السلام عليكم يابنات كيفكم
انا عندي مشكله مخليتني رح جن
هي ابني عمره 3سنوات ونصف وكلامه مو مفهوم
يعني يتكلم بس كلمات مفهومه والباقي وكأنو بيتكلم لغه اجنبيه ومو مفهومه
مجرد احرف بيسردها ورا بعض
يعني لسانه مو تقيل او بتأتأ
بالعكس سريع جدا بس الكلمات مو مفهومه بالمره
وعرضته على دكتور من سنه تقريبا وقلي
ماعندو مشكله ابدا بس بدو حد يكلمه كتير كتير
ونحن بغربه يعني مابيتواصل مع الاطفال التانيين ابدا بس عالتلفزيون وخاصه البرامج يلي فيها بس موسيقا يعني برامج اطفال متل توم وجيري وشن ذا شيب
ومأرقني كتير هالموضوع
بليز اذا عندها وحده منكن اي فكره ماتبخل علي
لاني رح طق وقت بشوف الاطفال اصغر منه وكلامهم مفهوم جدا
ياريت تستعجلولي بالردود 
عادي حبيتي انتي من وين ؟؟؟اصلا
انا ابني كان كلامو عادي لا سيء ولا منطلق وانا موبغربة بس ما عنا صحاب عندهم اطفال بعمرو
بس انا عندي لك الحل بإذن الله لا تفتحيلو على هاي القنوات و البرامج(المخدرة )التي لا تحمل اي فائدة خاصة هادا توم وجيري (المهدي)ابني اول اكم من حلقة منه يا غافل إلك الله ما لقيتو الا وهو جاي وحامل المقلى وبدو يضربني فيها مزح !!!!!!!!!!!!!
انصحك وبشدة بقناة براعم (الجزيرة)والجزيرة للاطفال اكثر من رائعة
تنمي عند الطفل المهارات اللغوية العربية الفصحى بالدرجة الاولى وتوسع مداركه بطريقه عالية وتعليمية ايضا
ولو يقعد بالساعات عليها ما في خوف بحكم وضعك واظن ما بتقدري تطلعي كتير
انا ابني صار يكلمني فصحى انا وزوجي حتى انو الناس بفكروا انو احنا بنعلموا الفصحى بالبيت وحتى انو تعلم العد والاحرف منها
موفقة يا روحي وطمنيني
ويا جماعة لا تطنشوها ردوا حراااااااااااااام
والله يخليلك ابنك المهدي بس ابني لسه لهلأ ماوصل لدرجه المقلايه هههههههههه
بس انشاالله بصير يتعلم العد والاحرف
انا من سوريه وساكنه بالسعوديه
تشرفنا
انا فلسطينية من الاردن ماما سورية
بس يابنات ليش ولا وحده ترد علي بليز اعطوني نصايح
في ولاد بتتأخر بالحكي انا ابني لبعد 3سنين لبلش يحكي كم كلمة
خصوصا يلي بيعيشو بالغربة
طمنينا عنو و لا ينشغل بالك
وان شاء الله بصير يحكي حتى يتصدع راسك