الحقوني مشكله مع اخت زوجي :( 2024.

انا عندي مشكله مع اخت زوجي وياليت تنصحوني وتدلوني عل حل
اول شي انا متزوجه من 4 سنوات والى الان ماكتب الله لي الاولاد على اني سليمه وزوجي بعد سليم والحمدلله على كل حال
اخت زوجي هي الصغر بنت في العائله وتزوجت بعدي وجابت ولد
طبعا قبل تتزوج كنت ارحمها واعطف عليها لانها وحيده في البيت كنت اذا طلعت اخذها واهديها دائما وهي ماتهديني شي بس قلت علشان زوجي اتحمل
من بعد ماتزوجت تكبرت علي صارت ماتحترمني ولا شي وماتعزمني في بيتها لاتقولون صغيرة لان بنات خواتها واخوانها اصغر منها ويقدروني ويعزموني وهي لا برضو تحملت
طبعا دايم ترمي علي كلمات ترفع ضغطي بس انا اطنش حتى زوجي قال لي احذفيها من البيبي ولا تكلمينها قلت له لا عيب هاذي بحسبه اختي
وتحملت كثير منها …
طبعا انا سافرت وهي جابت ولد ودايم تكلمني توصيني جيبي لولدي بدله وماادري ايش طبعا جبت لولدها بدله و ويوم رجعت وهي رافعه ضغطي بس تحط ولدها عندي وهذا ولدي الشيخ
واذا اجتمعنا تجيب ولدها وتحطه عندي 🙁
المهم في يوم صار بيني وبينها سوا تفاهم في الوات ساب وهي الي كانت غلطانه وراحت تشتكي لزوجي وانا كنت قايله لزوجي وقال لها انا مااقدر احكم مين الغلطان الا لين اشوف المحادثه الي بينكم وقالت له بروح ولدي يصيح ولا رجعت له ووريته انا المحادثه وقال هي الغلطانه وعلى انها هي الغلطانه تعذرت منها وحقرتني ومرة تضايقت وقعدت اتحسب عليها اذا هي ظالمتني وقالي زوجي احذفيها وحذفتها ولاعاد اكلمها وماادري وش اسوي؟؟
وصديقتي قالت لي اكيد اننها غايرة منك لان زوجك مدلعك ومغنيك لانها ماتغيرت الا يوم تزوجت يمكن تقارن حياتها وحياتي
تكفوني قولو لي وش اسوي مرة تعبت وهالشي ماثر على نفسيتي 🙁
جزاكم الله خير ولا تنسوين من حلولكم ودعواتكم

تحياتييييييييييييييي

مشكورين ماقصرتو على الرد

المشاركة الأصلية كتبت بواسطة pakiza لاحول ولا قوة الا بالله العلي العظيم يعني هالمره راح تزعليني منك عن جد .. وتخليني ارمي اللوم عليك بصراحه بالله هذه مشكله؟؟ وكمان عجزتي عن حلها؟؟ ياعمري كل شيء واضح وضوح الشمس .. خلاااااااااااااااااص المهم زوجك عارف كل شيء وعارف التقصير من مين .. حبيبتي .. تجاهليها وابعدي عنها وخلي علاقتكم رسميه .. لا انت بحاجه لعزوماتها ولا بحاجه لبيتها وزياراتها .. خليكي فحالك واهتمي بنفسك وعلاقاتك مع باقي افراد الاسره .. واكسبيهم لصفك بحسن معاملتك ليهم .. والاهم الاهم زوجك ربي لايغير عليكم ويبعد عنكم كل سوء امين يارب تحياتييييييييييييييي

انا مو قصدي العزومه انا قصدي كيف تغيرت علي واحسها تحش فيني عند خواتها الباقيات لان علاقتهم تغيرت معي من بعد مشكلتي معها وانا مااحب احد يزعل او ياخذ بخاطرة مني وحمدلله ماانام الا وانا مافي خاطري على احد لا هي ماقدرت دايم تستفزني وتغايرني انه عندها ولد ماتعطي احد ولدها الا انا وش قصدها مرة باينه حتى اختي لاحظت بدون مااقولها شي كلن عنده اولاد ولا احد سوى زيها هي بتصرفاتها تخليني افكر بالاولاد وانا ماابي افكر موكله امري لله وحمدلله
اذا هي بتصرفاتها تبغى تغيضني فحسبي الله عليها

المشاركة الأصلية كتبت بواسطة ورده الامل مشكورين ماقصرتو على الرد انا مو قصدي العزومه انا قصدي كيف تغيرت علي واحسها تحش فيني عند خواتها الباقيات لان علاقتهم تغيرت معي من بعد مشكلتي معها وانا مااحب احد يزعل او ياخذ بخاطرة مني وحمدلله ماانام الا وانا مافي خاطري على احد لا هي ماقدرت دايم تستفزني وتغايرني انه عندها ولد ماتعطي احد ولدها الا انا وش قصدها مرة باينه حتى اختي لاحظت بدون مااقولها شي كلن عنده اولاد ولا احد سوى زيها هي بتصرفاتها تخليني افكر بالاولاد وانا ماابي افكر موكله امري لله وحمدلله اذا هي بتصرفاتها تبغى تغيضني فحسبي الله عليها

ياعمري انت ولا يهمك
اللي رزقها قادر يرزقك ويعطيك الى ان يرضيك ..انا فهمت قصدك .. ولكن ماعرفت انها بتصرفها هذا قدرت تغير باقي اخواتها منك .. حبيبتي .. انت كوني واثقه من نفسك وحسني علاقتك مع الكل .. واذا شفتي فيه تغير سلبي من ناحيتهم لاتسكتي .. صارحيهم باسلوب لطيف .. كان تقولين .. يافلانه ترى انا ملاحظه عليك متغيره من ناحيتي .. اذا سامعه من احد كلمه صدرت مني وزعلتك ياريت تقوليلي .. هذا افضل اسلوب .. وراح ترتاحين .. اما انك ماتنامين اذا فيه احد زعلان منك فياعمري بهالاسلوب راح تتعبين .. فيه ناس عقولها صغيره وتزعل عمال على بطال .. هذول كيف ترضيهم؟؟ ان شاء الله ناويه تقضين عمرك كله بارضاء الناس؟؟ تتعبين حبيبتي.
اما عن موضوع الطفل .. عندي طريقه حلوه ولكن ماتقدرين عليها الا اذا كنتي مقتنعه بيها .. اذا جابت لك الطفل .. قوليلها باسلوب لطيف وابتسمي وانت تكلميها .. ياختي انا مو حمل الاطفال .. انا الى الان في مرحلة الدلال وتدليل النفس .. لاتخلين ابنك عندي .. لاني ماعندي خبره بالاطفال واخشى ان اقصر بالعنايه بيه .. ربي يحفظلك ابنك ويجعله قرة عين لك ولابوه
وخلااااااااااااااااااص
خلصنا
ادبيها بطريقه غير مباشره

تحياتييييييييييييييييي