يا ناس اتمنى تساعدوني
احس عندي مشكلة والله مخوفتني 
انا مرة تعبانة من نفسي
اتمنى اغير نفسي واكون اي احد ثاني والله ادري هذا الكلام مو طبيعي بس احسني من جد مجنونة او نفسية 
احس اني ماعرف اتكلم زي الناس ولا اعرف اعبر عن رأي او نفسي او شعوري
اتلخبط وتجيني ملايين الكلمات في مخي لما ابغا اوصف شيء يا اطلعها كلها يا اتخرس والله مادري كيف اوصفلكم
ماقد قابلت احد يعاني من شيء زي كذا
مع العلم عمري 16
ساعدوني كيف اصير متحدثة جيدة وما الخبط كيف اثق في نفسي لانه احيانا اثق في نفسي واحيانا يجيني هالشعووور
احسني مضطربة ومملة ومتشائمة وسلبية
اترجاكم ينزل الموضوع يا ادارة انا محتاجة المساعدة السريعة
قوي هالاشياء الثلاثه عندك وتنحل مشكلتك
اختلطي مع الناس اتكلمي وعبري بدون ماتفكري
لما الوحده تجلس تفكر اش تقول وتاخذ وقت
ترتبك وتبي تقول الي بعقلها بالحرف الواحد !
موشرط خليكي تلقائيه وثقي بنفسك
وانتي تفكري يمكن اتكلفم ويقولوا هبله او كلامها حق اطفال او عقلها صغير
لازم يكون عندك اسلوبك الخاص وتثقي فيه
ولو تكلمتي وسمعتي وحده تكلمت او احرجتك
اذا المشكله فيها مو فيكي انتي مو مجبوره تبني نفسك على اساس انو يعجب الناس
اهم شي يعجبك ! شوفي انا كنت زيك لما بدأت اختلط واتكلم صار الموضوع عادي ومايستاهل
بس اختي تبارك الرحمن من يوم هي بالابتدآئي لها اسلوبها وطريقتها
وحتى لو احد انتقدها تقول انا كذا مو مضطره اعجبكم هالشي حريتكم مو بالغصب اعجبكم
المهم عندي انو انا واثقه من نفسي وواثقه من طريقة تفكيري واسلوبي وشخصيتي
الثقه بالنفس اهم شي قوي ثقتك بنفسك وتنحل امورك بإذن لله
خليك واثقه من نفسك مع الايام راح تتركين الخجل