السلام عليكم ورحمة الله وبركاته.
صلو وسلمو على نبينا محمد.
ببدأ اطرح مشكلتي. المشكله الاولى الوالد عنده نوع من الكبت لا يطاق طبيعي اجلس شهور من البيت للمدرسه ومن المدرسه للبيت. ولايحب يطلعني ولا حتى اطلع مع صحباتي هوا يطلع ويتستانس ويرتاح ويجي البيت يروق ومايجي الفجر الا وهوا نايم غير اسلوبه المتغير صار يعصب من اقل شي مره اختي انتظرته في الدرج عشان يوصلها للمدرسه نزل جري عليها وشدها من شعرها يقولها انا عارفه انك تبي تطلعي وتروحي لحالك وصار يسب فيها قدام الرايح والجاي وهيا لسا بالأبتدائيه دا ولاشي من اللي يصير كل صباح.وغير انه مهمل اخوي اللي اقل من 10 سنين المريض نفسيا.غير أنو ربي شاهد عليا المصروف وحمدلله يطلع منه من أقل شي أطلبه ليش وايش عشانه.مره طلبت شي ضروري للغرفه جلس يخاصم ويوم قلتله كل هذا عشان شي مايجي قيمته 60 ريال.قالي المسأله مو مسأله فلوس لما قلتله وليه كدا معصب طنشني وراح. صار كل مايبا يعاقب يخلي اي واحد فينا يروح للمدرسه بدون مصروف او اكل جانبي ولاشي مايستاهل زي اختي اللي ذكرتها من شوي. ذا كله صار بعد الحج. طبيعي اننا نجلس على السفره هوا يقول ايش صار معاه في الدوام بس انتي تسمعي تجادلي او بالأصح تسالي مايجوزلك.انتي بس جدار مستمع. واخرها يقول انتوا ماتكلموني الا وقت مطالبكم. بتسألوني عن امي؟ تعبت منه ومن حركاته الا من اقل شي تولع نار.. ابوي قايم وقاعد بجدي. ويصلي وكل شي.بس اتجاه امي وانا واخواني من اخس مايكون من أسلوب والألفاظ وتهديد وطرق تعامل.. لدرجة من كم يوم وحده من زميلاتي حكتني عن ابوها اتمنيت بس لو نص ابوها في ابوي -الله يحفظلها هوا- صرت ارجع من المدرسه اشيل هم المشكله الجديده اللي حتطلع انا أكبر وحده فأخواني وكنت أقرب وحده لبابا واحبه اكثر من امي. بس اللحين عندي لو يغيب يوم واحد عن بيتنا يصير عيد.متخيلين قد ايش صار شي مكروه بعد ماكنت احبه اكثر شي؟. احتاج تدعو ربي يسخرو لنا بس هذه تكفينا ثلاثه شهور تكفي واحنا كل يوم هواش وصراخ وحلف ووعيد والله يكفون! محد حيحس باللي انا فيه اللي عاش كذا الله لايجعلكم تحسون فيه.
الله يهدي أبوك – ويصلح حاله – ويوفقكم يارب
حبيبتي انتــي حكيتي انه ابوكي تغير بعد ما رجع من الحج
يعني قبل كاان غيرر .. لانه كان بالنسبه لالك الاب المثالي وتحبيه اكثر من امكـ
ولـكن الان تغير ,, يمكن صاآآر معه شيء ,,
شغلي سوة البقره والرقيه الشرعيه ,,
صلي مقاام الليل بآذن الله الدعااء مستجآآب ,,
الله يصلحه ويهديه
برغم من هذه حبيبتي ضلك باره بوالدكــ كل ذا محسوب عن الله مآآ بيضيع شيء عن الله تعآآلى
اكثري من الاستغفار وتوكلي على الله
استغفر الله العظيم واتوب اليه