بسم الله الرحمن الرحيم
هذه القصة واقعية صارت في ليبيا
ايام الحرب في ليبيا في وحدة متزوجة وعندها حتي اطفال المسكينة قاعدة في بيتها وخايفة من اصوات المدافع المهم في اليوم الثاني تحررت المنطقة اللي هيا ساكنة فيها المهم بعد التحرير يبدآ التفتيش في المنازل اللي داخل المنطقة المهم دخلو اولاد الحرام علي البيت وكان زوجها قاعد قامو مسكوه وربطوه وهما كانو مجموعة ومسكوا زوجته واغتصبوها امام عيونه بعد ما خلصو عملتهم راحو وتركوها المهم الزوج جن جنانه ومعاه حق المسكين بعدها بيومين راحو لامين اغراضهم ومسافرين علي تونس علي شان يغيرو جو المهم في تونس عرفت انها حامل طبعاً مو معروف من زوجها وإلا من المغتصبين المهم زوجها استقبل الامر بكل هدوء وثاني يوم راح هو واياها للدكتورة ونزلو البيبي وقعد يعالج فيها نفسياً عند دكتور نفسي في تونس وصبر المسكين لين ماتعالجت نهائياً وتمت علاجها واخذ هذا كله قرابت الشهرين ورجعوا علي ليبيا اول ماوصلوا لليبيا راح بيها علي بيت اهلها وحطها هناك وكانت الزوجة المسكينة طول الطريق مستغربة يعني بعد اللي عمله معاها كله فكرت انه نسي الموضوع وتعايش معاه المهم لما وصاو بيت اهلها قاللها يابنت الناس سامحيني اني ما نقدرش نعيش معاك واني كل مانقرب منك نتذكر الموقف اللي صار ورقتك توصلك لي عندك ونزلت الزوجة لبيت اهلها وهيا مستغربة جداً من اللي حصل وبعدها بكم يوم بعث ورقة الطلاق
ارجو ان اكون ماطولت عليكم اتمني القصة عجبتكم استني ردودكم لآن القصة من مجهودي الخااص وابي كل وحدة تكتب شن رايها في تصرف الزوج
حتي ولو دعوة عن ضهر الغيب
شكرا على مجهودك اختي
يسسلموا قصة رائعة وتصرف زوج ازعجني لانه مو من حقه يطلقها
مشكورة حبيبتي عالمجهود الرائع