اليوم اول مراجعه ليا للدكتورة عشان الحمل . بس مررره اتحطمت واكتئبت

كيفكم يا احلى حريم واطعم حوامل

انا الاربعاء روحت وحللت دم وعرفت اني حامل
فقررت اليوم اروح اكشف وابدا مراجعه عند الكتورة

وهنا الصاااااااعقه

سوتلي التصوير بالجهاز الي عندها فالغرفه مو الانتراساونت الكبير هذا لا هذا شي صغير بس قالت عشان تشوف الكيس

والحرمه تدور

تدور

يربي فين الكيس

مافي الكيس

اتخيلو قالت مافي الكيس تعالي بعد اسبوعين وارجع اشوف
قالت شكله لسه شي قريب يعني ممكن اقل من شهر ولا كم يوم

معقوله..؟!!!

طبعا مافي كيس بالتالي لا جنين ولا نبضات مررررررررة اتحطمت على اساس اروح اسمع نبض البيبي مرا زعلانه

كان نفسي على الاقل تقولي انا في اي اسبوع

لدرجه خفت يكون مافي حمل اصلا قلتلها معقوله يكون التحليل غلط كمان قالت لا بما انه موجب يعني في حمل

طيب ايش تتوقعوا يا بنات لما ما يكون في الكيس او لسه ما بان يعني حيكون في ايت اسبوع تقريبا اكيد اقل من شهر!!!
ولا معقوله يكون لسه كم يوم او اسبوع بالكتير
لاني استغربت قالت لما سويتي التحليل يمكن كان قبلها بكم يوم او 3 ايام مثلا
قلت في قلبي معقوله وعلى طول يبان فالتحليل

المهم اخواتي افيدوني وطمنوني

انا مرا انصدمت لا يكون حمل كزابي كمان

الله يريح قلبك يارب

وانا على حسابه لانه اتاخرت الدورة 20 يوم يوم ما حللت على بالي من اول صار الحمل
ما اتوقعت يكون شي قريب
وانا مطره اعمل السونار عشان لازم تتاكد الدكتورة من الكيس ووجود الجنين

خاصه انا متعقده من هذا الموضوع لانه اول حمل ليا اجهضت لانه كان في كيس بدون جنين

بس ان شا الله انا حاسه لما حروح حيبان الكيس والجنين ان شا الله ادعووووووووولي

وشكرا على مرورك يا عسل