اليوم جبت لكم اكله سهلة وخفيفة تنفع حق الغدا او العشاء جدا لذيذة ^_^
يلا نبدا في المقادير :
نحتاج بصلة متوسطة
حبتين طماطم صغار
نص فلفل رومي وسط
قرن فلفل حار
علبة تونة بزيت الزيتون او على حسب الرغبة
زيت ذرة
البهارات: نص ملعقة صغيرة كل من ( كركم وفلفل اسود وفلفل احمر ونعناع يابس وكمون بودرة و ثوم بودرة و فلفل احمر مجروش )
نص ملعقة صويا صوص
وثلاث ملاعق طعام فاصوليا حمراء من العلب
نص ملعقة كبيرة معجون طماطم
يلا نبدا سوا :
اول شي نحط شوية زيت ذرة وشوي من زيت التونة هذا سر النكهة الذيذة
وبعدين نحط البصل ونحمسه شوي
ولما يصير البصل ذايب واشقر شوي نحط قرن الفلفل
وبعدين نحط التونة
نحط نص البهارات عشان يتحمس شوي
بعدين نحط الطماطم ومعجون الطماطم
وبعدين نحط الفاصوليا الحمراء وباقي البهارات
بعد كذا نضيف الصويا صوص
ونقلب ونحط الفلفل الرومي وربع فنجان ماي
نخليه يتسبك لمدة خمس دقايق و بكذا سوينا احلى صحن تونة حارة يمي يمي
نعصر عليها شوي ليمون وصحة وعافية
اختكم نوف راشد
بالصحة والعافية يا نوف ربي يسلم يمناك يا حلوة
أحلى تقيم لك يا قلبي ..
|
المشاركة الأصلية كتبت بواسطة queen.777
 ما شاء الله وتبارك الرحمن
بالصحة والعافية يا نوف ربي يسلم يمناك يا حلوة أحلى تقيم لك يا قلبي .. |
يسلموووو قلبي على المرور الرائع نورتي الصفحة الصراحة ^_^
لذيذه التونه وهي حاره وكمان معاها ليمون يمي يمي
تسلم ايدك يالغلا
|
المشاركة الأصلية كتبت بواسطة سحر الأنوثة
ماشاءالله تبارك الله
لذيذه التونه وهي حاره وكمان معاها ليمون يمي يمي تسلم ايدك يالغلا |
يسلموووووو قلبي على المرور الحلو
الله يسلمج حبيبتي
نورتي الصفحة
كلج ذوووق
بس بتستاهل التجربة
تسلم ايدك
|
المشاركة الأصلية كتبت بواسطة رنيم الغربة
بتعرفي حسيتها غريبة شوي
بس بتستاهل التجربة تسلم ايدك |
يب يب غريبة بس طعمها يجنن
الله يسلمج فديتج
نورتي الصفحة
ما بحب التونا
بس هجربها
تسلم ايديك