السلام عليكم ورحمة الله وبركاته
بكتب مشكلتي وابي منكم مساعده وعدم تجريح
انا متزوجه لي 5 سنوات ومن يوم زواجي وللحين شايله على اهل زوجي كثير والحين زاد هالشعور بعد زواج ولدهم يوم تزوجت لبسوني بشبكتي طقم صغير وهذا الطقم الوحيد وماسوى لي حفله ولا عزيمه ابدا وهم حالتهم الماديه ممتااااااازه مررره ولا يعبروني مافي بينا خلاف بس مافي تقدير لي
ولدهم الي تزوج لبسو حرمته افخم طقم وسوى زواجه من افخم زواجات والله صرت احس بالغيره
زوجي طيب بس اذا زعلنا يجرحني كثير
صرت اغار من اخو زوجي كثير كيف اشيله من عقلي والمشكله ساكن جنبي سكن بافخم الفنادق وثاني يوم سافر خارج المملكه والبلد الي انا كنت احاول مع زوجي اسافرها الله يوفقهم بس الغيره بتذبحني
لان اخوه كل الي يسويه كنت اتمناه انا مع زوجي
اخوه جرح زوجته وقت ملكه لانها طلبت شرط ورفض شرطها وابوها وافق غصب عنها
بس عوضها بزواجها وبسفرها وزوجي لي اكثر من 3 اسابيع بيت اهلى متزاعله واحسه تغير علي كثير بعد زواج اخوه
عطوني نصايحكم كيف مااغار منهم وكيف انسى ماضي لاني حسسساسه بزياده ومانسى الي يجرحني ساعدوني 
مبعرف ليه الناس الطيبه مثلك ماكول حقها ليش لازم الوحده تصير نذله او مثل ابو زوج حماك يوقف ور الزوجه رجال عشان يسوون اللي الزوجه تبيه هذا حقك انا اقول بس التفاهم مفتاح الحل وان شالله البنات يفيدونك ويحلول مشكلتك اكثر
و باذن الله نصيحتي ذهبيه و ارجعلي لبيتك و الله يالريجيل ما يهمهم شي ترى
و ادعي ربي يرزقك القناعه
الله يطفي النار الي في قلبك
وبالتفاهم كل شيء يجئ قوليله ودي نعيد شهر العسل ونسافر برا ونعوض بعض
وبالنسبه لأهل زوجك ماعليك فيهم وحاولي تركزي ع الجانب الإيجابي ??فـِ?ـيْ حياتك
ولاتتوقعي أي أحد يكون سعيد ميه بالميه ولاتعيس ميه بالميه السعاده أمر نسبي
ويمكن انتي حياتك أسعد من حياتهم لاتغرك المظاهر
ويمكن ظروف زواجك كانت غير ظروف زواج سلفك
أهم شيء بيتك لاتخربيه واستعفري ربك كثييييير والله يشرح صدرك
دائما اسئلي الله الرضا بماقسم لك
وانظري لمن هم اقل منك والله سوف تعيشين بسعاده
اشغلي نفسك بماينفعك ويفيدك في دنياك وآخرتك
واحرصي على رضا زوجك
الله يسعدك ويسخر لك زوجك
ترى مايذبح الواحد غير الغيره والمقارنات المستمره
واحسن شي تسويه تحمدي الله على العافيه اللي انتي فيها
تشكري الله على الزوج اللي بعثه لك
على النعمه
على الخير
على الحب
على الستر
على اشياء كثيره حصلت لك وبنات كثير يتمنونها و مو حاصله لهم
واما سالفة اخو زوجك عملوه فرح افخم من فرحكم وهو سافر برى المملكه وانتم لا
اسمحي لي انا اعتبر هالكلام حق بزران
المفروض منك انك تعتزين بحالتك مهما كانت وبدل اللوم والغيره
رتبي انتي وخططي بحيث تكون حياتك بنفس مستواهم و زود
بجهودك وبدعواتك
وربي يوفقك