السلام عليكم
ماعرف شلون ومنين ابدي بس من بعد املي بالله وبيكم حابه اطرح هذا الموضوع هنا عسى ولعل احد يكدر يساعدني هنا او احد مر عليه هاي الحاله
انا من يوم كنت صغيره احس اني مو مرتاحه نفسيا
ويوم كبرت وهسه عمري 27 لحد هسه مامتزوجه عقدتي هي الزواج
اني انسانه حمدالله مدينه لكن محد اجي على مرامه
كل مااحد يقدملي ماتصير تطلع اصغر واتفهه الاسباب ومتصير الخطوبه
اصلا اني ماوصلت لمرحله الخطوبه فقط التقدم للزواج
وهسه بهذا العمر مليت كل الي في عمري على الاقل عدهم طفلين بس اني لا
حمدالله على كل حال
الي مصبرني اني كل ما يروح شخص او ارفض شخص يطلع مو زين ( مو شخص صالح)
ولذلك ارتاح اكول احسن لكن الى متى.؟
احس احد مسويلي عمل !!
لان مو مرتاحه وابجي دائما بس ماعرف شلون اتاكد؟
ابن عمي واحد من الناس يريدني لكن اني رافضه لانه اكبر مني بالعمر و عصبي وعنده اشياء هوايه تخليني ارفضه لكن احسه هو الي حاط عينه عليه لذلك مو كاعده تمشي اموري
هسه اريد اعرف كيف اعرف اذا اني منفوسه او لا؟ 
ياربت احد يساعدني
ومشكورات يا حلوات
وصلى فى الثلث الاخير من الليل واطلبى من المولى عزوجل ان يرزقك بالزوج الصالح
اتمنى اكون افادتك
وربى يرزقك وكل بنات المسلمين بالزوج الصالح
سمعي أختي احسن حل لج الرقية الشرعية واذا حسيتي بأعراض غريبة روحي لشيخ والله يتمم لج ع خيير ويحقق الي في بالج يارب
عمك يشوفك واقرأي على نفسك واستغفري كثير وصدقيني امورك بتنحل
بس انتي قربي من ربي لأجلو مو لأجل دنيا وحياتك رح تسير مزبوطه
ان شاءالله ودايما افتكري انو الفايز هوا اللي ينادو اسمو ف الاخير..
ف لما تستني شويه مو يعني انو نصببك مو ماشي بس ربي مخبيلك
مفاجأه تحتاج شوية صبر وتفائل وربنا قال انا عند ظن عبدي بي يعني
لما تفكري بأشياء سلبيه كانت او ايجابيه ف النهايا ما حيسير الا اللي
انتي متوقعتو ف ثقي ب ربي ودايما اتوكلي عليه وقولي يارب
وماخاب مين قال يارب:* الله يرزقك الزوج الصالح عاجلا غير آجل
الله يوفقكم ويسعدكم وان شاء الله ربي يسهلي اني هم
بالنسبه للرقيه اني دائما اسويها و اريد اروح للشيخ
يقره عليه وان شاء الله خير