كلااااام من الاخر
الطفل اللي عنده سخونيه دلوقت
الام مطلوب منها
تقلع البييي ملابسه
تغسل النصف السفلي مره واتنين و تلاته و
لو كانت الحراره عاليه جدا
الطفل يستحمي بماء فاتر مائل للبروده
لمده خمس دقائق
وتتكرر عند اللزوم مره واتنين وتلاته
محدش يقولي ابني عمره شهر و مينفعش وحرام
محدش يقول الجو برد
محدش يقول انا خايف ييجي للطفل برد او نزله معويه او التهابات علي الصدر
محدش يقول مجبش ميه علي راسه اصلي خايفه علي مخه
محدش يقول هدي الطفل لبوسه و استني الحراره تنزل
محدش يقولي ادي الطفل حقنه سخونيه او مضاد حيوي
الحراره لازم تنزل
حموم و شاور اول مرتين
و الكمادات بعدها تشتغل حتي لو طول الليل
الكمادات
الحد الادني عند الرقبه و تحت الابط و تحت السره لحاد الفخذين
و اللي عاوز يعمل اكتر مفيش مشكله
اقل من كدا يبقي احنا بنقصر و بنعمل شغل ناقص مع الطفل
الحراره مش مهم نعرف السبب ايه دلوقت
المهم عندنا نار ولازم نطفيها
شرب الماء ضروري
و محلول الجفاف احسن
وممكن العصائر
المهم منبطلش نعطي للطفل اي سوائل
لان الحراره ممكن تتسبب في جفاف
مقبول ان الطفل يتقيء يعني يرجع مرتين مش مشكله
او يعمل حمام بول او براز كتير
المهم ياخد اللي يعوضه
الاكل عادي بس بكميات قليله ومفيش ولا اي حاااااجه ممنوعه
بنحس الحراره من تحت الباط او عند البطن بالايد
او بالترمومتر دا للي حابب يطمن لكن انا بحس الحراره باطراف اصابعي
اللصقه بتاعه الحراره ممكن تتحط لكن بعد عمل الكمادات بالماء
الخل او الكحول كمادات تحصيل حاصل
خوافض الحراره مينفعش تتاخد الا بعد الكمادات اما تتعمل و الحراره تنزل
قبل كدا غير مستحب لان ساعات كتيره متجبش فايده لاننا مستخدمناش الخوافض صح
الحراره
بعرفها في وقت الليل لما الاقي الطفل
ابتدا يتنفس بطريقه مش متنظمه
او ابتدا يرتعش
او يعمل اصوات اثناء التنفس
متأخرش في عمل الكمادات
و مزهقش
و اصبر
و اكررها للصبح
وشرب الماء
الحموم
و تقليل الملابس وبلاش ال٦ قطع و الاصواف اللي بنشوفها دلوقت
ربنا يستر
انا قولت الحد الادني
اللي عاوز يعمل اكتر
مفيش مشكله لكن يعمل اللي قولته الاول
وناخد بالنا
ان الحراره ممكن تعمل تشنجات لو مخدماش بالنا او كانت حراره داخليه ودي مشكله اصعب بكتير من نزله البرد او الاسهال اللي ممكن تعمله الكمادات
ربنا يحفظ اولادنا كلهم يارب
نسيت اقول
الباراسيتامول امان من عمر يوم
البروفين ميتاخدش اقل من ٤ شهور
الدولفين ميتاخدش اقل من ٦ شهور
الكتافلاي ميتاخدش اقل من سنه
الاسبرين ميتاخدش اقل من ٦ سنوات
بلاش حقن الفولتارين لتنزيل الحراره لانها غير مستحبه
بلاااااااش النوفالجين نهائي
وبلاش السوليد البرشام ف الاطفال
المضادات الحيويه غير مستحبه حتي لو الحراره عاليه لان اغلبها فيروسيه
اي شويه حراره او برد بيكون معاها احتقان في الزور ودا مش سبب لان الطفل ياخد مضاد حيوي
اي حراره اقل من سنتين نعمل للطفل تحليل بول
اي حراره اكتر من ٥ ايام نعمل تحليل تيفود
اي حراره في طفل من ٥ الي ١٥ سنه نعمل صوره دم وسرعه ترسيب و نسبه ميكروب سبحي
للعلم
اي سخونيه بيكون مصاحب ليها وجع في البطن و الام في الجسم
بلااااش حقن عمال علي بطال او من دماغنا
اي حراره ان شاء الله اخرها ٣ ايام
الصبر و الكمادات و السوائل هم العلاج
الحراره بعد ٣٨ ونص
الطفل اطرافه بتكون ساقعه و بيرتعش
ف رجااااء بلاش نغطي الطفل ونقول الطفل بيرتعش ف نغطيه
ابدا
حراره يبقي لازم نعمل كمادات
ارجو معلوماتي تكون وصلت للناس
_______________
ينقل الموضوع لقسم صحة طفلك
