بسم الله الرحمن الرحيم
السلام عليكم ….
لم اود ان تكون مصافحتي الاولى بعرض مشكلتي ولكن قدر الله وماشاء فعل …
حقيقه لم اخطط سابقاّ بمااريد كتابته ,,
فلذلك سأترك أناي تعبر عن مابداخلي
فأعذروني ان لم تكن هناك مشكله واضحه …
ليس بالبعيد تزوجت …
والحمدلله اعيش مرتاحه نوعا ما ..
ولكن مادار فالخطبه ليس ع ارض واقعي
قالوا بانه سيتوظف وبانه سيدرس خارج المملكه ووووووو..!!
وليس من هذا اي شي صحيح
بدايتاّ
كل انثى تحتاج لرجل يسندها …ولكن زوجي يحتاجني لأسنده
كل انثى تحتاج لرجل يقودها … ولكن زوجي يحتاجني لأقوده
حقيقه لااعرف كيف اعبر صمته هل هو خجل او مرض..!!
بيتوتي …. حياته افلام وكوره … اذا صادف احد من اخواني او اي احد
يحك عيونه مثل الطفل … رخو في كل شي ان كان مشيته والا مسكه لشي ما ..
تغلب ع تصرفاته تصرفات الاطفال ..
حتى لما ياخذ شاور يطلع يتراجف مثل الاطفال
اذا جلسنا مع اهله ماتسمعون نفس له … اقوله اضحك سولف قول اي شي … يسكت ماايرد …
بداية زواجنا حصل خلاف بسيط بيننا جلس يبكي عندي مثل الطفل ..
اسأله شفيك …قول صارحني … قال بعد معاناه انا احس اني حزين ..!!
طيب ليش .. ماجاوبني … بس مع الايام كني بديت افهم انو عايش بنقص غير عن اخوانه …
يعني هم من عائله شبعانه والحمدلله … كل اخوانه يجيهم مصروف شهري 4000 ريال مثلنا ….
بس هم لا خلصت فلوسهم رجعوا طلبوا ..هو لأ …
هم يغيرون سياراتهم … هو لأ …
كل واحد فيهم جالس يبني بيت .. او فاتحله مشروع هو ..لأ…
… تعبت وانا اقوله لازم تتقرب من ابوك ترى محد بينفعنا بعد الله غيره
يرفض هالفكره ..
اوقات اقوله روح اجلس عند ابوك بالمجلس دايم يجتمعون عنده رجال يقول كان يقول ابوي انقلع جوا تبيني اروح الحين ..!!
جلست مع امه … قلتلها الولد فيه شي يحس بخوف .. يحس بحزن ..
يحس انكم تعاملونه معامله غير اخوانه .. قالت بالعكس هو اللي مدللينه اكثر ..
عرضت عليها انهم يفتحوله مشروع صغير بتخصصه ..
بس لا حياة لمن تنادي ….
غير كذا هو جالسلي فالبيت لايطلع يقدم ولايحزنون كل تقديمه عالنت ..
وكمانا صار يقولي لاتطلبين كثير ….
جاوبته بكل صراحه … لما كنت عند اهلي مصروفي شهريا 1500
وانت لازم ماتحسسني بنقص …
يعني من فتره صرف علي 400 ريال جلس يحاسبني ليش هذا ماله داعي .. وليش جبتي ذا ماله داعي …
طبعا قلبتها زعل … وراضاني وقال خلاص اهم شي تكوني مبسوطه
هو حلو شين …. يعني ابد مايزعلني .. بس بعد احس اني عايشه مع طفل …
ادري مو حلو الوحده تطلع عيوب زوجها بس كل مافيه يخليني احس
اني متزوجه طفل .. او شخص عنده رهاب اجتماعي …
يعني بحياته ماقال لامه انو مومقصره معه .. اوقات تقوله زوجتك نايمه وانت ياحسره ماتاكل
تيب رد قولها اسالتني وانا قلت مابي شي ..
قول انو انا ارجع من جامعتي تعبانه ولي حق ارتاح ..
ابدا ابدا مايقولها شي وانا احس بالطريقه هذي بيخليهم يحكوا فيني ..
بعدين الحمدلله 24 ساعه الشغاله تطبخ ابد مو تاركتلي مجال ..
والبيت صعب ابدل واغير فيه يمكن مايرضيهم هالشي …
وكمانا برغم انهم بطرانين الا انهم بخيلين ع انفسهم
يعني المطبخ في ادوات لازم تكون موجوده ابد موموجوده عندهم
وشغلات كثيره ناقصه .. وانا والله مابيدي مصروف عشان اجيب واحط
.. ابي انزع صمته .. ابي اعرف شاللي فيه بالضبط
وش منه يعاني …
قسم متزوجه وكني مو متزوجه … يااكون طالعه عند اهلي ياصديقاتي
واذا جلست عنده قابل النت والا البلاي ستيشن واذا جلسنا مع اهله قابل التي في وهاتك مبارايات
تعب وانا اسولف الين صرت اسكت وصار يستغرب صمتي ..
بديت اتنرفز منه ….
ولا اخفيكم سراّ … حتى بالفراش مايعرف شي …
يعني هو اعترف انه مو قادر .. يعني مره كل يومين او 3 .. وهذا احنا بالبدايه ..تيب ليش ؟؟ كمانا مااعرف
لكن اوقات يكون عنده سرعة قذف واوقات ماايقدر يقذف ..!!
وانا احس ان هالشغله نفسيه ….
ادري سوالفي واجد بس بالمختصر ابي شي يساعدني ع تغيير حياته وحياتي
ابي احس لما امشي بجنبه امشي مع رجال مو واحد اجلس اسحبه يمين ويسار …وكني ادله بالطريق ..
ابي لاجلس فمجلس الكل يحسبله حساب مو سكتم بكتم
قسم بالله احرجني طفل من جماعتنا11عمره سنه .. قال زوجك
يسلم بطرف اصابعه وكنه متقفرف ..
وكمان اخوي الكبير احرجني قال زوجك يسلم بطرف يده الين سحبتها وقلتله يافلان سلم مثل الرجال …
دايم اخذه عند اهلي ابيه يجلس ياخذ ويعطي ابد الولد من يجلس لحد مايقوم وهو ساكت وان تكلم قال جمله غبيه مالها معنى
الحين مشكلتي ..
بصمت زوجي وش سببه
كيف اخليه يكسب ابوه
كيف اقنعهم يفتحون له مشروع ع قده..
تألمت كثيرا مما طرحت
على كل صاحبة مشكله ان تأتي وتقرأ مشكلتك عسى ان تحمد الله على مااعطاها
الرهاب الاجتماعي مرض وحاله نفسيه صعبه
وهذه معلومات مختصره جدا عسى ان تفيدك بشيء
***************************
الرهاب الاجتماعي هو اضطراب ونوع من المخاوف غير المبررة تظهر عند قيام الشخص بالحديث أو عمل شيء أمام مجموعة من الناس، مثل المناسبات أو قاعات الدرس أو التقدم للإمامة في الصلاة وفي المواقف التي يشعر فيها الشخص أنه تحت المجهر وأن الكل ينظر إليه، فيخاف أن يظهر عليه الخجل أو الخوف أو أن يخطيء أو يتلعثم مما يؤدي به للارتجاف والخفقان وضيق التنفس وجفاف الحلق والتعرق… الخ.
عندما تحدث هذه الأعراض في موقف ما فإن المرء يخاف ويتجنب تلك المواقف. مما يزيد من مخاوفه ويضعف ثقته بنفسه، فيجعله عرضة لهذه المشاعر في المستقبل مما يزيد الحالة سوءاً وتعقيداً.
يبدأ هذا الاضطراب مبكراً في سن الطفولة أو بداية المراهقة حيث تبدأ معظم الحالات في الظهور عند سن الخامسة عشرة تقريباً. وقد وجدت دراسات مختلفة أن هناك مرحلتين يكثر فيهما ظهور هذا الاضطراب: ما قبل المدرسة على شكل خوف من الغرباء، ومرة أخرى بين 12-17 سنة على شكل مخاوف من النقد والتقويم الاجتماعي، وتندر الإصابة به بعد الخامسة والعشرين من العمر.
وبالرغم من أن الإصابة بالرهاب الاجتماعي تحدث في هذه المراحل المبكرة إلا أنه يعتبر أيضاً من الاضطرابات النفسية المزمنة التي قد تستمر عشرات السنين. ومع ذلك فإن المصابين بالرهاب الاجتماعي حتى مع علمهم بهذه الحالة قد يتأخرون في طلب العلاج سنين عديدة، إما بسبب خجلهم من الحالة نفسها أو خوفاً من مواجهتها والاعتراف بوجودها.
الرهاب الاجتماعي مرض نفسي منتشر ويجهله كثير من الناس حتى المصابين به، مما يسبب لهم الألم والمعاناة والخسائر على عدد من الأصعدة.
ويعتبر من أكثر الاضطرابات النفسية شيوعاً في مجتمعنا ويبدو الرهاب الاجتماعي في الرجال، وخاصة المتعلمين والشباب، بشكل أوضح منه في النساء يرجع ذلك إلى التقاليد أو الحماية الزائدة عن الحد والتي تكون البذرة الأولى للرهاب الاجتماعي. القسوة على الطفل تفقده فطرته التي فطره الله عليها من الفضول وحب الاستطلاع، وتجعله يميل إلى الخوف والإحجام وتفادي النقد والإحساس بالضعف. أما الحماية الزائدة والحنان المفرط فيحرمان الطفل في طفولته من فرصة تأكيد ذاته مع أقرانه بالاحتجاج اللفظي أو العملي.
**********************
العلاج
علاج هذه الحالة لدى الطبيب النفسي على شكل أدوية مضادة للمخاوف وهي على العكس مما يعتقد البعض تعتبر عديمة المخاطر والمضاعفات ولا تؤدي إلى الإدمان أو التعود. كذلك لا غنى في العلاج عن جلسات العلاج النفسي التي تعتمد على الاسترخاء والمواجهة المتدرجة وتأكيد الذات وبناء الثقة بالنفس ويدعى ذلك العلاج السلوكي المعرفي.
اتمنى ان اكون قد افدتك ولو قليلا
تحياتييييييييييييييييييييييييييييي
والله يكون بعونك
وبنسبه للقذف مو شرط يقذف كل شوي
بس اهم شي اعرضيه على طبيب نفسي
الله يساعدك حبيبتي
احمدي الله على النعمه احسن من انه يكون مجرم معاك والفلوس مش كل شي المهم يطلع من اللي هو فيه وتأكدي ان الله رؤؤف بالعباد استغفري ربك بنية انه يشفيه ويطلع من الخوف اللي هو فيه تقبلي مروري
ومضـتـ<