:15:
قوه يابنات …..بصراحه على كثر مالفيت وسمعت وعرفت اكتشفت ان اكبر مشكله هى <<الكرش>>وان المنطقه هذى هى سبة المشاكل كلها والعيب الاول والاخير ….وبصراحه كنت قبل انحرج منها لدرجة ان زوجى عمره مادخل على الا وانا منبطحه على بطنى 
ودايما يقول ترى زهقت من طريقتج بالاغراء هذى غيريها
مادرا المسكين انى مجبوره ولا ماصرت نفس الضب مغير على بطنى منبطحه 
عشان اخبى الطامه الكبرى وبعد فتره كنت رايحه الصالون اصبغ واقص شعرى ..مو ماعندى غير الشوشه هذى لعبت فى حسبتها وكل ساعه اغير فيها لدرجت كل ماشافنى فجاه مغيره قام يسمى مالومه بصراحه ..
المهم وانا بالصالون سمعت وحدة تسولف على رفيجتها وتقول سوى رياضه لبطنج عشان تروح كرشتج ياخبله
قلت :بس اكيد رفيجتها كرشتها كبر كرشتى
وقعدت انطر البنت توقف وتمشى عشان اشوف كرشتها
يوم قامت البنت وادور كرشتها والا مافيه بطن اصلا 
قلت فى قلبى :اجل لوتشوف كرشتى شتقووووووووووول واقعد ساعه لين رفيجتها قالت لها الطريقه >>>والرجال كل شوى يدق على :خلصتى ماصارت والله لوريج هين ويدق واسده بوجه
قلت والله مااطلع لين اعرف الوصفه واخيرا قالت لها الطريقه وهى كالتالى :البطن عباره عن فصين فص علوى وفص سفلى ..تمرين الفص العلوى هو كالتالى :
نامى على ظهرج وحطى ايدينج ورى رقبتج وافردى رجولج او حطى على رجولج ثقل عشان لاتحركينها <<انا عن نفسى احط ولدى على رجولى عشان احس بالثقل>>وارفعى ظهرج لين تكونين بوضع الجلوس وهكذا 10 او 20 مره
بعدها اخذى نفس عميق
وتمرين الفص السفلى هو كالتالى :
دورى عندج بالبيت كبت او شى ثقيل ونامى قدامه على ظهرج وافردى ارجولج ومدى ايدينج وامسكى طرف الكبت من تحت وارفعى رجولج وهى مستقيمه فوق ونزليها بس ديرى بالج لاتلمس الارض ردى ارفعيها قبل لا توصل الارض وهكذا 10 او 20 مره
ملاحظه: ديرى بالج لايطيح الكبت عليج
انا عن نفسى مسجله رقم الاسعاف على الطوفه وموصيه عيالى اذا طاح الكبت على دقو على هالرقم
ومن ذاك اليوم وعقب استمرار دام على الرياضه يوميا راحت الكرش
وتعالو شوفونى مغير امشى واتسدح على ضهرى حتى عند باب الشقه اتسدح
بس الرجال للحين لاشافنى قام يسمى تعتقدون ليش يعنى ارد اتبطح مره ثانيه
تمنياتى لكم بالرشاقه الزايده
والان غيرت رايي وقلت صاحبة الموضوع تستاهل من خفة دمها
حبيتها – احبك في الله وشكرا لصراحتك وصدقق وعفويتك
تقبلي مروري —
فديتك والله
وربي ونستيني بتجربتك
ان شاء الله اجربها
يعافيك ربي ويسلمك
اشكر لك حسن اختيارك وطرحك المميز والخفيف على القلب
وسعتي صدورنا بخفة القائك وعفويتك الرائعه
هههههههههههههه
لك حبي وتقديري يا قلبي
