امممممم ماني عارفه كيف أبدأ موضوعي
صديقتي تقدم لها واحد جمممممممميل بمعنى الكلمة والكل يشهد له بهالشيء
يعني لما ينطرى إسمه ينذكر بجماله ما شاء الله
والمشكله بهالشيء لأنو صديقتي عاديه ويمكن أقل من عاديه حتى بدرجة اللون مختلفين والوزن
صح هو ولد ناس والنعم فيه حتى وظيفته كويسه
هي استشارتني بهالشيء في البداية كنت أقولها أهم شيء الدين والأخلاق بس لما تحاكيني وتتعمق بالتفاصيل تعرفون الجمال للرجل كيف خصوصا لما يكون أجمل من زوجته وجماله هو ما شاء الله وبشهادة الجميع , وتخاف يجي اليوم اللي ينقص من قدرها وقيمتها وكلنا نعرف الرجال قليلين خاتمه تحيرني بعد كلامها هذا ماعرفت ارد عليها بس قلت لها استخيري واولا واخيرا الرأي رأيك
وش رأيكم يا بنات أول مرة أشوف صديقتي بهالحالة والله 
واللي قاهرني إني مو قادره اساعدها بشيء 
حبيبتي
أهم شئ صديقتك تكون قوية قدام هذا الموضوع وﻻ تضعف
اذا جاء يوم بغى يحسسها بهالموضوع
تقوله ﻻيغرك شكلك مايهمني بزوجي اﻻ اخﻻقة
و هو لما يشوف زوجته قوية بردها قدامة وتغلبة بكل بساطة
ماراح يقدر يقول لها شئ
بس أهم شئ تستخير
ان شاء الله ما يكون هو من النوعيات الي تستفز
الله يوفق صديقتك ويسعدها بحياتها
اولا الرجل لا يسمى جميل وانما وسيم
ثانيا .اهم شيء مايكون شايف نفسه
في رجال كثير يشوفون انفسهم لما يكونوا وسيمين وفي ناس محترمه بمعنى الكلمه
ثالثا .تأكدوا من اخلاقه وخاصة اقرب اصدقائه وتسألون عنه لانه هو اللي محتك فيه
كثير ويحلفونه لانها مهمه ياما ناس انهدمت بيوتهم بسبب المعايره
بين الزوجين منه او منه
مو المهم الرجال صدقيني الرجال عادي تقدر تصرفه بمليون تصريفه وتتعامل معاه بمليون اسلوب تكسب قلبه فيه .. ورح يهمل نقطه المقارنه
المشكله انه لو كان
1- أهل زوجها ملاعين
يعني خواته راعيات مشاكل ومتكبرات ولسانهم أشبار
او امه تهتم جدا في الناحيه الجماليه ومعترضه ولو اعتراض بسيط انه ابنها اللي ربي ماخلق مثله بياخذ عاديه يعني لو تفكيرها هيك حتى لو مجرد معارضه خفيفه الأن باديه من الأهل
لازم تحط النقاط على الحروف
تبغوني وإلا لأ ابغي افهم
لأني مو مستعده ادخل بيت انا مو مرحب فيني
2- لو كان شخصيه زوجها ضعيف ويعطي اذنه لمن ماكان
هاي مشكله لان وين ماراح من اقارب او بعاد لو اي حد علق تعليق بسيط مره على مره بيسمع لهم
وبيعلق بباله لأنه واحد ضعيف شخصيه ورأيه مجرد انعكاس لرأي الناس
ساعتها حياتها الزوجيه بتكون مهدده
أما لو الرجال .. رجال بمعنى الكلمه وكلمته كلمه
واهله مو معارضين وناس طيبين
فما اشوف فيها مشكله ابدا
لأن صدقيني مافي مره ماتعرف كيف تخلي زوجها يحبها لتعاملها معاه وخلقها اكثر من انه تغريه بجمالها
في رجال يهمه تكون له بنت ناس تراعيه وتكون ام صالحه وطيبه وحبوبه
اكثر من انه يتزوج منيكان!
يا ما اكثر الشباب اللي اعتمدوا انهم ياخذوا بنات عارضات ازياء وبالنهايه تندموا وصاروا يبحثوا عن الأخلاق قبل الجمال
والدين قبل كل شي
وبعدين مهما كان مافي بنت قبيحه
ومافي حد كامل
والجمال نسبي
يعني هي وانتي ممكن شايفينها بنت عاديه
بس هو الرجال ممكن يشوف فيها شي جميل يجذبه له انتوا ماتعرفوا لاناس اذواق
واحد من جماعتنا خطب بنت بس عشان عندها غمازات حلوه لما تضحك
مع انها البنت ككل عاديه جدا وهو جميل ماشاء الله كثير
وترك كل بنات الجمال اللي قاتلين نفسهم قتل عليه وخطب هالبنت وبس يقول اجم وحده بالكون خلقها ربي
والناس تقول شكله مو صاحي مسحور وشو الجمال اللي يقول عنه فيها عاااديه جدا البنت
وهو يقول ابتسامتها دمار مع هالغمازات هههههههه
ماتعرفي ربنا خلق الناس مختلفين واذواقهم مختلفه
واللي تعتبره عادي ممكن بنظره اجمل من الجمال كله
وبالنهايه الرجال يختلفوا بأذواقهم واحنا حاطين ببالنا ان الجمال يعني طول ورشاه وبياض وشقار شعر وعيون ملونه
بس بالحقيقه ملياااان رجال يحبوا المتان يموتوا بالمتان
ومليااان رجال مايحب المرأه الطويله ويحب الكتكوته الصغيره القصيره
وملياااان رجال يحب المرأه السمره اكثر من البيضا
وملياااان رجال يحب الشعر الأسود احلى من الأشقر عنده
وملياااان رجال بهالدنيا يعتبروا المرأه اللي عيونها لون اسود احلى مليون مره من الملونه
ان (العيون التي في طرفها حور..قتلننا ثم لم يحين قتلانا)
عادي جدا أذواق الناس تختلف والمهم انه هو نفسه راضي ومقتنع
وان يكون عنده شخصيه مش عديم الشخصيه اي كلمه يبدل رأيه ويضعف
وان اهله ماعندهم معارضه وناس طيبين
تتأكد من هالأشياء هاي وتستخير وان شاء الله بيتسهل امرها
معها حق فعلا تقلق ونفسيتها تتعب
لأن فعلا الرجال مالهم امان
بس المهم صدقيني تتأكد من الأمور اللي قلت عليها وبعدها
عااااادي تقدر تخلي قلب الرجال مشغول بها 24 ساعه
بطيبتها واسولبها وحنانها وحسن خلقها ودينها
ماله علاقه بالشكل
موفقه انتي وهي
السلام عليكم
مثلا احنا فعمان معروفين ان الشباب احلى من البنات
اهم شي اخلاقه واذا صدق يحبها م راح يعايرها
وهيه تهتم بنفسها ولا تهمل نفسها
لان الرجال ولو وصل لدرجة الوسامه تظل الانثى احلى
ومختلفه
الله يسعدها ويوفقها
ويحقق اللي فبالي ياااااارب
|
المشاركة الأصلية كتبت بواسطة dr.dentist
 السلام عليكم ورحمة الله وبركاته
مو المهم الرجال صدقيني الرجال عادي تقدر تصرفه بمليون تصريفه وتتعامل معاه بمليون اسلوب تكسب قلبه فيه .. ورح يهمل نقطه المقارنه المشكله انه لو كان 2- لو كان شخصيه زوجها ضعيف ويعطي اذنه لمن ماكان أما لو الرجال .. رجال بمعنى الكلمه وكلمته كلمه عادي جدا أذواق الناس تختلف والمهم انه هو نفسه راضي ومقتنع معها حق فعلا تقلق ونفسيتها تتعب بس المهم صدقيني تتأكد من الأمور اللي قلت عليها وبعدها موفقه انتي وهي السلام عليكم |
الأخت دوما مميزة بالردود قولي لصديقك عليها بالاستخارة و الله المستعان
وياما رجال ما عنده ضرة جمال شايف نفسه وفيه رجال اكتير متزوجين من بنات عادي
توكلي على الله يمكن اخلاقه غير
موفقه