهم
ولا تخافين على زوجك معقوله في زوج عاقل بيحصل مثلك ومثل بناتك وبيدوور على غيرك مهبوووول >لا سمح الله هع
ان شاء الله بس تحملين انتبهي على حالك واكلي مثبتات حمل وان شاء الله تجيبين احلى اخو لبناتك وتفرحين ابوهم عن قريب
ويفرح قلبــــــــــــــك
دمتي بسعآآآآآآآآآآآآده ،،،
ودي اسال مافيه علاج اسويه قبل احمل عشان يثبت ان شاء الله
الي فهمته منك انه زوجك انسان متفهم لوضعك ويحبك يعني ان شاءالله هالتفكير راح يكون بعيد عنه وبعدين انتي لساتك صغيره ليش يفكر يتزوج اصلا انتي راح تجيبيله كل اولاده ان شاءالله
والله يخليلك بناتك ويرزقك بالاخوان السليمين المعافيين لهن
بنصحك تعملي كل الفحوصات اللازمه الي بتبين عندك سبب الاجهاض المتكرر واخذ العلاج المناسب لكي لا تتكرر معك هذه العمليه لا سمح الله بتمنالك التوفيق والاستقرار مع زوجك