السلام عليكم ورحمة الله وبركاته
بسم الله الرحمن الرحيم….
الحماي والكنة…. الحماي والصهر….
علاقة قديمة ومتوارثة تحكمها العادات والتقاليد في مجتمعنا..
فكثيرا ماسمعنا عن مشاحنات ومشاكل تنشأ عن هذه العلاقة وفي بعض الأحيان قد تتطور هذه المشاكل لتتسبب في انهيار الأسرة…
ففي بداية علاقة الخطبة…
تبدا الأم تزن في رأس ابنتها ماورثته عن أمها من اقاويل و أمثلة عن الحماوات وتبدأ بتحذيرها من حماتها وعلى قولة:
(
(بنتي تقبري قلب أمك يارب ديري بالك من حماتك ولاتخليها تتدخل بينك وبين جوزك..من أولتها ها والله بكرا بتخرب بيتكون..)
(بنتي هدول بيت أحمى مالهون غير بالنقد واللعي ديري بالك ها..)
ومن هالحكي…
بتلاقي البنت مابتوصل لليلة العرس إلا صار بعقلها مفهوم كامل عن علاقتها المستقبلية بحماتها
وطبعا ماننسى تأثير المجتمع وحكي الرفق والمسلسلات وغيروا…
وهيك بتبلش المشاكل..
وبتنسى البنت ا ان هي اللي عم تعمل مشاكل معها هي أمه للشخص اللي هي متجوزته يعني هي سبب وجوده..
وبتنسى الأم انو هي بيوم من الايام رح تصير حماي…
ونفس الشي بالنسبة للحماوات..
من أول مابيخطب الولد.. بتبلش حكي ونقد وعلى خطيبتك هيك عملت وخطيبتك هيك حكيت
يوه والله ماكنت مفكرتها هيك…
وهلم جرا………
لك ياجماعة صار إذا لقيت وحدة بتحب حماتها أو حماي بتدلل كنتها شغلي عجيبة…
أنا حابي أعرف ما هو رايكم بها الموضوع…
يعني الأعضاء المتزوجين كيف علاقاتكم مع بيت الحماي بوجه عام ومع الحماي بشكل خاص,..
ولغير المتزوجين كيف تتصورون علاقاتكم ستكون في يوم من الأيام……….ان شاء الله نسمع اراء حلوة واسباب منطقية….
تحيتي وودي لكم
نيفين الشام
بالصراحه الحمد لله في عائلتي عموما مافي
حماة ماتحب زوجة ولدها أو العكس…
كلهم متفاهمين يعني أحيانا في اختلافات في الرأي
بسبب اختلاف البيئات … بس في النادر تلقين حماة وكنتها مايحبون بعض…
أنا حاليا زوجه مع وقف التنفيذ…هههههههههه
يعني مملكة بس حماتي طيبه والحمد لله..
مشكورة على الموضوع الرائع…
|
المشاركة الأصلية كتبت بواسطة نووودي
 والله موضوعك حلو
بالصراحه الحمد لله في عائلتي عموما مافي أنا حاليا زوجه مع وقف التنفيذ…هههههههههه مشكورة على الموضوع الرائع…
|
سلمتي على هذا الرد
تحيتي وودي لكِ
احنا بمجتمعنا الاردني او بالاخص بالمجتمع اللي انا عايشة فيه صرت احس انو هاد الشي صار من الماضي
لانو بصراحة خليني اقولك بزمننا هاد ما عاد فيه حموات ولا كنات >>> جمع كنة ههههه
يعني كل وحدة هلأ عايشة ببيت مستقل عن بيت حماتها ويمكن ما بيشوفو بعض الا بالمناسبات
طبعا انا ما بنفي انو في بعض المجتمعات لسا الصراع بين الكنة والحماي قائم في بعض المجتمعات
واكتر شي بلاحظو في المسلسلات العربية
انا لساتني صغيرة ومش متزوجة بس بتوقع مستقبلا ان شاء الله انو ما يكون بيني وبين حماتي اي شي وبتوقع تكون العلاقة طبيعية بإذن الله
ومشكورة حبيبتي نيفين مرة تانية
n_n
انا وحماتي جيران اذا مرضت تلاقيني جنبها وانا بصراحه ماانسى جمايلها عليا كم مرة صارت ليا مشاكل صحيه وولله ماتقصر الله يخليها لنا وكمان اخواته لزوجي بيجننوا جدا حبوبين ………الله يديم المحبه
اشكرك على هذا الموضوع
على فكرة اي زوجه تريد ان تكسب محبة زوجها ..تحب اهله او اقلها تتجنب المشاكل معاهم
مرة صارت لي مشكله مع اخته بصراحه كان الحل مانتكلم لمده بسيطه بس بيننا السسلام لكن ماقدرنا على هذا البعد ولا عاد كررناها
وكانو بيحبوني كتير وانا كمان احبهم وهم عايشين في بلد اوربي وكبروا هناك
واتكلم معاهم في بعض المرات على النت
والله اول مرة لما كلمت اخت زوجي فرت الدمعة من عينينا لما شفتها وشافتني
|
المشاركة الأصلية كتبت بواسطة أحلى بنوتة
مشكورة حبيبتي نيفين الشام على الطرح الموفق
احنا بمجتمعنا الاردني او بالاخص بالمجتمع اللي انا عايشة فيه صرت احس انو هاد الشي صار من الماضي لانو بصراحة خليني اقولك بزمننا هاد ما عاد فيه حموات ولا كنات >>> جمع كنة ههههه يعني كل وحدة هلأ عايشة ببيت مستقل عن بيت حماتها ويمكن ما بيشوفو بعض الا بالمناسبات طبعا انا ما بنفي انو في بعض المجتمعات لسا الصراع بين الكنة والحماي قائم في بعض المجتمعات واكتر شي بلاحظو في المسلسلات العربية انا لساتني صغيرة ومش متزوجة بس بتوقع مستقبلا ان شاء الله انو ما يكون بيني وبين حماتي اي شي وبتوقع تكون العلاقة طبيعية بإذن الله ومشكورة حبيبتي نيفين مرة تانية n_n |
والله سعدت بكلامك يا صغيرتي
اتمنى لك زواج سعيد مع زوج المستقبل وبيت احما رائعيين
بارك الله فيك