السلام عليكم ورحمة الله وبركاته
اخواتي العزيزات
انا في هم وبحاجة الى المساعدة العاجلة
اخواتي انا عدت من وظيفتي البارحة كالعادة وناوية انو اجلس انا وزوجي ونغير جو ومن هالحركات
المهم
حكالي انو بدو يفوت يدوش ( ياخد حمام ) حكتلو صليت المغرب حكالي لا بس بلحق
حكتلو صلي اول لانو ما في وقت حكالي ما عليكي
المهم بس طلع من الحمام قضى تقريبا كل الصلاوات من الصبح للعشاء لانو طبعا ما لحق المغرب
وبعدها جلس يقرأ قران وطبعا من اكثر من سنتين ما شفت زوجي مسك القران
حكيت في نفسي الحمد لله رب العالمين شكلو رجع يلتزم بدينه اكتر
المهم بس خلص كان كتير مهموم وحالتو حالة
سالتو مالك ؟؟؟؟؟؟؟ ما حكى
وعيونو مليانة دمووووووع
حكتلو شو في موتني من الرعب
حكالي ما في شي وطول الوقت ما حكى ولا كلمة
كتير حاولت افهم منو بس ما رضي يحكي
انا بصراحةبلشت اشك بكل شي
جوزي ما طلع من البيت من مرة
وما حد زارنا
ووتفقدت تلفونو ما في شي اتصالات او مسجات جديدة وما في اي اشي مزعج
واهلو دقيت عليهم ما عندهم اشي وكل الامور تمام
عشان ما اطول عليكم زوجي ملتزم والحمد لله
بس من فترة كشفتو وهو يتفرج على مقاطع اباحية ويمارس العادة
انا خايفة يكون رجعلها مرة تانية
وعشان هيك متذايق وندمان ومش راضي يحكيلي
يعني واحد طول اليوم قاعد لحالو
وما حد اتصل عليه وازعلو وما في اي مشكلة وانا متاكدة
ملاحظة الي خلاني اشك هو انو زوجي برجع لقراءة القران لما يكون عامل اشي وندمان عليه
شوووووووو اعمل انا طلعت اليوم على وظيفتي وهو نايم
وامبارح ما رضي يحكيلي اشي
انا كتييييييير متذايقة لانو بعد 5 سنوات زواج لساتو زوجي بخبي علي
وزعلانة وخايفة يكون شكي بمحلو
قلب الؤمن دليله وانا حاسة انو رجع للعادة الزفت هاي
شووووووو اعمل والله تعبت
هو اليوم كمان في البيت ما عليه وظيفة اليوم
عشان ما حد يشك اني مقصرة معاه انا والله حلوة ودلوعة زيادة
وظيفتي برضاه لانو راتبو لحالو ما بكفينا وانا عمري ما قصرت معاه لا ماديا ولا جنسيا باعترافه وكتير بحكيلي انو محظوظ فيني طيب شووووووووو المشكلة
هل من حقي اشك فيه وانا ماسكتو قبل هالمرة او لاااااا
شوووووو اعمل
برأيي ما في داعي للخوف والقلق
وما اله داعي طول الوقت تقولي اله شو مالك شو صاير الك
والحمد لله الرجل من حاله عرف غلطته لجأ للقران
يعني توبة لله
يعني راجع لله
وانت ما الك الحق تحاسبيه وتراقبيه هذا يزعجه ويبعده عنك
وما عجبتني كلمه منك
| وهي هل من حقي اشك فيه وانا ماسكتو قبل هالمرة او لاااااا |
شو يعني ما سكتو لا ما بيصير هيك بدك تكوني لطيفة معاه وحتى لو عرفتي عنه هالشي ما تواجهييه فيه انك مسكتيه
لا احكي معاه بهدوء خططي ليلة رومانسية وجميله
اذا هو حب يحكي بيحكي الك اذا ما بدو ما تضغطي عليه هو لما يشوفك هيك راح يخجل من نفسه
وزوجك ما شاء الله عليه يشعر بذنبه ويرجع لله
شو بدك احسن من هيك
في رجال يعمل المعصية ويجاهر فيها امام زوجته وما يهمه
احمدي الله عليه
وحاولي تتقربي منه
واملأء فراغه بالسهرات والمشاوير وبلاش تضغطي عليه
تقبلي مروري
استغفر الله واتوب اليه
انتي لا تشكين فيه دام قلبه فيه ايمان وخوف من الله هذا اهم شيء..
الندم يعذب الواحد وانتي لاتلحين عليه بمعرفة الشيء
عشان ماتقسين قلبه وتكرهينه بالندم وتأنيب الضمير
خليه بهمه واحساسه بالغلط عشان يجاهد نفسه على ترك
المعصيه اللي يقدم عليها..
يا اختي زوجك نفسو تلومو عشان عمل غلط ومحد منا معصوم من الخطا فلا تزيدي عليييييييييييه بالعكس ما دام شفتيه يقرا قران ويصلي شجعيه انو رجع لربه وتاب وقوليله الله يثبتك وو يزيدك ايمان و شوفوي اش ناقصه ولبيله رغباته الله يوفقكم ويسعدكم يارب
وأنا برأيي اذا هو رجع لربنا أكيد عرف غلطه قبل رمضان ونوى يتوب خلص لا تذكريه باللي عمله وادعيله