بسم الله الرحمن الرحيم
السلام عليكم ورحمة الله وبركاته
اخواتي المسلمات .. موضوعي اليوم يمكن يكون شوي طويل لكن اتمنى انك اختي المسلمة ما تتتكاسلين و تقرئينه …و هذه هي البداية ..
و عنوان الموضوع هو ~*~ الموت ~*~ ..
الصراحه بنات في موضوع هذه اليومين كله في بالي و هو الموت … الصراحه شنو راح يكون شعوركم اذا قرب اجلكم و ملك الموت جدامكم ..؟؟ يسألكم عن كل شي سويته في حياتكم سواء عشتم 20 او 30 او 40 سنه ؟؟؟ و الصراحه الموت لا يعرف لا كبير و لا صغير … صديقتي المقربة لي زميلتها بالسفر معاهم توفت و عمرها 17 سنه ..:( انا فكرت في هذه اللحظه .. لو كنت انا بدالها … بنت في شباب و مقتبل العمر .. القى حتفي و اموت .. شنو راح يكون شعوري ؟؟؟!! شنو راح يكون شعوري و انا مو مستعده للآخره ..!!! مو مستعده للمكان الي راح اعيش فيه طووووووووووول عمري و مهما حييت ؟؟ يمكن اكون و الله لا يقول في النار .. و يمكن اكون و ان شاء الله في الجنه ؟؟ و المشكلة الكبيرة هي ان لمن الإنسان يموت خلااااص ماكو رجعه للدنيا … ماكو رجعه عشان الإنسان يصلح اخطاءة و يعدل مليـــــــــون ذبن عمله …:( كل هذا شي يعور القلب .. شنو شعوري لو يكون ملك الموت امامي و يحدثني عن آخر شي سويته في حياتي اما يكون زين او اما يكون شين ..؟؟ و الصراحه في ناس اعرفهم يقولون مادام احنا نصلي و نصوم و نزكي راح اندخل الجنه ان شاء الله … بس تدرون ان هذا كله ماراح يكفي ,,؟؟ تدرون ان في واجبات اخرى لازم نعملها و من أهمها عدم سماع الأغاني و عدم الغيبة و اللبس المحتشم … ترا قليل في هذا الزمان تشوفون وحده تلبس الحجاب او العباية ,,, الحين كله البنات يلبسون الشيله او الملفع .. 🙁 ليش ليش ؟؟؟ او الي تلاقونهم مو متحجبات .. والله يا بنات وايد قاعده افكر في هذا الموضوع … شنو شعوري راح يكون لمن يقرب اجلي و ماكو فايده من اي شي سويته في وقتي الضايع …؟؟ ضميري يأنبني بشكل كبير ,, احس ان الدنيا صاكه فيني والله يا بنات ترا الحياة قصيرة .. وايد قصيرة و المشكلة الكبيرة ان ولا وحده فينا راح تعرف متى راح تموت .. و الله يطول في اعمارنا كلنا بس هذه هي حقيقة الحياة المره … الموت و مثل ما يقولون (( من المهد الى اللحد )) و كلنا راح نكون في اللحد نفس ما كنا في المهد …:( والله يا بنات خلا نلحق على انفسنا … ترا الحياة قصيرة و ماكو وقت و إذا فات الفوت ما ينفع الصوت لو شنو نسوي ….
و آسفه يا بنات لأني طولت عليكم لكن اتمنى ان الكل قرا الموضوع بشكل كامل و اتمنى ان في احد استفاد من كلامي او أثر فيه لو شي بسيط ….:(
و في آخر كلامي اقول ان شاء الله الله يهدينا و يثبت قلوبنا على دينه و يهدينا للتوبة النصوح … (( والله يهدي من يشاء )) …
و انا بانتظار ردودكم و تعليقاتكم … 🙁
شكرا لك الله يهدينا ويهدي الجميع تسلمين وماقصرتي عزيزتي
وموضوع مفيد وحلو
وبانتظار مواضيعك الحلوه
لازم نتذكر الموت بكل لحظة مشان لا ننغمس بخيرات الدنيا
اللهم نسألك حسن الخاتمة وأن توسع علينا ضيق قبورنا
