افتراضي الرومانسيه تفرض نفسها لكن بطريقه مضحكه؟!
السلام عليكم ورحمة الله وبركاته
هذي بعض المواقف إللي صارت لاخواننا وأخواتنا في الله في اول الزواج وجيتبه لكم حاب افرفشكم وطولت لكم فيها اشوي عشانكم , وخليتها لكم في 16موقف , أترككم معاها ……………
أولا
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي منيو.. وسألها وش تبين؟ قالت مثلك ابغى منيو.. زوجها تسدح من الضحك وهي تقول احسبها وجبه او طبق معين
=============
ثانياً
وحده كان الخجل ذابحها تقول زوجها كان كل يوم يجيب بهالاكل في الفندق وهي البنت مسويه ما تشتهي وما تحب ومن هالكلام وما غير تناظر فيه وهو يلهط بالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدى قالت لا كل انت بالعافيه انا ما اشتهي وهي مييييييته جوع وشبع الرجال ودق الباب ذاك الوقت المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانه ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااااااااخر وقال لها ها اشوفك منتي مشتهيه
وهي خلاص دوروها مسكينه ما تلقونها
=============
ثالثاً
في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه
=============
رابعاً
وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ
=============
خامساً
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار قالي زوجي تبين اساعدك بالاختيار
قلت ليش طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك ويوم جابوا الطلب هو مكرونه وحركات وانا وجبة أطفال !!
=============
سادساً
فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الخجل الزايد …ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار
=============
سابعاً
بقولكم اليوم عن وحده اول ايام زواجها تقول كنا طالعين واحتجت الحمام مرررررررررره بس مستحيه اقوله وهو شكله ماعنده نيه يروح لمكان فيه حمامات المهم تقول عجزت اتحمل وجلست افكر باسلوب حلو ما يخرب برستيجي عنده قلت خلاص بقوله ابغى دورة المياه احسن من كلمة الحمام
تقول وانا ميته من الفشله قلت ابغى اروح لدورة الحمام مادريت الا الرجال يضحك ويقول يا عيني على الاتيكيت
=============
ثامناً
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!
=============
تاسعا
هذا الموقف كان مذكورا بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها عمى ما تشوفين…!!!
=============
عاشرا :حركه حلوه
عريس توووه أخذ عروسته من أهلها وموديها للبيت
(طبعا كان الوقت متأخر والشوارع تقريبا فاضيه في حارتهم )
قال العريس : وش رايك اوريك حركه حلوه ؟
(قصده يفحط , !! )
قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ……………………. …….
ولا صحت إلا بالمستشفى , وقضوا أجمل شهر عسل على الاسره البيضاء
=============
إحدى عشر : أحفظ زين
عريس دخل على عروسته وحط يده على جبهتها !!!!!!!! وبعدين سكت
ويفكر ويفكر ويحاول الأخ يتذكر الدعاء , يدورمن هنا وإلا هناك ولا لقاه
واخر شيء قال " الحمدلله الذي سخر لنا هذا وماكنا له مقرنين"
العروس ما استحملت الموقف انفجرت من الضحك !!!
(معذوره وش ذااااااا الأخ بيركب سيارة !!! )
=============
ثاني عشر : جدول الضرب
عرسان يسولفون لليلة العرس (مكبرين المجلس ) , ومافيه موضوع إلا وتكلمو
عنه (طبعا هذا أول يوم والسوالف الحلوة ) ووصلو لموضوع جدول
الضرب ( أنا مدري وش اللي وصلهم له!! يبدو انه مدرس رياضيات)
قالت العروسه : تصدق حتى الآن ما حفظته .
قال : ولا يهمك وجاب ورقه وقلم وجلس يعلمها
3 في5 = 15 قولي وراي ……………………. . (قلبها حصة)
=============
ثالث عشر : مزحة قاتله
عروسين يموتون ببعض (ماصدقو انهم أتزوجو) , حبت العروس تمزح
مع زوجها صباحيه العرس حطت المسدس على صدره على بالها تقومه
بأسلوب آخر , ومن غير قصد منها انطلقت الرصاصة
اللي في المسدس (وطبعا العريس إلى رحمة بارئه) , صدمت البنت كيف
تقتل حبيبها وزوجها وحياتها وأصر أهل الولد أن تقتل البنت مثله( لكن
البنت مازعلت من تصرف الأهل على العكس فرحت أنها بتروح معه )
( وتم دفنهم جنب بعض )
=============
رابع عشر : القعده المحترمه
أخذ العريس عروسته واتجه إلى بيت أهله ( عشانه يسكن معهم) لكن
فوجئ انه كل أبواب البيت الداخلية مقفلة , وجلس بالحديقة هو وزوجته حاول الولد يدخل
للبيت باي شكل لكن مافيه فايده , ولا عنده تلفون عشان يكلم ولا يقدر
يروح ويترك زوجته لوحدها بالحديقة , ولا يقدر يروح لفندق لانه مامعه
أي إثباتات , ولا معه سياره أخوه وصلهم وراح لهذا اضطر يقعد قعده محترمة
لحد الفجر لين ما رجعو أهله !!
=============
خامس عشر :
فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول – من الزواج وحين نهض الزوج من وجبة الغداء لغسل يديه مــدت الفتاة رجلها – كالعادة – فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا
سته عشر : شيبس بنكهة البصل….
لما جاء زوجي ليراني في يوم الخطبة.. طلب أبي
مني أن أدخل عندة فرفضت بشدة .. لقد كنت مستحية وخايفة.. فأصر
فلأضطررت أعلل سبب رفضي قلت :< أنا توني ماكلة شيبس بنكهة البصل >>….قال أبي
بغضب: <ليش وش ناوية تسوين >>…ومت من الخجل….
=============
اذا اعجبكم الموضوع اوعدكم بالمزد من المواقف بس ابي تشجيع
ويــــــــــــــــــــــــــــــــــــــــــــــــ ـــــــــــــــــــــــــــــــن تفاعلكم
مسااااكين
الله يعطيكي العااافيه
دمتي بحفظ الرحمن ورعاايته
موقف دعاء السفر والموقف الاخير قلك اكله بصل؟ههاي
انتظر المزيد والا أزعل منك
بصراحة ربنا موضوع جميل جدا" أضحكنا ووسع صدورنا كثير
أنا شخصيا" في أول زواجي كنا ماشين بالسيارة جنب البحر وكان فيه بط أو وز المهم ماأشوف إلا زوجي الله يهديه نزل وجابهم بالسيارة بالمقعدة الخلفية وأنا ماأحب الطيور وأخاف منها ومن كثر الخوف جلست أبكي وصيحت وفكيت باب السيارة وهي ماشية بأشرد منهم من كثر الخوف وبعدين نزل الله يحفظه ويخليه ونزلهم من السيارة ومسكني من ايديني وضمني وقال لي وش هالدلع وسلامتكم.
سامحونا عالإطالة.
المزيد بليز