السلام عليكم ورحمة الله وبركاته
ان شاء الله يا اهل المنتدى تكونوا بأتم الصحة والعافية
بدخل في موضوعي.. مشكلتي اهي في أهل زوجي الله يهديهم
اهل زوجي في الديرة طبعا هم الله يهديهم يبغونا دايم ننام عندهم مو حب فيني
الله يهديهم يبون بنتي بس انا والله تجريح وكأني مو ام احس هناك انا طفلة يصارخون علي
وويبون يعلموني كيف اهتم فيها وكيف اصلح شعرها وكيف اغير لها وانا مرتبة في بنتي وريحتها نظيفة ..مو بس على كذا والله تجريح لا من ابو زوجي ولا من امه ولا من خواته
وابو زوجي يقولي مافيني خير واخته دايم تقول احسن ماجبتي بنتنا والا ان ..حتى الصغيرة
مرة قالت لي بنخلي بنتنا عندنا (تقصد بنتي)قلت لا مااستغني عنها وانا ابتسم قالت ايش؟؟
هذي بنتنا احنا لو نبي خذناها اسمها اسمنا انا سكت .. انا دايم هذا طبعي ماارد ابد ابد واسكت وحتى ام زوجي لما بنجي نرجع لمنطقتنا تقولي ايه اشوفك اتي مالت عليك
وتكش في وجهي نبسطتي بتروحين هاه؟؟
وش اسوي ياناس تعبت والله والله وربي يشهد علي تعبت منهم كرهت الروحة لهم كثيرين مرة واذا رحت هناك تبدأ المسرحية انا المهرج وهم بس يضحكون علي ابو زوجي يقول الغاز عني بينهم ويضحكون والكبيرة تنافخ وتقولي نومي تبين بس تروحين وش يروحك ..
خلاص جيت وقدرتكم لازم انام المشكلة لاتقدير ولا احترام .. الحل معهم
صراحة انا من شهر مارحت لهم بس اكلم ام زوجي وابو زوجي يكلموني بدون نفس بعد
حاولت اخليهم يحبوني واجيب لهم هدايا وسويت كل شي مافاد تمادوا
والمشكلة لما نروح لهم في منطقتهم يبونا ننام ويدقون فالحكي علي..
والله لو القى تقدير واحترام بنام.. لكن ذب حكي وضحك كــاني مهرج ؟؟
مع ان والله والله والله انا طبعي معهم او غيرهم مااحب اجرح وارد او اكشر في وجه احد
وش اسوي يااهل الخير دلوني الله يفرج كربكم …
ولكم مني جزيل الشكر والامتنان..
وقفيهم عند حدهم بنتك ملكك مو ملكهم ،،
|
المشاركة الأصلية كتبت بواسطة gollnaz
 اختي شنو موقع زوجج من الاعراب في هالمسرحية كلها؟! ما يقدر يقول لهم كلمة تسكتهم عنج؟! انا لو مكانج اقوله ما اروح الا لما تحط لهالمهزلة، وانتي بعد يا حبيبتي لو توقفينهم عند حدهم ما تمادوا في حركاتهم، الطيب في هالزمن محد يقدره.
|
كلام سليم.