أمي بعد كل غالي
جاتني في أسوء أحوالي
مسحت دمعتي وسألتني
يا بنتي إيش أخبارك
ايش علومك ايش جرالك
ليه الدمع على خدودك
ليه من الدمع غرقت عيونك
يايمه خذيني بحضنك
ضميني وواسيني
مشتاقه لدفا صدرك
عطشانه ومحتاجه حنانك
مين بهالكون يرويني غيرك يا يمه
يمه تعالي احكي لك
عن أخباري عن أحوالي
وأيش سويت انا اليوم
ومع من سولفت وضحكت
يا يمه مشتااااااااااقه
مشتاقه تلعبي بشعري وتضميني وتبوسيني
ونضحك مع بعض ونسولف
ووقت النوم في حضنك تنوميني
وفي الصباح ببوسه تصحيني
تذكريني بصلاتي
وتجهزي لي مريولي
وتفطريني من يدك
وعلى الباب توصليني
توصيني على دروسي وتالي تبوسيني وتودعيني
ووقت الرجعه تستقبليني
تغديني وتنوميني
وفي العصر على القهوه جمعتنا
آآآآآآآآآه مشتاقه لهالأيام يا يمه
ايش الي غير احوالنا؟؟
ليه يا يمه تفرقنا؟؟
وكبرنا وتغيرنا؟؟
خذيني يا يمه في حضنك
أبي أرجع أنا طفله
قلبي طاهر وطيب
والحقد ماله بقلبي معنى
أبي أرجع أنا طفله
مابي أكبر يا يمه
أبي همي بس العابي
ومتى أطلع مع صحبااتي
تذكري يا يمه كيف كنت
أرجع خايفه من عند جيراني
أخاف تعصبي لما تشوفيني
بالطين معدمه هدومي
كنتي تضحكي بوجه يوتاخذيني وتبوسيني
وتاخذيني وتحمميني وتغيري لي هدومي
وأحلى لبس تلبسيني
آآآآه يا يمه أبي أرجع أنا طفله
ووعد ما أوسخ هدومي بالطين
ولا أضايقك ولا أزعجك
وبسمع كلمتك يمه ولا أتعبك
بس نرجع مثل اول يا يمه
لأوفى واطهر وأنقى قلب
>>ماما<<
ربي ما يحرمني منك
ولا يحرم كل شخص من امه
تحياااتي من القلب انثرها لكم
لولا*