السلام عليكم يا احلى فتوكات
اكيد كلنا لينا تجربة وحشة مع المشط الخشب..
قرينا ان المشط البلاستيك مضر.. جرينا اشترينا الخشب..
وركناه على جنب.. "اصله وحش وبيقطع شعري"
جبت انواع كتير وكلهم زفت بيقطعوا الشعر..
النهاردة جايبالك الحل من الاخر
اول ما تشتري المشط.. اي مشط خشب ايا كان نوعه
حطيه في مية دافية فيها ديتول، سافلون، بيتادين، أي مطهر عندك.. وانقعيه ساعة في المية..
بعد نشفيه كويس جدا..
وحطي عليه زيت زيتون، او زيت جوز هند، او زيت عافية… اي حاجة تطريه
واعمليله ماساج ايوة، مش بيحس؟
بعد كده هاتي (منظف الصحون) وادعكي المشط كويس بحيث ميبقاش فيه أي بقايا زيت..
بعد كده اشطفيه كويس ونشفيه..
واستخدميه..
وقبل كل مرة تستخدميه… انقعيه في مية..ونشفيه..
عشان يبقى طري
انا باغلي يووووووه … لسه بيقطع شعري..
يا بت بلاش عنف… بالراحة على شعرك..
من تحت سلكي من تحت
واطلعي بالراحة على فوق..
برقققققة كانه ابنك باضحك
مش هيقطع شعرك والله
استغفر الله باشد ف شعري
لسه بيقطع شعري
هاتي سبراي جونسون لا تشابك بعد اليوم
هيساعدك جدا في تسليك الشعر
وكل اسبوع طهري مشطك بأي مطهر وانقعيه في مية سخنة
ولو حسيتي ان المشط بدأ يبقى خشن وجاف مع الوقت.. اعمليله ماساج تاني بالزيت
يعني من الاخر.. كرري الخطوات اللي فوق كل فترة
عندك اي حاجة تانية لسه هتقوليها يا ست انتي؟ باشد ف شعري
ايوة.. واظبي على استخدامه.. ولاحظي الفرق.. اصل البلاستيك بيقصف الشعر بشكل فظيع
واهتمي بشعرك..
هاتي الشامبو المناسب ليكي…
وخليكي في حمامات الكريم.. عندك فاتيكا كويس جدا
وحمام زيت الزيتون…
ومتسخدميش حاجات كتيييير وتستني نتيجة.. شعرك هيتحول
استخدمي حاجات بسيطة…
وقبل النوم، لفي شعرك بحاجة سااتان..
وسيبي شعرك دايما مفكوك ومتهوي.. حرام عليكوا باشد ف شعري هو مش الشعر عنده احساس؟
واهتمي بالتغذية السليمة.. فاكهة وخصار بقىىىى بارقص
وعشر كوبيات مية كل يوم
احنا بنصلي كام صلاة في اليوم؟
5
5* 2 = 10 كوبيات
يعني عند كل صلاة اشربي كوبايتين، كوباية قبل الصلاة وكوباية بعض الصلاة.. وكده عشر كوبيات في اليوم
ولو حبيتي تبقي كريمة هع هع هع زودي كوبايتين وحياة ابوكي احلى ابتسامة يبقوا 12..
ولاحظي التحسن في فترة مش طويل…
سوري على الرغي..
منقوووووووووووووووووووووول والشكر للعسولة صاحبة الموضوع