جـرّيـت صـوتـي مــن معـانـاه واحــزان
صــوتٍ يسـلّـي خـاطـري يــوم اجـــرّه
مـانـيـب لامـطــرب ولانــيــب طــربــان
لاشــك هـمّـي فــي ضمـيـري مـقـرّه
اشكي على الله ضيقتي سرّ واعـلان
ضيقـة صـدر زادت علـى القـلـب حــرّه
الله ولاحـــاجـــة تــــــورّدك حـــقـــران
والـعـز اخـيــر مـــن الـوجـيـه الـمـكـرّه
وردت لــــي عــــدٍّ ولانــيــب ظـمـيــان
ولقـيـت بـعـض الـنـاس عـنـده تـشـرّه
واخذت قسمي غصب ماهوب صفطان
غصـبٍ علـى اللّـي شهرتـي ماتسـرّه
انــا جماهـيـري مــن الـجـوف لـعـمـان
ومـن الكـويـت إلـيـا اليـمـن لــو تـمـرّه
مــن لادرى عـنّـي فـلاشــك عـمـيـان
وشـلـون مـاشـاف الـجـدي فالـمـجـرّه
اهــب يـاوجـه الحـسـد كـيـف مـابــان
يضحك معـي عاميـن واخفـى المضـرّه
يبقى الحصان حصان فـي كـل ميـدان
لـــو يـنـهـق الـنـاهـق ثمـانـيـن مــــرّه
منقوووووووووله
صح لساااااااااااااااااااااان شاعرها وصح نبضك
قصيدة في منتهى الروعة
طرحتِ فأبدعتِ يا الغلا
لآ حرمنا هالانتقاء الجميل
ارق التحايا لقلبكـ..~
تسلمين ياالغلا