بسم الله الرحمن الرحيم
بنات مالي الا الله ثم انتم تكفووووون ساعدوني بقولكم مشكلتي والله العظيم
اني اعيش بهم مايعلم فيه الا رب العالمين
انا متزوجه من اربع سنوات وزوجي يحبني وانا احبه بس فجاء وبدون سابق انذار صارت بينا مشكله
قبل العيد باسبوع او اثنين شراله جوال بلاك بيري
وبعدها تعرف على بنت وصار بينهم سوالف ومكالمات وانا اخذت رقم هذي البنت وكلمتها وهددتها
وهي قالتلي ان زوجك كان يتشكى منك انك مو مريحته وهو مو مرتاح معك وانك ماتجيبي عيال وهالشي مضايقه
وبصراحه انصدمت لانها كانت تتكلم بكل ثقه وزوجي طاح من عيني
كل شي قاله لها
وبعدها صارت مشاكل كثير يعني من العيد لما الحين
وبالعيد كنا عند اهله وكان يكلمها وانا تضايقت وزعلت بعدين صار يتكلم
ويقول انا مو طايقك ومابيك
وابي اتزوج لاني ابي عيال طيب انا وش ذنبي
لا وبعد يقول ابي اتزوج مدرسه او موضفه عشان تساعدني واساعدها
وتو اليوم تهاوشت وياه عشان هالموضوع قلتله اذا بتتزوج طلقني انا مابيك ورفض قالي بتزوج وماراح اطلقك
وقبل شوي يقولي بخليك تسكنين مع اهلي بنفس البيت انا ماني قادر اتحمل اجار ومصاريف وهو يشتغل بمنطقه بعيده عن اهله
الحين انا وش ذنبي كذا يعذبني
هو حاسد اخوه لان زوجته موضفه وساكن بنفس البيت مع اهله بس لها شقه خاصه فيها وانا لو اسكن معهم ماراح يكون لي شقه خاصه فيني لاني اقربلهم من نفس الجماعه بس زوجة اخوه بعيده من برى العائله
والحين انا حالتي النفسيه زفت
ماني قادره اتفاهم معه صار يخوني حتى وهو جالس جنبي والله تعبت
قولولي وش اسوي العيال والرزق مو بيدي ياناس اشلون افهمه
ارجووووكم لاتتركوني ردو علي لو بدعوه ترجع زوجي وتهديه تكفووووووووووون والله تعبانه
ربي يحن قلب زوجج عليج ويسخر لج قلبه ويجعلكي قرة عينه يالغالية
هاااادي وحده لاعبه براسه وماتخاف الله ربي يقلعها
الله المستعان حبيبتي الله إرزقك الذرية الصالحة…إن شاء الله رب إعينك على حل هالمشكلة…إز بد أولاد روح إنت وياه واعملون فحوصات إعملو بالأسباب…الله إسهل عليك أختي في الله ويهدي زوجك
واللامبالاة لا لازم توقفينه عند حده وش ذا قمة قلة الحيا تقولين له بالحرف الواحد انا مابي خاين
ياانا ياهي واللي كلمتك انت تكلم غيرك وكفوك هالاشكال ماتستاهلني وراح اشتكيك على المحكمه وافضحك
عند اهلي واهلك اما انك تقولين طلقني ولما يقول لك لا تسكتين هذا ضعف شخصيه
انا ماابي احرضك عليه بس بصراحه مايستاهلك وش يكلم قدامك وش قلة الحيا ذي
شكلك طيبه واستغل طيبتك
الله يكون في عونك وينصرك عليه ياارب
الله ياخدها وين ما كانت والله قليله حيا وتربايه ,,,
وموضوع الخلفه بيني له انه انتي كمان خاطرك في اولاد مو هو بس ,, وهالموضوع عند الله مو عندك,,
الله يهديه ويرجعلك اياه ويبعد الشيطان عنكم ,,,